أدخل واكتب أخطر موقف صار لك وانت تسوق أو أظرف موقف ههههه

[راعي الأكورد]

السلام عليكم ورحمة الله وبركاته :

أخواني الأعضاء كل واحد يكتب المواقف اللي صارت معاه خطيره


كالانقلاب أو مواقف مضحكه .


أنا صار معي موقف كنت بروح فيها , مره وأنا رايح كورنيش الدمام


بالجمس الحوض 85 وكان الجو ذاك اليوم غبار وداعس في طريق سريع


واذا قدامي رمل مغطي الشارع وسياره داخله في لمبه والثانيه فوق


الرصيف المهم دخلت الرمل وأنا ماشي 80 وشوي قام يحوص الونيت رايح


للمبه بس الحمد لله مادعست فرامل ولا كان انقلبت وألف الطاره (خربانه


خربانه) وادعس البنزين كله والونيت ينطل الين طلعت من الرمل وأنا ماني


مصدق وبعد مامشيت شوي وأفقع ظحك ماأدري ليش .


وسلامتكم

أخوكم :راعي الأكورد .

[MR.أستبنه]

الموضوع حلو وجميل ...........................................

وهذا موقفي :

مره كنت امشي في طريق الداءري في الرياض الساعه 3 الفجر الا شوي ويجيني كامري يمشي مليون (تراها مبالغه) ويشطفني ويصك جلنط وتهجبه السيارا اشوي الا وهو قدامي وجه بوجه انا تشهدت والف الطاره يمين وادوس ام البنزين والحمد لله ربك ستر ...................

[maximus2002]

كان معي جمس95 ومعي الاهل وكان قدماي راعي تاكسي مشي 60 ويصك فرامل والحمد لله انا صكت فرامل وكل الي ورا جو عندي

[راعي الأكورد]

مستر استبنه شكرا على الرد والحمد لله على السلامه (قت سليمه) .


maximus2002 شكرا على المشاركه وانتبه لأصحاب التكاسي شكلهم

متعاقدين مع الورش يجيبون لهم زباين .


أخوكم : راعي الأكورد .

[الرز واللحم]

انا صار معاي موقف طريف

انا لما كنت بسيارة صاحبي (جيب مخررررررررردعة) كفرات قديمة انتهت صلاحيتها
الكفر تنسم ورحنا عند البنشر والكفر طلع سليم مابه شي و عبيناها .. الا شوية جينا نبي نشغل الجيب....الكفر انضرب ضربة قلبت السيارة و انا خرجت مفجووووع من السيارة المقلوبة(انا وصاحبي) صاحبي سبسب السيارة ......جتك حريقة
اي ان السيارة روحت...
و انا مشيت للبيت 3كيلومترات وماعندي فلوس لليموزين.....

[راعي الأكورد]

أخوي الكبسه قصدي الرز واللحم مشكور على المشاركه ويعطيك العافيه .

وهذا موقف مضحك صار لواحد من الشباب :

في واحد من الشباب كان عنده كابرس 83 القير حقه مايلقم بسرعه , مره هو واقف عند الأشاره فوق خط المشاه شوي اللى العسكري عنده يقول له ارجع ورا , أبو الشباب مامداه رجع شوي اللى الأشاره صارت خضرا قام دعس بنزين يبي يعر بس نسي ان القير على ال R والله كان بيخش في اللي وراه والعسكري يطالع وش فيه ذا, المهم خوينا لقط وجهه وحطها في الD ودعس البنزين على الآخر والقير مالقم بس لما لقم أسمع صوت الكفر , الكلام هذا كله قدام العسكري اللي مايدري وش يسوي .

ويعطيكم العافيه ,,,

أخوكم : راعي الأكورد .

[إعصـــــــــار]

ههههههههههههههههههههههههههههههههههههههه

مواقف حلووووووووووووووه مرررررررررررررررررررره

انا عندي موقف غبي وانصحكم ياشباب لاحد يقول هذي (اخر مره)

هذا إعصار كان مستأجر سياره مع خويه لمدة اسبوع المهم

خويكم طايح فيها تفحيط وقومات المهم ما نطول عليكم اخر يوم كان في الكورنيش الى الصباح

لعن ام السياره الين صار مافيها كلتش (احترق) ويروح البيت وينام إعصار الى العصر

علشان بيسلمها !!

يوم صحا راح ينظف السياره ويكلمه ولد خاله ويقوله مرني خلنا نطلع الورشه (يبي ياخذ موتره)

إعصار يوم فكر قال لولد خاله بوديك الورشه بس تمرني مكتب التأجير تاخذني

قال ولد خاله OK

راح اعصار وعبا الموتر ب 5 ريال علشان بيسلمها يوم وصل عند ولد خاله

_ عند بيت ولد خاله مسجد كبير و مواقف سيارات كبيره _

جا إعصار قال بسوي ؟ إستفهاميه (اخر مره) ويزحف الموتر ويدخل في زاوية المسجد من باب السواق

قام ولد خالي يظحك (نذل)

المهم رحنا بموتر اخوه للورشه وكلمت واحد وقالي جيب الموتر وانا اصلحه بدون ورقة إصلاح

في هذي الاثناء كان الموتر المصدوم في الكراج عند ولد خالي

وقعد الموتر اسبوع ثاني في الوشه هههههههههههههههه

المسكين إعصار تحمل التكلفه خخخخخخخخخخخخخخ

اعذوني اذا طولت عليكم وسلام ....... اخوكم

[راعي الأكورد]

اعصار مشكور على المشاركه ...

