بما أني كتبت قبل فتره عن غريندايزر و لقيت اقبال جيد على الموضوع قلت اكمل عنه نظرا للاقبال الجيد عليه ودا الشيء غير مستغرب فهوا من اشهر واقدم الكلاسيكيات اللي الكل تابعها واستمتع بيها في الصغر والى الان تعتبر من اكتر الاشياء اللي نجحت ولها قاعده جماهيريه ضخمه في كل العالم العربي ونفس الشعبيه واكتر في فرنسا وايطاليا لكن الشيء اللذي يدعو للعجب هوا عدم شعبيته في اليابان بلده الاصلي الشيء اللي خلى جوناجاي(المؤلف) بنفسه يسغرب ايش السبب. ده حيكون موضوعي اللي حأفتحه للنقاش كعادتي في مواضيعي حأفتح الموضوع و اكتب اللي عندي و اترك الباب مفتوح للنقاش او الاسئله فممكن اكون غلطان او فاتني شيء فأللي عنده اي اضافه او تصحيح لا يبخل علينا بها فالهدف الاول و الاخير من الموضوع الفائده.
انا اعرف نظريتين للموضوع ده :
النظريه الاولى:
نظريه حب اليابانيين لكابوتو كوجي فكوجي اللي كن القائد تبع المازنجر واللي ظهوره في نهايه الجريت مازنجر حسم الموضوع و هو اول بطل للسوبر روبت والناس حبوه في المسلسلين يجي في غريندايزر في دور جانبي حتى في البدايه مع التيفو يكون عاله اكتر من انه يساعد ولمن جاله الدبل سبيزر اتحسن وضعه شويه لكن لسه مو المكانه اللي عشاقه كانو منتظرينها منه ابدا ابدا ده اثر كتير جدا على سمعت الانمي وما خلاه ينجح النجاح المتوقع.السبب ده خلى الشركه المنتجه لسلسله ال super robot wars في الاجزاء اللي فيها دوق فليت وكابوتو كوجي (كلها فيها كابوتو كوجي) يجعلو كوجي افضل من دايسكي بمعنى ان ارقام كوجي اعلى من ارقام دايسكي في نفس المستوى رغم ان الشيء ده مخالف للانمي والمانغا فعلى حسب المانغا والانمي دوق فليت انسان خارق super human من كل النواحي و كوجي انسان عادي يعنى حتى ماريا فليت اللي ما عندها اي خبره قتاليه وعمرها 14 سنه افضل من كوجي لانها انسانه خارقه من فليت لكن في اللعبه بسبب حب اليابانيين لكوجي جعلوه افضل.
النظريه الثانيه:
كانت انه بسبب انتشار وكثره انمي الميكا (الاليات) في ذلك الوقت لم يعد اليابانيين يستطيعون التفريق بين الجيد والغير جيد. اللذي يؤيد هذه النظريه هي حاله القندام فتابعوا معي الحاله, يوشيكو تامينو (المؤلف) و استيديوهات سانرايز اللذان تعاونا من قبل فى انتاج زامبوت3 و تايدن 3 الان وفي سنه 78 قاما بانزال القندام (الاصلي 0079 ) في مسلسل من 50 حلقه و كان ثوره في عالم انمي الميكا من عده نواحي من ناحيه القصه و تصميم الاليات و اسلوب الاكشن كما ان الشركه رصدت له ميزانيه ضخمه في ذلك الوقت فممثلين الاصوات من الافضل في ذلك الوقت و الرسم مقارنتا بالانمي في ذلك الوقت كان يعتبر الافضل فكل عوامل النجاح متوفره في الانمي لكنه في اول الامر فشل ولم ينجح. قامت سانرايز بعد ذلك يسنتين اي في عام 1980 بأختصار المسلسل في ثلاثه افلام طول الواحد ساعتين ونصف وقامت بعرضها في الدور العرض على دفعات ما بين عامي 1980 و 1981 ونجح بعدها القندام نجاح باهر و الناس عرفت ما هوا القندام و اغرمو به مما جعل اليابانيين يعطونه في استفتاء حصل عام 2000 افضل انمي في التاريخ. فنفس الشيء بالنسبه لغريندايزر فلم ينجح بسبب كثره انمي الميكا في وقته اما نحن فلم يكن عندنا قبل غريندايزر اي انمي ميكا كان هوا الاول لذلك نجح وبالنسبه لنا يعتبر هوا الاساسي والباقي متفرع منه.
رد مع اقتباس
و على فكرة احنة لما كنا صغار كنة نشك بان كوجي هو نفسة (نسيت اسمه) اللي في مازنجر .. بس كنا نقول مش معقولة .. في مازنجر طالع واحد قوي بينما في جرندايزر طالع واحد غبي 
