-
انا و المطبين و الملازم و البنتين (قصه من الحياه) الجزء 1
ترى كل اللي أقوله حقيقه و قصه واقعيه
و حصلتلي انا شخصيا في جده
انا اقولكم القصه من طقطق للسلام عليكم
أمس يعني 29 شعبان يعني قبل رمضان بيوم
رحت لواحد في مقهى في شارع التحليه و أخذنا
قهوتنا و بينما نحن نحتسي القهوه و نلف بالسياره
فجأه غيرت اتجاهي لكن المفاجأه ................
لقيت مطبين عند سوق مده جول و طبعا عشان
أنا و لد شباب و سيارتي مغسله و جنوط 17 ها ها
هديت السرعه و أخذت المطب كأني اشرب المويه
الا اتفاجأ بسياره يقولون لها لومينا و راكب فيها واحد
يسمونه ملازم يكشحلي بالعالي و معصب يبغاني اجنب
و عشان انا شاب مثالي بدون ما أسأل جنبت و أخذت رخصتي
و الإستماره تبع السياره و جيت للشخص اللي اسمو عمو الملازم
و سألتوا بعد ما أعطيتوا الرخصه و الإستماره هذا السؤال و بكل أدب
خير انشاءالله انا مسوي شي طال عمرك؟ (يا رب يموت)
قال يس انت مخل بالآداب العامه.
قلت انا . ليه ؟
قال انت تعاكس البنات اللي هناك .
قلت اي بنات؟
و أشر حضرت الملازم على المطبين اللي انا قبل شوي معدي من عندها.
انا طليت لقيت فعلا في بنات عند المطب .
بس ابدا ما ادري عنهم .
فهمتوا كيف؟ يعني ابدا الملازم مو راضي يصدقني
يقول انت مهدي عشان البنات و انا اقول حسبي الله و نعم الوكيل
اذا مشينا بسرعه زعلو و اذا مشينا بشويش قالو تعاكسو البنات
المهم انا اقتنعت انو حظي السيء هو سبب القسيمه
يعني لو ماكان في بنات عند المطب ما كان و قفني هالملازم اللكيع
المهم قال اكتبوا القسيمه و انا انتظرت في السياره و جاتني قسيمه مكتوب فيها ايش ؟
ايش تتوقعوا كاتب في القسيمه؟
انا طبعا و بلا فخر اول واحد ياخذ قسيمه مكتوب فيها
نوع المخالفه
إخلال بالآداب العامه)
يا ولد انا طبعا زعلت شويه لأني مظلوم لكن ما بيدي شي
أخذت القسيمه و قلت للملازم: ترى بكره رمضان و هذي القسيمه معلقه في ذمتك انشاءالله
قال انشاءالله و ركب اللومينا و انا ركبت سيارتي و انا ابغى اضحك مستغرب و ابغى اسبو من القهر.
و لكن الشي اللي ما كان على البال حصل .
بعد ما راح ملازمنا الطيب و قدم بسيارتو يعني مشي
انا بحسن نيه قبل ما اقفل قزاز سيارتي رميت القسيمه من الشباك
و حركت السياره .
مفاجأه .
واااااااااااااااااااااااااو في لومينا راجعه ريويس ليش اتا ايش سويت؟ ما أدري!
نزل واحد عسكري عسكور صغير كده و قال: فين القسيمه؟
قلت ليه رجعتوا في كلامكم .....هاها
طبعا لأ .
قلت : رميتها قبل شويه .
أكمل القصه بكره أوكي حبايب بس ياليت تشاركونا بردودكم..................
Ha-Ha
-
كمل
-
بكره يا دينلسون
كل شيء بوقته حلو
بيني و بينك القصه طويله و احنا صايمين
لكن مشكور على المشاركه و في انتظار المزيد;-)
Ha-Ha
-
كمل اخوي كمل
حلوه منك هاي القصص في رمضان لانه في بعض مراقبين بدهم الاعضاء يلتهوا قي هذه الاشياء
مشكو وممكن تكمل
-
طيب طيب راح أكمل
بس عاد لا تنسوا الردود
Ha-Ha
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
