هل هذه هي النهاية؟

[xero]

السلام عليكم





يبدو انني لن استمر في هذا المنتدى لعدة اسباب كثيرة...منها دخول رمضان اعاده الله علينا وعليكم بالفائدة....وموسم الامتحانات اللعين....واخيرا (عدم اهتمامكم او حتى دخولكم للجاليري )......ومن يدري.......لا اعرف اذا كان من الصحيح وضع هذا الموضوع ام لا؟.....

والله تعز علي ذكريات المنتدى ويعز علي الاعضاء


ربما سأفارقكم لفترة وجيزة او للأبد (من يعلم الغيب؟) المهم سامحوني اذا بدر مني اي شئ خاطئ


والسلام


ارجو ان يجد الموضوع صدى لديكم

[Madoka]

xero ليش تقول انك احتمال تترك المنتدى للأبد :واو: !!!!!

ترى انا داخله الجاليري مالتك و لاكثر من مره و كنت اتابع ردودك
الصراحـــــــــــــــه وايد استانس على ردودك و استانس على كلمه (مياو) مالتك هذي الكلمه كنت استخدمها ككلمه سريه قبل لما كنت استخدم الايرسي هههههه ^^ و انت تذكرني بذيك الايام


قولي بس منو مزعلك و انا اراويه :غضب:
و عسى الله ما يحرمنا منك

اوكي مو تروح !!!!!!!!!!!!!!!

[GM Head]

لااااااااااااااااا يا زيرووووووووووووو:"

ليش تبي تهدنا الله هداك:":

ترى الواحد مو لازم يدش الغاليري علشان يعرف بأنه يحبك , إنما الرد الي يعطيك............. إي نعم ....... الواحد من كلامه الحلو الي يحبونه ........ و بصراحه أنت صديق لا يعوض في منتدانا

من ردودك المرحة و ذات فكاهة عالية و خاصة أحب نفس الحيوان المدلل(القطو =^.^=)

لا تهدنا ........ بس قول أنك ما تقدر تدش حتى نهاية الفصل الدراسي من سبب الإمتحانات و الدراسة المقرفة؟

و تعال زورنا حتى لو بردود بسيطة يا صديق

:" I'm ganna miss you a lot Buddy :"

[لوجــــــين]

سلالالالالالالالالالالالالالالالالالام

اسم الله عليك الرحمن الرحيم علامك يا خوي :! :6

الحين انت متضايق ليش محد يدحل جالريك :6

عادي يا أخي بس لا تحط بنفسك شذي هونها و بتهون ;-)

بعدين تعاااااااااااااااااااال:غضب: يعني بتوقف رسم لأنك ما سمعت تعليق الأعضاء على رسماتك .. و لا شنو صاير ;-)

انشالله بنددخل جالريك و نعلق و ننقد و انا بذبحك تنقد مثل الدجاجا أوكي :0)

سي يا

بااااااااااااي

[wildkitty]

اقول
زيرو ترى بطقك


قول بترجع مو بتروح على طول :غضب:
تفهم


يمكن يتاخرون شويه على دخول الجالري بس مو معناته انه محد يدخل بكلامك جذي كانك مو معبر الي يدخلونلك
حته لو واحد دخل مفروض ماتزعل اوكي


يله انا ناطره رسمتك الثانيه

[Neo Cid]

لاااااااااه .. لييييش ؟ .. كله منيييييييي ؟ .. :واو:

لأ يا أخوي زيرو .. تراك قاعد ترتكب غلطة كبيرة .. ليش ناوي تترك المنتدى ؟ .. بس بسبب الجاليري ؟ .. ما عليك أخوي ..

أنا صح ... من الناس اللي ما يشاركون بجاليريك .. :": .. لكن هذا مو معناه أنك مو رسام زين .. بالعكس .. قبل جم يوم دخلت على جاليريك و عجبتني رسومك .. خاصة ذاك صاحب النظارات اللي ماسك مسدسة و مأشرة بويهي .. بس ما رديت بهذا الجاليري لأني ما كان ببالي كلام أقوله لك .. خاصة أن جاليرييك موصل صفحات .. و أنا مو كاتب ولا رد .. :":

بس هذا مو معناه أخوي أن محد معطيك وجة .

بالعكس .. أتمنى انك لو تغيب ما تطول غيبتك .. أتمنى هذا الشي .. و أنك تغير رايك بترك المنتدى .. خاصة أنك أخو بيننا .. و احنا كلنا مثل العائلة الواحدة لو تشوف ..

أخوك .. نيو سيد ..

سلام ..

[GM Head]

زيرو............ تتذكر

تتذكر أول كوميك سويتها أبطالها أنا و انت و فطوم؟

هذه أعتبرتها أول هديه منك كعضو و هي أول مرة أظهر في رسمة


فلا ترحل عنا

لأنك من ادخلني إلى المنتدى على الورق

أرجوك لا ترحل

[Touya]

الله يهداك بس...

اللحين بتترك المنتدى عشان مو الكل خشو الجالري؟ أنا يأخي "أقل" واحد يخش جاليريات.. مسابقات.. أحياناً...

