كالعادة .. اخبار RPG

[Angel whisper]

مساء الخير ..
هاذي اخر اخبار الاربي جي اللي قريت عنها ..

1- FFX راح تنضم لقائمة افضل اصدارات ال PS2 !! او PS2 Greatest Hits ..
اعلنت سوني ان FFX راح ينعاد اصدارها كوحدة من اعظم اصدارات ال PS2 في اليابان بتاريخ 16 يناير 2003 م ..
بسعر 4800 ين او 40 دولار تقريبا ..
ومن الجدير بالذكر ان FFX باعت اكثر من مليونين و500 الف نسخة في اليابان .. وهالشي يخليها اكثر لعبة انباعت الين الحين ..

-----------------------------------------------------------------------------------
2- خبر سريع عن FFX - 2 :
اعلنت سكوير من فترة قريبة على انه راح تكون في FFX - 2 ثمان شخصيات نقدر نلعب فيها ..
غير عن يونا وريكو و Pine او Pain ..
وفي اشاعات تقول بانه ممكن نلعب بلولو ..

------------------------------------------------------------------------------------

3- اصدار ميموري كارد خاصة ب Tales Of Destiny 2 :
Hori .. شركة انتاج اكسسوارات يابانية للالعاب اعلنت بانها راح تصدر ميموري كارد خاصة للعبة في علبة خاصة فيها ..
وراح يكون مرسوم بورتريه للشخصيات عليها ..
وهاذي صورة للميموري كارد :


-----------------------------------------------------------------------------------

4- Game Arts تعلن انشاء متحفها الخاص ..!!
Game Arts .. وهل يخفى القمر ؟!
وحدة من اعرق شركات الالعاب واللي كملت 20 سنة وهي تصدر العاب ..
حاليا هالشركة فتحت قسم في موقعها بالياياني وخلته متحف لها ..
وحطت فيه العابها مع صور لهالالعاب ..
حاليا المتحف بالياباني وبس ..
ويمكن يخلون منه نسخة انجليزية ..
وهذا هو

-----------------------------------------------------------------------------------

5- تفاصيل Breath Of Fire V: Dragon Quarter ..
هاللعبة راح تصدر الاسبوع الياي تقريبا في اليابان .. وكابكوم اعلنت انها راح تصدر في امريكا في فبراير 2003 ..
وهاذي تفاصيل اللعبة :
1- نظام فني ونظام اتجاهات جديد في اللعبة .. مختلف عن اي Breath of Fire ثانية ..

2- في نظام جديد اسمه PETS او Positive Encounter and Tactics System .. وهالنظام يخليك تنصب مصايد وكمائن للوحوش قبل ما تقاتلها ..

3- نظام قتالي جديد يخليك تدمج الضربات بقدرات الاسلحة ..
ولما تحط لمجموعة اللاعبين ضربات متشابهة ينتج linked combo يكون تاثيره اكبر بكثير من تاثير الضربة العادية ..

4- واخيرا في نظام اسمه SOL او Scenario Overlay System .. وهو يخليك تبدا لعبة جديدة بنفس ليفلات لاعبينك والايتمز لكن راح تمر بدانجيونز اضافية واحداث اضافية للقصة ..
وبالتالي راح تفهم القصة اكثر وتعرف اكثر عنها ..

-----------------------------------------------------------------------------------

هذا اللي عندي لليوم ..
ان شاء الله اكون افاديتكم ..
سلااااااااام ..

[Guilty Gear X]

ثانكس....

[rushin_911]

ما شاء الله أخبار حلوة و موضوع حلو(ككل مواضيعكي الأخرى)

مشكورة يا أختي على الموضوع و لا تحرمينا من مواضيع أخرى

[xenosaga]

ثانكس....

[سـارق القلوب]

يسلمووووووووو على الموضوع الحلو والاخبار الاحلى
بس فيه شي ما فهمته (....فترة قريبة على انه راح تكون في FFX - 2 8 شخصيات ....)

يعني جزء جديد للثامن ولا كيف ؟؟؟

ومشكووووور على الخبر الحلو

[Guilty Gear X]

الرسالة الأصلية كتبت بواسطة xenosaga
ثانكس....

ليش التقليد:6 4 نقاط بالضبط
يا (اكس)زينوساجا

[SAM27]

مشكوووورة Angel
على الاخبار الحلوة
تسلمين والله
وانا جدا آسف واعترف بخطاي:#

[Angel whisper]

Guilty Gear X :
العفو ..

rushin_911 :
العفو ..
وتسلم ..

Xenosaga :
العفو ..

سارق القلوب :
الله يسلمك ..
انا اقصد 8 شخصيات ل FFX -2
وحررت الموضوع عشان يكون اوضح ..
والعفو ..

[xenosaga]

الرسالة الأصلية كتبت بواسطة Guilty Gear X

ليش التقليد:6 4 نقاط بالضبط
يا (اكس)زينوساجا

حتى جلكسي جرجير قام يتأمر:6

[BOY_THING]

مشكوره انجيل .. اخبار رائعة كالعاده

[Angel whisper]

SAM27 :
العفو ..
والله يسلمك ..

جالاكسي وسنيكرز :
سطوب تشاطينق

BOY_THING :
العفو ..
وتسلم اخوي ..

[{gaia_girl}]

ألف شكر ، Angel

[سـارق القلوب]

يسلموووووووو على التوضيخ

ومشكوووووووره

[xenosaga]

الرسالة الأصلية كتبت بواسطة Angel whisper

وسنيكرز :
..

حتى انتي:"

[msm]

مشكوووووووووووورة على الأخبار اخت Angel whisper ..