ماراثون ألعاب الـRPGs !

[Neo Cid]

السلام عليكم يا أخواني ..

اليوم فكرت بفكرة ممتازة و جيدة .. و رائعة بنفس اللحظة .. ألا وهي .. فكرة ماراثون الألعاب الأر بي جية .. بس شنو راح يبدر على بالكم أول شي ؟ .. أنا بشرح لكم كل شي .. :

طريقة المسابقة :

أننا نقرر أننا نلعب بلعبة من العاب الأر بي جي المعروفة و المفيدة و الممتعة .. يعني مثلا لو نبدي بفف7 .. لازم أي واحد يبي يشارك بالمراثون يحط أسمه .. و بعدين نبدي .. و تكون بدايتنا بيوم احنا نحددة .. و أهم شي بالمسابقة الماراثونية هذي اهو الأمانة و الصدق عند المشارك .. لأنه شي أساسي ..

و لمن نبدي كلنا بيوم واحد بلعبو واحد مشتركة .. و نحدد يوم نهائي للعبة .. يعني بعدين نشوف النتائج .. مثلا العضو جيلتي جير أكس وصل لي وحش الأخير بس ما فاز عليه .. و العضو فلان مثلا وصل لي مكان .. و العضو علان فاز على الوحش الأخير .. و هكذا .. و نشوف ليفيلات اللاعبين .. و كل عضو و كم ليفيلات لاعبينه بصدق ..و عدد الساعات اللي لعبها .. و هكذا ..

و طبعا من الشروط هو عدم استخدام الجيم شارك أو الأكشن ريبلاي ..

و اللي يبي يشارك يكتب رد يقول فيه أنه ناوي انه يشارك و يقول لنا اسم اللعبة .. و كل واحد يكتب ردة و أسم اللعبة اللي وده أن الماراثون تدور أحداثة باللعبة .. و هكذا .. ليمن كلنا نتفق على لعبة واحدة .. و من ثم نبدي كلنا فيها ..

الهدف من المسابقة :

أن نخلي المشاركين يطلعون على الألعاب القديمة .. او الألعاب اللي ما لعبوها أصلا أو الألعاب اللي ما أحبوها .. يعني يمكن مع هذي المسابقة تتغير نظرتهم تجاه اللعبة و طريقة لعبها .. و هذا الشي اللي أتمناه من مدة ... و قلت يمكن أني بهذي المسابقة أغير نظرتي تجاه فف8 أو فف10 .. من يعلم ؟ ...

سلام ..

[Guilty Gear X]

انا خارج منطقة التغطية
عندي العاب ر ب ج كثيرة تحتاج المسترة و الختم:" :"

[SUPER_SAIYAN]

يا سلامي عليك يا Neo Cid :0) .. عيني عليك باردة انت وافكارك ;-)

حطني على راس القائمة .. انا راح اشارك باسمي ..

بس ما ادري .. شو هي اللعبة اللي راح نلعبها ؟؟؟

انا ما تفرق عندي .. بس انشاء الله تكون اللعبة اللي راح تختارونها موجوده عندي .. هذا اهم شيء :6 ..

وانا في الانتظار ..

والله يعطيك 1560 عافية

[QaHir]

شكرا على هذا الموضوع القمة في الروعة تسلم ياخيو سيد والله يوفقك من ناحيتي

حطني بكل الالعاب الار بي جي الا فف8 :6 لأان خبرتي قليله فيه وماصدقت ختمته مرة واحدة .. وبالتوفيق ..

[squall 911]

و الله فكرة حلوة

بس اذا كان واحد نصاب :0)

ايش بنسوي ?: ?:

[احمر الوجه]

أنا اشاهد فقط


أسف على هذا كلام:# شكراً نيو سيد

[Jecht]

انا ماعندي مانع اذا كانت فاينل
غير كذا مااضمن

[Neo Cid]

Guilty Gear X :

أفاااااااااااا ..

كنت حاطك بأول اللستة .. .. أنزين .. قولنا الألعاب اللي تبي تمسترها .. و احنا نمسترها معاك ... يعني لو ما عندك مانع ..

SUPER_SAIYAN :

مشكور أخوي سايان .. والله اخجلتني بردك .. :#

اوكي .. انت أول مشارك ...

بس أنت عطنا فكرة .. نبي لعبة تكون سهلة كبداية .. و بعدين نبدي بالصعوبة ..

اشرايك لو فف9 ؟ ...

قاهر كل شي :

يا هلا فيك أخوي قاهر ..

أوكي .. انشاء الله .. نشوف أحنا .. أنت شتقول ؟ ..

squall 911 :

هلا سكوال و مشكور على الرد ..

والله شوف .. أنا أبي أن كل واحد يبين نفسه .. ونشوف مستواه في العاب الار بي جي .. لكن إذا هذا واحد يبي يحاول أنه يغشنا .. فالله راح يحاسبة .. يعني ما أعتقد أن أحد ما سمع بهذا الحديث : ( من غشنا فليس منا ) .. صدق رسول الله (ص) ..

احمر الوجه :

أفاااااااا ..

والله كان بودي أنك تشارك أخوي أحمر .. يعني ليش ؟ ..

أنا أتمنى أنك تشارك معانا .. أرجوك اخوي ..

[Neo Cid]

الرسالة الأصلية كتبت بواسطة Jecht
انا ماعندي مانع اذا كانت فاينل
غير كذا مااضمن

أوكي ..

يعني أنت تقول فف .. عاد تصدق مثلي .. .. شكلنا بس راح نلعب فف ..

[SUPER_SAIYAN]

يعني خلاص ......... نتوكل على الله .... ... فانيل فانتسي 9 ؟؟

[star dragon]

انا راح اشترك بس حرام فاينل 9 عندي خربان تهيء تهيء تهيء تهيء

[Angel whisper]

والله فكرة حلوة سيد ..

ابدئو وان شا الله الكل يشارك ..

ومشكور ...

[star dragon]

ايوه قلنا متى نبدا

[احمر الوجه]

أعترفلك ان ودي بس انا ما عندي خبره:"



أنا قريت بس ما فهمت اسف ممكن تلخص


أنا احب اشوفكم اشكركم هذا اخر شيئ مو قصدي ان لعبه شينه بل العكس حللللو انا اسف على كلامي :#

[Neo Cid]

SUPER_SAIYAN :

أممممممممممممم .. لحظة شوي .. أخوي خلنا نشوف الاعضاء ... منو راح يشارك ؟ . و هل موافقين على فف9 ؟ ..

star dragon :

أمممممممممممم .. يعني ما تقدر تشتري نسخة أو تدبر النسخة ؟ ..

احنا راح نبدى لمن الكل يجهز و يكون جاهز للبداية .. يعني لو فيه عضو يبي يشارك و عنده ظروف .. يمكن نأجل المراثون ليمن يكتمل العدد ... انشاء الله ..

أنزين الحين اخوي أضيفك ولا تبي مجال أكثر تفكر فيه ؟ ..

Angel whisper :

العفو خيتو انجيل .. و شكرا على الاطراء .. :#

أنزين أنتي ليش ما تشاركين ؟ .. مو فكرة ؟ ..

احمر الوجه :

لااااااااااااااااااا

يعني خيو انا ودي لو انك تشارك .. بس على راحتك ..