المكشلة أيش أن الداون لود يشتغل عندي اربع وعشرين ساعة.. وإذا ضغطة على الجهاز شوي بالتصفح يصير لي DNS error ولازم افصل واشبك مرة ثانية... يعني الزبدة ماقدر اتصفح جاليريات لأنها في الغالب فيها صور كثيرة وكبيرة:" :" :"

بس أنا صراحة حبيت أعمالك خصوصاً شخصيتك اللي بالدرع الشيطاني اللي طقوها شاهينوز وكيتي:6

وأنا احب اسم xero لأني قيمت Mega man X من الزهق ذاك اليوم في الجامعة.. كان النصف كله ماعندي إلا أربع محاضرات في الأسبوع:6

[Rex]

على وين xero !!؟؟
خل عنك هالكلام انته ... :6


شو نسيت الحروب القديمه اللي بيننا ...
تراجع عن هالقرار والا بخلي القلب الأسود ايي بيتكم هههههه


واذا كان هالشيء بسبب ظروف خاصة جدا ....
ما باليد حيله

على العموم , أهم شيء تروح وترجع بالسلامة

[orange road]

زيرو..
مالك حق اخوي تطلع من المنتدى

ممكن يعني نتفهم انك بتطلع مؤقت علشان رمضان..
لكن انك تترك المنتدى على طول .. :" لا.. مب بكيفك..

اخوي.. اذا على الجاليري والله دخلته يمكن مرتين او ثلاث بس ما عرفت شنو اعلق

اذا على التعليق.. خلاص.. بادخل الجاليري وباكتب اني دخلت..

[ديابلوس]

زيييييييييييييييييييييييروووووووووووووووووووووووووووووووووووو:غضب:

احسن لك لا تطلع .... :غضب: قلنا عشان رمضان اوكي بس لا تترك المنتدى نهائيا ....

كم زيرو عندنا احنا؟؟:"


شوف ... بعطيك مهلة بعد رمضان اذا ما رجعت بطلع انا بعدك

و اذا تفكر ان محد يشوف الغالاري مالك... تراك غلطان... احنا ندخل الغالاريات وايد و نتابعها بس ما نرد و انا واحد من اللي ما يردون وايد...

راجع نفسك يا زيرو


بعد رمضان ابي اشوفك في المنتدى :"

[shaheen]

لا تشرد...كل هذا عشان قلت لك اتحداك في رسم الجاندام؟؟؟؟ <---- الأخ غدّار;-) :0) :6

حياك الله أخ زيرو... وحنا بانتظارك

[Dagger]

تقول بتطلع لان محد يدخل الجالري ..

على هالحال انا المفروض زمان طالعة..

هو صحيح الواحد يتضايق اذا ما لقى تجاوب ..

بس اكيد لعيون بعض الناس او حتى شخص واحد
غالي عليك اكيد بتستمر حتى لو ما في ولا رد
وشوف كل هالاعضاء يقولون لك اقعد معقوله مو غاليين عليك

وبعدين اخوي يكفيني عدد الزوار يعني حتى لو ما رد
يكفي انه لما شاف الاسم دخل

[Rewayah]

أولاً يا زيرو, أنا ما أؤمن بشيء إسمه "نهاية"! :غضب:

هاي سويت لها "دليت" من زمان. ":"

لأنه ما في شيء "ينتهي"! كل شيء يبدأ ويستمر بصورة أو بأخرى!
حتى الموت أو الوفاة لا سمح الله هي بداية جديدة.

وعندما نقول "نهاية" الأمر, في الحقيقة هي "البداية الجديدة" للأمر.

وأصلاً من الغلط إنا ننهي قصة حلوة بقولنا "النهاية"!
لو حتى البطل تزوج البطلة "وأنتهى الأمر" وزال الشر.
هاي تعتبر بداية حياتهما معاً بعد أحداث القصة الحلوة.

فلازم يوم بننهي قصة معينة نقول "البداية"!

وَبِقولِكَ "ربما سأفارقكم لفترة وجيزة او للأبد (من يعلم الغيب؟)", ففي الحقيقة أنت تعلن "بداية" حياة جديدة أو "تجديد بداية" سبق أن بدأت.

الله على الفلسفة!
محد قدي! ":" كخخخخخخخخ

فما في شيء إسمه "نهاية" أو "خلاص"! :غضب:
كلة "بداية"!
والله يجعل بداياتك كلها خير وبركة ويوفقك فيها. -_^

بس لا تنسانا!

قصّة: ألحين بالله عليك رواية أنت حليت المشكلة؟!
حتى لو "سميناها" بداية...
الرجال بيروح في هاي "البداية"...
يعني كأنك ما غيرت شيء!
المسألة مسألت بيروح ولا ما بيروح... مو مسألة بداية وما بداية ونهاية. :_:

رواية: ...

[alucardracula]

رمضان كريم و كل عام و أنت بخير يا زيرو و كل الي بالمنتدى بخير..
زيرو أنت تتكلم جد؟!
أنت صديق عزيز علي و سوالفك ما ينمل منها و من أول ما دخلت المنتدى عزّيتك و غيابك عنا راح يسبب خلل في صورة المنتدى الي أشوفها
أرجو أن ترجع في قرار غيابك النهائي و تنساه و بعدين تعال يا أخي من الي قال أن ما أحد يرد بجالريّك؟؟!! و بعدين كل الأخوان و الأخوات الي ردّو هذولا ما يعنو لك شي؟؟!! طيّب أنت تعني لنا الكثير أنت زيرو كبير عاليمين ...أتمنى لك التوفيق من كل قلبي و لازم تعرف معزّتك و غلاوتك هنا (لا تترك العز الي أنت فيه هالصداقات كنز لا يقدّر بثمن) الله هو الموفّق سلام..