اخبار الدار مادري رقم كم :p

[Angel whisper]

مسا الخير .. والاحساس .. والطيبة ..
اخبار الحلوين ؟
عساكم بالف خير وعافية ..
لا تضحكون علي تراني ملانة وقمت اخرف
يلا ابدا الحين ..

1- ممتــــــــــــــــــــــــــــــــــــــــــــــــــــــازة !!

وأخيرا دخلت علينا ال Bubble Woman ... لا تستغربون الاسم .. لانه

والله .. هاي الابلة عجيييييييييييبة .. قصيرة .. واعتقد ان ما عندها رقبة !!

لان راسها متصل بطريقة غريبة بجسمها !!

بالاضافة الى انها على شكل دائرة كاملة .. !!!

على العموم دخلت والله هونها .. وسلمت بطريقتها العجيبة ..
(( سلام عليكوم ثالث !! ))

وبدأ السؤال .. اللي يساله اي استاذ جيولوجيا لطلابه ..

ما معنى الجيولوجيا ؟!

وانا شو دراني بالجيولوجيا ؟؟ المفروض هي اللي تشرح مب أنا :!

على العموم سلكنا مخنا شوي وطلعنا كم تعريف ..

وفعلا وقفت عشان اجاوب وقلت والله يشهد 4 كلمات ..

فصعقتني الابلة بممتـــــــــــــــــــــــــــــــــــــــــــــــــــــــــــــــــــــــــــازة !!

من هول الصدمة ارتديت لورا :!
صراحة الواحد يكبر راسه لو قاله حد هالكلمة صح :6 ؟؟

على العموم جاوبت ويلست واستمرت الحصة اللي بسميها عذااااااااااب ..

هاي الابلة المجنونة تريد من كل بنت ان تحفظ المنهج كنوع من التحضير !!

هذا غير الخرابيط اللي تكتبها على السبورة وتطالبنا بحفظها !!

وهذا كله غير القفطات اللي شغالة توزعها على وجوه البنات المساكين ..

واللي كان منهم الجدار الآدمي !! نعم .. !!
واخيرا الجدار الادمي قفط !!
وبصراحة حسينا انها بتنفك طوووبة طووبة ..
على العموم انتهت الحصة على خير وما انفجر الصف ..

يتبـــــــــــــــــــــــــــــــــــــع ..

[Angel whisper]

2 - God Bless Ya Rosey !!

حصة العربي كانت وما زالت كالعادة مملــــــــــــــــــــــة وسخــــــــــــــيفة !!

وتصدقت علينا الابلة بكم معلومة ونبهتنا على ان هناك درس كامل

سيتحدث عن ما يسمى بالعمرية !!

المهم .. نسينا احنا السالفة .. وهي ظلت تلت وتعجن وتمط الكلام

بالعافية عشان بس نخلص على الوقت وما نحصل حتى ثانية free !!!

كريهة

واثناء ما هي تتكلم .. وتقريبا عند نهاية الحصة .. ارادت اختبار انتباهنا لها

في الحصة .. فقالت :

انا إلتلكوون إنوو احنا راح ناخوود موضوع .. شو هو ؟

طبعا الصف طنش وسوا نفسه ما يسمع السؤال ما عدا طالبة واحدة !!

Guess whoo ?? ROSEEEEY !!!!

قال العمرية بصوت وااااطي .. لقطتها الابلة وانهالت عليها بال Blessing الله

يبارك فيكي .. والحمد لله ان في وحدة صاحية معي في الحصة وشكرا يا

الله على نعمتك ويا رب وفقها !!

وراس روزي اصبح اكبر واكبر .. فاضطرت الشلة للنزول تحت الادراج خوفا

من ال booom القادمة !!

لكن الله ستر وروزي ضحكت وفرغت شحنات الكبرياء اللي حشت فيها

راسها .. !!

Thanx god ..

يتبـــــــــــــــــــــــــــــع ..

[Angel whisper]

3 - When (o) become (a)

بدأت حصة الجيولوجيا .. طبعا ما اقدر اوصف المشاعر الرهيبة اللي نحس

فيها في حصة هاي المخلوقة اللي ناجية من الانقراض بالغلط !!
ب
دأت الحصة .. وبغت تتاكد من وجود جميع السجينات ..

ونادت علينا وحدة وحدة ..

أسماء .. جميلة .. رهف .. (( على )) .. لحظة .. ع شو ؟؟؟!!

انا على اخر زمن اصير حرف جر ينجر ويتمرمط من زاوية لزاوية ؟؟

لا والف لا !! وما راح اسكت وانا براويها

وما عليه .. بس هين !!

طبعا هالكلام كله دار في لحظة في مخي .. واول كلمة طلعيتها كانت ..

