دلخ يعرس على دلخه ,,,,وش تتوقعون يصير

**Auron** · 03-10-2002, 11:16 AM

السلام عليكم ,,,,take this :6

مواصفات العريس الفله خخخخخخخ
الاسم / دحيم الدلخ
العمر / منولد في سنة الطفره

الشكل / قزم ودب واقرع و وجهه كله خدوود وماافيه عيون

باختصاار يحووم الكبد

الولد دحيم داااشر 24 ساااعه مشااكل وتفحيط وخراابيط

المهم ابووه قرر انه يزووجه يمكن يعقل الولد !!!!

ويقووم يخطب له ابوو بنت عمه حصه !!!

عااد حصه خبله مثله

المهم يووم جااء العرس ولا دحيم طاالع مع اخويااه لثماامه يطعسوون

وابووه يدق عليه

الاب: الووو دحيم وينك؟

دحيم : هلا والله طالع مع الشبااب لثماامه

الاب: جعل تطلع رووحك بلاا تعاال اليوم عرسك !!!

دحيم : طيب العرس في اليل يمديني اعوود المغرب

الاب: اقوول امش جعلي امشي العصى على ظهرك

دحيم : طيب خلااص جااي

ويقفل التلفوون

المهم ويجي دحيم ويلبسوونه الخبل نااوي يرووح بقميص نوم

المهم ويمسكونه اخواانه ويلبسوونه ويودونه للقصر >>>>>>> دحيم الا الحين ماا يدري وش الساالفه يبي يخلص بسرعه عشاان يلحق على العياال في الاسترااحه يلعب بلوت

ويدخلوون القصر ويجلسوونه في المنصه وهو يقوول ابي ارووح اجلس عند القهوجيه ابي اتكي معهم واشرب شااهي ( والله منسم مررره)

ويلقطه اخووه ويجلسه على الكرسي

ويجوونه النااس يسلموون

المعازيم : مبرووك منك المال ومنهاا العيال

دحيم : هلا ايه طيب يكوون خير والله ما عندي ولا فلس

( قاايله لكم مووب وجه زوااج)

المهم ويدخلوونه على الحريم

يووم دخل

وهو الي يفتح كشرته ( ابتساامه عريضه)

وينااظر في ذا البني

المهم يووم طقوو الطقااقاات الا وهو يطمر ويرقص ساامري

ويسحبه ابووه ويقوول اركد لا تفشلنااا

المهم ويجلسه على الكووشه

وتجي وحده ترقص عنده وهو الي يضحك عليهاا ويقوول اوووووه ماا تعرفين ترقصين ياا الدبه

وانوااع التهزياا المشكله الي ترقص امه مسيكينه تبي تفرح به ماا درت انه ماا يستااهل

المهم ويقوومن البني يرقصن عنده وهو ينااظر يقوول عااشو هزي ور ور

الا وابووه يكمخه على جبهته

دحيم :طيب خلااص ابنطم

المهم يووم خلصوو وهو يااخذ العرووس ويركبوون السيااره

المهم ماا دراا الا تقووم حصيصه وتقوول ماابغيناا نطلع اقوول ماا عندك شريط كسراات ( شعبي)

ملينا من ذاا الطقاقات ازعجووني

الا وهو ينبسط على حرمته خبله مثله

المهم وتقوول له

حصيصه : دحيم ابسالك سؤاال؟

دحيم: اسالي !!!!!

حصيصه : انت الحين تعرف تفحط ؟؟؟

دحيم : اكيد انا احسن وااحد يفحط ( مسوي فناان عندهاا وهو ما عندك احد)

حصيصه : والله ورني ابي اشوفك تفحط

دحيم ( توهق)

دحيم : خليهاا بعدين مووب اليووم ( يبي يصرف)

حصيصه : افااا شكلك ماا تعرف هههههههههههاي

دحيم : اوريك من الي ماا يعرف

وهو الي يلف هذيك الفه وطراااااخ في المااصوره على طوول

والحين حصيصه ودحيم في الشميسي الدور الاول غرفه 123

قسم الكوسور

الزيااره من 9 الى 12 ظهرا و 5 الى 9 مساء

ههههههههههههههههههههههههههههاي

النهاايه

بس تبوون الصدق هذي اخرة زواج العرابجه

تحياااااااااااااااااااااااااااتي،،،،،،،،،،
منقووووووووووووووووووووول
-----------------------------------------
وش رايكم

**flarestar** · 03-10-2002, 11:31 AM

هههههههههههههههههه

حلووووووووووووووه

تفطس من الضحك

بس لاحظت شيء اللي كاتبها زيي دايم يقول الموهم:6

**العمدا** · 03-10-2002, 11:39 AM

يا اخى ليه دحيم دايمن يطلق عليه لقب الدلاخه :"

والله انى منيب دلخ :"

**Auron** · 03-10-2002, 11:45 AM

فلير:يمكن انتي كاتبتها:6

العمدا:موب انت واحد ثاني

انت الوحيد الي اسمك دحيم؟؟اخوي اسمه دحيم:6

**جـــدة غير** · 03-10-2002, 11:50 AM

خخخخخخخخخخخخخخخخخخخخ هذا دحوم مواصفات زي حق طاش ما طاش

**باباسنفور** · 04-10-2002, 12:21 AM

اكيد بيطلع لهم توم اذكياء:6

**Auron** · 04-10-2002, 12:33 AM

جـــدة غير:يعني موب هو نفسه يشطف:6

سنفور:ليش انت شاك في كذا

**tidusxxx** · 04-10-2002, 12:54 AM

ياسلام.....ربنا يخليهم لبعض...زين انهم طاحوا في بعض ...موب في ناس طبيعيين

**Auron** · 04-10-2002, 01:03 AM

على رايك

ياشباب انتبهوا اذا بتعرسون لا تطيحون في دلخ ولا دلخه تجيب اجلكم وتخليكم تفحطون بالهوني موون

<---تسقق بطني من الضحك

تهئ تهئ:6

**سفوري** · 04-10-2002, 01:04 AM

يا خي عجزت اتنفس من الضحك

هههههههههههههههههههههههههههههههههههههه

**Auron** · 04-10-2002, 01:18 AM

خساره ما مت

**snake905** · 04-10-2002, 01:59 AM

سبحان الله تأتي على دحيم النكت دايم

كل هذي دلاخه ?:

مسكين ما لحق يلعب بلوت في الاستراجه

مشكور

**Lena** · 04-10-2002, 02:28 AM

ههههههههههه قصه منسمه مره

وش يبي يروح بقميص نومه للعرس:": رايح فيها

ولا هي طلعتادلخ منه

صراحه حلوه القصخه وخفيفه دم

شكرا اورون ونستنا:-)

**DNA** · 04-10-2002, 02:44 AM

الحمدلله انا هنا ف المنتدى يدلعوني دحومي:6 مش دحمي

اللي يقول لي دحمي اطخخو:6

**سفوري** · 04-10-2002, 02:49 AM

الرسالة الأصلية كتبت بواسطة Auron
خساره ما مت

أنا

حرام عليك

وش تبيني أسوي عجزت امسك نفسي من الضحك

الموضوع: دلخ يعرس على دلخه ,,,,وش تتوقعون يصير

أدوات الموضوع

دلخ يعرس على دلخه ,,,,وش تتوقعون يصير

ضوابط المشاركة