الله يسلمكم ويطول بأعماركم(بقول القصة من طأطأ لسلامو عليكوم)...ونا قاعد على المسنجر...مع شخص عزيز مرة مرة مرة...كان عندي مشوار لازم اخلصه(بودي حق خويي دفاتره بيذاكر)..وفي نفس الوقت ودي اقعد مع هالشخص...المهم اني تأخرت على خويي...ويوم قدرت اقطع مع اللي بالمسنجر (طبعا قطعت لاسباب خاصة اولها عشان ما اذوب)
رحت ودقيت سلف الالنترا":" <====قير توماتك وجنوط
وماسك على الشارع الاول بالداامووم الاشارة خضرا قدامي...وامشي...ولا يجيني واحد من اليمين (هايلكس) وززز مقلع وخاش في شارعي(مكتوب باسمي
وتأبى البريكات ان توقف اندفاع الاالنترا القوي وترتطم في السيارة الهايلكس مع ورا من اليمين...يعني الالنترا انضربت من قدام على اليمين في الهايلكس من الزاوية السيار من ورا بس الحمدلله ماكانت من ورا فماحسبوا الغلط علي..كانت من الزاوية..وهو خاش في شارعي والالشارة فاتحة لي يعني الغلط عليه مية بالمية...انا نازل مسوي فيها معصب
اطالع سيارتي
واقعد اتكلم مع نفسي(يزعط يسب)مع اني كنت اغني حبيبي وادلع عليك - ديانا حداد (غببببااااارررر)
واشوف الاخ راعي الهايلكس ينزل لابس بلوزة التوي تاون
طلع يشتغل هناك
والصلح خير ومدري وشو قلتله ادري انه خير بس المرور جاي جاي (نافخ وهو حتى رخصة ماعنده
لا ومن زود الدلاخة نزل وسكر باب الهايلكس والمفتاح داخل..
المهم الله لايبلانا...
جوالي طبعا ولسوؤ الحظ...توه قبل 3 ساعات عدى الحد الائتماني وصاير استقبال(ولا ابي ابوي يدري) بس شركة الهاتف من ذكاءها خلت ارقام الطوارئ مجانية
ادق على 999 (مب حافظ الا هو)
اقوله ارسل لي مرور للشارع الاول...في حادث..يقوللي دق على 993 اقوله انت دق عليهم وارسل الدورية..قال لا هذه مو شغلتي..قلتله طيب طيب
وادق على 993 مايردون?: .
.
تخللللللللف
دقيت ولا 10 مرات
مايردون
شفت دورية مرت...وقفته فتحلي الشباك..يقوللي هلا..اقوله اهلين ماتشوف حادث قال الا...قلتله طيب انزل شوفه...قال لا هذه مو شغلتي...اجل شغلة مين...شغلة المرور...ونت وشو؟ دورية ....فرقت يعني؟ ايه تفرق...قلتله طيب كلملي المرور مع جهازك ذا...قاللي لا هذه مو شغلتي..انت دق على 993...قلتله مايردون..قال ازعجهم دق واجد ويردون
?: ?:
تخللللللللللللللللللللللللللللللللللللف
المهم قلت للسوري حق التوي تاون معك جوال؟
طلع عنده زي حق جود055 سوا..يقول باقي 6 ريال...
قلتله طيب منب مكلم واجد
وادق على اخوي مايرد
الله يستر مافي الا الوالد...لأن احنا مأمنين...على السيارة ولازم واحد معه رخصة عشان يمشي التأمين...
ادق على ابوي...
اقوله دق علي
يدق علي..
هلا طلال
ترا صارلي حادث على الشارع الاول
الله يكره ابليس
ووصفتله وين بالضبط...
المهم جا..وقاللي ارجع بتكسي...
ونا بتصرف..
ونا جيت وقلتلكم اللي صار:#
توه ماله ساعة ...
ونا الحمدلله ماجاني شي...:0)
بسم الله الرحمن الرحيم
<------طبعا بعد التشرشح اللي جاه":" 