لا ابلة .. اسمي علا بالضم :": ..

يا ريت بس لو كان حجمي نفس حجم الماموث ..

والله كنت علميتها حروف الهجاء حرف حرف .. !!

آخر زمن .. Ola تصير Ala ..

ملااحظة :
اقسم بالله العظيم .. اني اسمي ما كان وولا بيكون علا ..

هذا اسم وحدة من الصف وهي اللي صارلها هالموقف ..
-------------------------------------------------------------------------

4- Yo Yo 3100 freaks !!

3100 هو رقم باص روزي ..

اللي يزيد كل يوم بال freaks ..

وما شاء الله من كل الاجناس .. بالاخص جماعة وحدة بتكلم عنها اليوم ..

Freaks الاول الثنوي .. هم بنتين كل وحدة منهم اشد فركنة من الثانية ..

كل ما يشوفون سيارة رقمها من بوظبي توقف كل وحدة منهن بالدور

وتصرخ ..

ابوظبي!! ابوظبي !! ابوظبي !!

يذكروني باللعبة اللي فيها روس تطلع وتنزل وانت تحاول تضربهم بمطرقة !!

ننتقل لل freak الثانية .. وهي بنت مصرية كلامها لا يخلو من الخرطات و

النقعات .. اتخيلو مرة قالت :

انا في مصر روحت مع ابن خالتشي عالقامعة الامريكية فمصر .. وروحت

غنيت عالمسرح اوغنية لماقدة الرومي وكولوهوم طولاب اقانب آلو إنو لازم

اغينها مرة تانية لان صوتي حلو أوي !!

آآآآآآآآآآآآآآآآآه هالبنت ما تنطاق !!

ناتي للgroup الثالثة .. وهي جماعة مطربة صفنا والخبايل اللي يتبعونها .. وهاذيلا من النوع اللي لو شاف فستان العرس او بطاقته قال :
واااااااااااااااااااااااااااااااااااااااااااااااااااااااااااااااااااااااااااو !!

يااااااااااااااااااااااااااااااااااااااااااااااااااااااااااااااااااااااااااااااااااااااااااااي !!

حلووووووووووووووووووووووووووووووووووووووووووووووووووووووووو!

وبعدين ييلسن يصارخن ويناقزن كانه عندهن نوبة صرع :!

ما اقدر اقول الا جملتنا المشهورة ..

الله يساعد كل ال freaks في كافة انحاء العالم وفي اي مكان في الدنيا ..

وهاذي اخبارنا .. ان شااااااء الله تكون عجبتكم !!

[Akasuna No Sasori]

ووااااااااااااااك قويه حقت حرف الجر


مسكينه هالبنت على اخر عمرها تصير حرف جر


اما عليكي اسلوب انجوله


عن جد روعه ولا هذا كوم والبنت المصريه هي وولد خالتها



سوال يسدح نفسه

من روزي هذي



في الاخير مشكوره انجوله على الموضوع الحلو

[Justine]

هاي المخلوقة اللي ناجية من الانقراض بالغلط !!

هاي الجملة روووووووعة خخخخخخخخخخ يا الله نفس الكلام ينطبق على عوستازنا

الله يعينكم .... شكلكم اول مرة تاخذون ذي المادة ..... صوح !

منهجنا كان سهل ( في الصف الثاني ثانوي ) أما الحالي ( في المرحلة التوجيهية ) فو الله الاستاذ يشرح و انا افكر في لونار سيلفر ستار ستوري


مشكور همس على موضوعك الروعة

[MoaeD]

ههههههههههااي قسنب انكوم توحاف :6


يكفي تسكت الجدار البشري هالمره


اما البابل ومان :6 :6


والفريكز هذي النوع الثاني المصريه اعرف واحد زيها



يقول انه سايق بورش حقت السباقات بالسعوديه وعلى الدائري



واللي يصارخن ما نقول الا الله يخلف



ومشكوره انجل على اخبار داركم اللي مدري كم

[Angel whisper]

Fox Die :
ايه تصدق من يوم ما سمتها الابلى على واحنا نسميها بهالاسم
وروزي ربيعتي في الصف وعضوة في المنتدى .. كانت قبل تكتب وياي مذكرات واخبار ...
والعفوو

King_Kubaj :
ماساة مب مدرسة :6

BAHAMUT ZERO :
خخخخخخخخخخخخخخخخخخخخخخ
لا والله احنا ندرسه بعد من اول ثنوي ..
بس هالسنة صاير مقرف بزيادة ..
خاصة العمر النسبي والازمنة الجيولوجية ..
وانا من ناحيتي غرقانة في عالم فاينال 7 و10
ولازم اخذ الالهام من لينكن بارك واكتب اغانيهم على كتابي ":" ..
والعفووو

