اول رسمه لي ارضى بمستواها .!

**ODIN** · 26-10-2002, 06:58 AM

السلام

عذرا يا اخواني . المفروض اضيف هذه الرسمه لموضوعي القديم . لكني دورت عليه ولا لقيته ..?:

المهم .. هذه رسمه تنين .. بتلوين فتوشي

وهذه مع تأثير بالفتوشوب . انا افضلها عن الي فوق

عطونا رايكم

**Kubaj** · 26-10-2002, 07:19 AM

ماشالله عليك ^_^

ابداااع كالعاده ..

ولو انه الثانيه التنين مختفي فيها شوي ?:

**MZM** · 26-10-2002, 08:18 AM

و عليكم السلام و رحمة الله اخوي اودين

ما شاء الله

شها الإجرام الله يهداك ما تدري اني اتحطم بس لما اسمع اسم تنيييين

الرسمتين كلهم روعه و الخلفيه حيل حلوه

بالنسبه لي الرسمه الثانيه أحسن من الأولى بكثير ... لإن جلد التنين ملمسه خشن و مفصل بالتلوين ... و مجسم أحسن من التلوين بالرسمه الأولى

كل ما أشوفها و الدخان طالع و مغطيها احس لو انها تتصمم بالبعد الثلاثي و تتحرك بتكون شي خيالي

ما شاء الله رسمك الأساسي باليد (بغض النظر عن التلوين اللي دايم روعه) صار أكثر روعه من قبل

حاول تكثر رسم الوضعيات المختلفه للجسم ... على شان تخلي الجسم مشدود بحالة الغضب و شايل نفسه مو مرتخي ... على الأقل بالنص الثاني اللي مو مجروح ... و خل الرقبه الطويله تكون مع إمتداد الظهر علي شان تصير الوضعيه اكثر واقعيه و ثبات و تعبير

الخلفيه و الجو العام حيل حيل عجبني

و الدخان اللي طالع من الفم حركته حلوه

رسومك و تصاميك دايم فيها ذوق

ابدعت يا مجرم

**Rex** · 26-10-2002, 10:57 AM

الرسمه جميلة أخ Odin ...

((هالوحش يذكرني بbahamut اللي في ff7 ^^))

أنا مع كلام mzm ...

وبالنسبة للخلفية فهي رائعة جدا !!

وأرجو أن تستمر بالرسم ((لا تنقطع عن الرسم أبدا )) حتى تتقن الوضعيات بشكل أفضل ...

وبالتوفيق ^^

**Neo Cid** · 26-10-2002, 01:08 PM

والله التصميم روعة أخوي بدر ..

ودي أتكلم .. لكن أخواني ريفلكس و MZM قالوا كل شي .. ما خلوا لنا شي ( خلوا لنا شي يا جماعة الخير )

سلام .

**orange road** · 26-10-2002, 06:14 PM

وانا بعد ذكرتني ببهاماوت من فاينال فانتاسي

عاد انا نقدي مب ليهناك

لكن اقدر اقول ان رسمك وايد تحسن يا اودين
بس مثل ما قال محسن
حاسة ان الجسم مرتخي

انت رسمته من خيالك والا استعنت بصور...
ليش ما تحاول تنقل علشان تجيد رسم الجسم وبعدين تبتدي ترسم من عندك

لكن التلوين والتأثيرات
طبعا فوق الخيال...

روووووووعة

**ODIN** · 27-10-2002, 01:10 AM

ما قصرتوا يا اخوان

صراحه استفدت كثير من انتقاد وضعية الجسم .. حتى شاهين امس ما قصر ونبهني على هذا الشيئ

عموما اليوم بحاول ارسم تنين بوضعيه جديده ( على السريع ) واعرضها لكم حتى نشوف اذا في تطور او لا

والف شكر لكم MZM REFLEX Neo Cid orange road

**هـداف** · 27-10-2002, 05:18 AM

مشاءالله:واو:

والله انك رسام....عليك شغلات...الدخان والشمخه الي بصدر التنين ...عليك فن رهييييييييييب وعاجبني كثير:واو:

بس في شي حبيت اقوله...بصراحه انا محتاج لأخذ بعض رسماتك عن الأسلحه...وبرسمها عندي ببعض الرسمات وبكتب ان انت صاحب تصميم السلاح...ممكن اخوي اودين......لأني حاولت اصمم اسلحه لكن يطلعون يلوعون الجبد.....انتظر ردك يارسام

**ODIN** · 28-10-2002, 12:06 AM

الرسالة الأصلية كتبت بواسطة sha3er
مشاءالله:واو:

والله انك رسام....عليك شغلات...الدخان والشمخه الي بصدر التنين ...عليك فن رهييييييييييب وعاجبني كثير:واو:

بس في شي حبيت اقوله...بصراحه انا محتاج لأخذ بعض رسماتك عن الأسلحه...وبرسمها عندي ببعض الرسمات وبكتب ان انت صاحب تصميم السلاح...ممكن اخوي اودين......لأني حاولت اصمم اسلحه لكن يطلعون يلوعون الجبد.....انتظر ردك يارسام

ههه الله يهديك وتستأذن بعد؟!

كل التصاميم لك ومو ضروري تكتب اودن صاحب تصميم هذا السلاح ..

لاني انا احاكي اسلحه واقعيه واقدر اعطيك صور لها اذا حبيت ..

راح تفيدك كثير..

ان شاء الله بجرب بعد فترة ارسم سلاح من خيالي

**هـداف** · 28-10-2002, 07:36 AM

تسلم حبيبي أودين وهذا من كرمك علينا...واحنا مالنا غنا عنك

......لو ممكن ترسل الصور على الإيميل لو تقدر أو بالطريقه الي تحبها انت والي تريحك...

وانا ترى مّصر على اني احط اسمك او على الأقل بأنك ساعدتني...

لا تقولي ليش...

مشكورررررر:6

**ODIN** · 28-10-2002, 08:17 AM

شاعر حبيبي .. شوف في موضوع اسمه ( سلام ^-^) لي اتوقع وصل للصفحه الثالثه او الرابعه من منتدى المنوعات .. تلاقي هناك عصابه اسلحه ههه انا وتويا سوينا تحالف نتج عنه معسكر تدريبي للاسلحه .. روح تلاقي مخزن هناك