أحب احذرك من شيء وهو اذا خلصت من التفحيط ونقز لك واحد وقالك آخر استفهام , لا تسويه ترا 90 % من حوادث التفحيط تصير آخر شيء من التفحيط .

أقول شكل ولد خالك منحوس ولا لا (;-) ) .

ويعطيك العافيه ...

أخوك : راعي الأكورد .

[راعي الجي تي آر]

هههههه
مواقفكم حلوووووة
بس سمعوا هذا الموقف

هذا الموقف صار لخالي
وانا كنت معاه
كنا رايحين نتمشى على شارع الكورنيش
وانا كنت مشتري مفرقعات <<<<< لغة عربية
وهذي المفرقعات من نوع خاص
لأنها تنفجر ثلاث مرات على شكل مثلث
وانا وخالي نتمشى على شارع الكورنيش
اي وحدة نشوفها تتمشى في الكورنيش
ارمي عليها
وتصرخ
وانا اضحك
يمكن كنا ساعة الا ربع جالسين نرمي على الناااااس
بس كان معانا وااحد منحوووووس
هو ولد خالي
هو قال انه بيرمي هذي المرة
انا قلت انزين وعطيته الكبريت والمفرقعااات
ويشعلها ورماها
وما طلعت
طاحت داخل السيارة
وانا ادورها علشان ارميها
ولا تنفجر
طاااااااااااااخ طوووووووووووووخ طييييييييييييييخ
وتدخن السيارة
وفتحنا كل المرايا
والسيارة كلها دخان
وريحة باارود وحالتنا حااالة
والمشكلة ان صبعي احترق
بس عدت على خير
والله انه موقف لا يحسد عليها

انا عندي مواااقف كثير
خاصة معا خالي
ان شااء الله راح اقولها في فرصة ثااانية
آآآآآسف اذا طولت عليكم;-)

[راعي الأكورد]

راعي الجي تي آر مشكور على المشاركه , والله أنه موقف لا تحسد عليه وسلامة أصبعك :" .

.


أخوك :راعي الأكورد .

[كاو بوي]

ههههه والله انكم تحف

اقولكم قصتي
كنت رايح مع خالي نتمشى شوي
و هو خالي مهستر ما عليه شرهه

المهم ويشوف جماعه هنود (تقريبا 10 او اكثر ) على طرف الشارع مو على الرصيف لا على طرف الشارع وخالي يدعس البنزين على اخر شي و يروح ويسقط عليهم وهبلبهم يلف عليهم بقوه ويرجع الف مره عاد فيه واحد من الهنود نقز على خويه وخويه شاله ما اكذب اقسم بالله انه نقز وخويه شاله من الخوف هههههه


وسلامتكم .....:0)

[Chad]

هذاك اليوم كنا في بدايه سنه 2000 ( أذكر أنها صارت في يوم 5-1-2000)

كنت سايق سيارتي في الليل وأنا نعساااااااااااااااااااااان

المهم قربت من الإشاره

عشان كنت نعسان شفت اللي قدامي يمشي

بس لمن قربت منه طلع واقف

ولكم أن تعرفوا النتيجه:6

ضربه ساحقه من الخلف لصاحب السياره اللي قدامي

أما سيارتي فتكسرت تماما من الأمام ( الحمد لله الموتور ما صارله شي)

وهالحادث كان حيصيرلي مره ثانيه في إشاره ثانيه

أول ما صار لون الإشاره خضراء طلعت وصار عندي سرعه نسبيا ( يمكن 80 كم في الساعه )

إلا وألقى صاحب الليموزين اللي قدامي وقف في مكانه عشان اللي قدامه مسك فرامل

ولولا رحمه ربي لكانت تكسرت الليموزين وسيارتي وسياره ثانيه ورايا على الأقل

[راعي الأكورد]

كاوبوي شكل السياره صار ريحتها فلفل :0) , مشكور على المشاركه .

A . J موضوعك جاب لنا النوم :! , ومشكور على المشاركه .

أخوكم : راعي الأكورد .

[كاو بوي]

الرسالة الأصلية كتبت بواسطة راعي الأكورد
كاوبوي شكل السياره صار ريحتها فلفل :0) , مشكور على المشاركه .

.

ه الريحه الى الحين جربنا كل شي ما راحت




والعفو

[راعي الجي تي آر]

الرسالة الأصلية كتبت بواسطة راعي الأكورد
راعي الجي تي آر مشكور على المشاركه , والله أنه موقف لا تحسد عليه وسلامة أصبعك :" .

.


أخوك :راعي الأكورد .

الله يسلمك اخوي
واسمع هذا الموقف

انا كنت مرة اسوق سيارة خالي
قير عادي
كنت امشي في الحارة
وكنت على قير 3
المهم
انا كنت مسرع ولا شوي تبند السيارة
ويثبت السكان
وانا احاول اشغلها
ولا اشوف قدامي درام الزبالة
واظرب بريييييك
ويطلع دخان ووقفت السيارة
وانا جالس بمكاني ما اعرف شو صار لي
ولما نزلت
شفت انه الصدام الامامي دعم الزبالة بس بالخفيف
والحمد لله ما صار فيها شي
لأن الصدام الامامي بلاستيكي ولونه اسود
وشغلت السيارة ورجعت وانا ما مصدق شو صار لي !!!!

وراح اكمل في يوم ثاني
سلملم
;-)