B.B.Q :
اححححم يسلمو على المدح انا توحفة
والله يعيني وما انتهي قبل ما اخلص ثالث
والعفووو

[DNA]

الرسالة الأصلية كتبت بواسطة Angel whisper
3 - When (o) become (a)



ننتقل لل freak الثانية .. وهي بنت مصرية كلامها لا يخلو من الخرطات و

النقعات .. اتخيلو مرة قالت :

انا في مصر روحت مع ابن خالتشي عالقامعة الامريكية فمصر .. وروحت

غنيت عالمسرح اوغنية لماقدة الرومي وكولوهوم طولاب اقانب آلو إنو لازم

اغينها مرة تانية لان صوتي حلو أوي !!

آآآآآآآآآآآآآآآآآه هالبنت ما تنطاق !!

بصي ياختشي:6 ماكليش دعوه ف بنات بلدنا:6 تحذير اخير ;-)


شكرا

:0)

[memy]

ههههههههههههههههههه

اسلوبك خطير

اللي يزيد كل يوم بال freaks ..

حمدي ربك باص ولا مدرسه

انا يوم كنت في الثانويه كانت كلها من نوع2 وfreaks 3

[Chad]

فصلكم هذا تحفونه :6

القفطات

ما فهمت:":


شنو صار في FREAK اللي تحب سواقكم

[smoke]

هااااااااااااااااااي ....... ( متأثر بشلة الباص)
تسلمي على الموضوع المجنون .... أقولها بكل صدق أن سنةالثانوية العامة هي أحلى سنة على الأطلاق ... كنا شطار و مؤدبين.!!!( شام ريحة خرط) ..... أما عن صاحبتك المصرية ... أنا لو مكانك أدور على أول كعب و أسوي نفق في راسها .......


بس أحب أنبه أن كل مدرسين الجيولوجيا مو طبيعيين ..... مدرسنا هو كان المدرس الوحيد في مدينة عجمان و كان يدرس 3 مدارس بروحة ...!!!!

عنده سيارة شبح أحلى من سيارة المدير أما عن شكله فكأنه دائما راجع من البار عافانا الله ..!!

و بعد مرة تسلمي على الموضوع الحلو ...
وسلامتكم.........

[Flanteus]

هع..
متى أتخلص من الثانوية وأروح العز:" ؟؟؟
على العموم احمدوا ربكم انه عندكم مدرسين ومدرسات مثل ذولي ...
احنا ....بس
تطالعون في وجيهم ............
يجيكم يا مرض السرطان .....
أو شلل أطفال ...:6
أو حتىممكن تنتحر ...كثير ناس سوها<------ركبتيييييييييي:"
هع :6

[العمدا]

جيلوجيا :":

بس صراحه ماش ..

مدرستكم فها شى :6

[DiGit4L]

نص هالهرج مافهمته يمكن عشان ثقافتي فرنسيه


بس يا Angel whisper ذولا الـ freaks

هم صدق ماينطاقون ولا انتي ودك تصيرين مثلهم تطامرين وتهجولين ":"

لان كلامك عنهم شي طبيعي ويحصل دايم وهو ترويح عن النفس


وعلى حسب خبرتي العميــــقه بعلم النفس <-- اشوى انك بس فتحت الفهرس حقه

ان الواحد لاشاف شي ويبي يصير مثله ومايقدر يقعد يسب

مثل الي يحاول ياخذ عنب من شجره يوم ماقدر قال : اصلن حامض :6


الا اقول الحقيقه ؟؟؟:6

[Angel whisper]

بو عوف :
حبوب انا ما علقت عليها لانها مصرية ..
بس لانها نصابة كبيرة ..

memy :
تسلمين حبيبتي ..
بس عاد افتكيتي منهم انا يالسيلي علة على قلبي :!

A.J :
القفطات الله يسلمك تحصلها لما مثلا تقول شي بكل ثقة وحماسة ..
ويجيك واحد وبكل برود ويعلق على الشي اللي قلته .. بطريقة من جد تحطيمية .. لانه غلط ..
ويخلي كللللل الموجودين يضحكون عليك ..
اندر ستود ؟؟

smoke :
خخخخخخخخخخخخخخخخخ
يعني كلهم مهابيل :6
الله يشفيهم

flanteus :
احنا تبلدت مشاعرنا من شوفتهم

العمدا :
اكيد فيها شي

DigitaL :
لا والله .. ايطالية
الحين بالله هالخرابيط اللي يسوونها ترويح عن النفس :!
لو كان هذا ترويح عن النفس .. كنت انتحرت من زمان :!
يعني انا ابغي اصير مثلهم :!
ديجي حبوب راجع كتاب المنطق