الشيخ ابن عثيمين يفتي بحرمة التأمين على الرخصة

[sniper-vip]

هذي صورة من فتوى الشيخ ابن عثيمين في مساله التامين على الرخصه

وللمعلوميه كتبت عام 1420

[عماد 18]

تسلم اخوي ..
تحس انهم ما صدقوا على الله انه توفي رحمة الله عليه الا على طول اعلنوا عن التامين بانه حلال ..

[HArb200]

اذكر اليوم سمعت على اذاعة ام بي سي .. قبل الفطور .. مستضيفين الشيخ العبيكان .. وسئلوه عن التأمين .. وانحرج وقام يقول انه كتب في التأمين كتب كثيره للشيخ فلان ووو والشيخ المنيع .. وذكر مشايخ ألفوا في هالموضوع .

وحسب كلامه واللي فهمته أنه حلل التأمين ’’

ياخي الواحد مايدري وش يقول .. اذا المشايخ اختلفوا .. حنا وش نقول ?:

عموما هي نزل فيها قرار .. ومن ورا خشومنا بياخذونها .


على فكره ترا اللي ب15 رمضان .. هذي للسيارات الداخله للمملكه أما السيارات السعوديه وحسب مافهمت ماعليها تأمين .. حتى الآن .

والله اعلم .

[عماد 18]

مسكين هالشيخ ما غير ينلخم بهالسؤال ..
انا سمعت قبل اسبوع رده على واحد ساله ..
قال ان التامين حرمتوه قبل فترة بجميع انواعه ليش الحين صار حلال ؟؟
رد عليه الشيخ و قال ان هيئة كبار العلماء للحييييييييييييييييييين يدرسون حرمة او اباحية هالتامين و راح يصدر قرارهم قريب ..
و بخصوص كلامك اخوي هارب التامين على الرخصة غير التامين على السيارة على ما اظن ..

[HArb200]

اي والله .. تأمين الرخصه ولاأسهل !

مشكله والله هيئة العلماء .. ماودهم يخالفون ولي الأمر ولا يبون الفتنه .. الله يعينهم .

وترا مع هذا شركة التعاونيه فيها نصب واحتيال .. والدليل ان باقي الشركات التأمينيه اللي كانت تحط اعلاناتها بالجرايد اختفت .. بعد ماعرفوا ان مالهم أي قطعه بالكعكه .. وكلنا نعرف التعاونيه قبل تأمين الرخصه وش كانت والحين وش صاااااارت .. الموضوع كله مختلط بالغش والاحتيال وحرمة التأمين .. الله العالم انها بتفسد عليهم ! ’’

[Auron]

الرسالة الأصلية كتبت بواسطة الغـ$ـrichـ$ـني

اصلا مافي شيخ يجاوب كذا كلمه ورد غطاها,,لازم يجيب ادله وسبب التحريم بالتفصيل

الفتوى موب لعبه

[HArb200]

بس يااورون الشيخ العثيمين مشهود له أنه من أهل الصلاح ومن القلائل المتمسكين بالسنه .. وماأعتقد أن فيه أحد يكذبه .. الا بدليل .

واذا قصدك أنه يمكن غلط .. فالانسان يخطي .. ((هذا اذا كان الجواب خطا)).

[sniper-vip]

الرسالة الأصلية كتبت بواسطة عماد 18
تسلم اخوي ..
تحس انهم ما صدقوا على الله انه توفي رحمة الله عليه الا على طول اعلنوا عن التامين بانه حلال ..

اي والله صدقت

على طاري اختلاف العلماء جات مشكله الرقم الي يبدا ب700

ناس تقول حلال وناس تقول حرام

كثرت الاختلافات ذي الايام

وين زمانك يابن باز:"

[Auron]

الرسالة الأصلية كتبت بواسطة HArb200
بس يااورون الشيخ العثيمين مشهود له أنه من أهل الصلاح ومن القلائل المتمسكين بالسنه .. وماأعتقد أن فيه أحد يكذبه .. الا بدليل .

واذا قصدك أنه يمكن غلط .. فالانسان يخطي .. ((هذا اذا كان الجواب خطا)).

ياخي مو قصدي كذا ,الشيخ العثيمين مشهود له بالصلاح ومااحد يقدر ينكر هالشي;-)

قصدي ان الصوره يمكن مفبركه

انت ما تضمن اي صوره تشوفها بالنت هالايام اذا كانت حقيقيه ولا مركبه

صح لا ولا

[yugo the wolf]

الرسالة الأصلية كتبت بواسطة الغـ$ـrichـ$ـني

وين زمانك يابن باز:"

:" :" إنسوه :" :"

[DiGit4L]

اختلف العلماء


بعدين هالتأمين سواليف
اذا شافوك راعي حوادث ومخالفاتك واجد
يزودون الرسوم السنويه
يعني فتره وبتلقاك تدفع ياخوباج 1000 ريال سنويا
بتلقى اكثر المخالفات
( مطفي الاسطبات الخلفيه ) خخخخخخخخخخخ


<----------- ابد ماقعد يذب (A)

وفيه ميزات حلوه التأمين

مثلا يعني افرض مثلا خوباج وشوشان راكبين الاس اس حقتهم
يجيهم راعي باسات :6 مايعرف يسوق اول حرف من اسمه داج 2222

ويلزقهم بالماصوره
ويموتون يحووول :"

ومسكين داج مامعه يدفع ديه لاربع اشخاص :|

قصدي شخصين
والسياره

فتروح على التامين ومايدفع الا الثلاث ميه
وحتى سيارته تتصلح :6

وش احسن من كذا

بفتره قصيره
يتم اختفاء نص سكان الرياض
وتروح الزحمه
ومايحتاج تطلع قبل ساعه عشان توصل لدوامك

والبنزين يرخص <-- وش دخل هذا

[HArb200]

اورون ,,

صح .. بس تدري مانقدر نتأكد الا اذا فحصنا كتب فتاوي الشيخ ..


على فكره هي من منظور خاص بسيطه .. كأنك تدفع ريال واحد بس كل يوم .. بس على مستوى المملكه .. 20 مليون ريال يوميا ?: <<شف بس علطول الربح .

[العمدا]

الى اعرفه ان تامين الرخصه ما يفيد الا الطرف الثانى يعنى ديات لا قدر الله او تصليح سياره الى صدمته او عمود لمبه طيحته .. لكن سيارتك ولا يمسها ..

اما تامين السياره ..

فبس يصلح سيارتك وما عليه من الطرف الثانى ?:

يعنى الى يبى يكسبها من الجهتين لازم يامن على الاثنين ..

هذا الى اعرفه انا ..

ومن يومين فى الاف ام برنامج فتاوى محرم الشيخ التامين .. من قبل لا يدخل فى التفاصيل ..

المتصل من يوم ما قال تامين قاله حرام والله اعلم ..

ما اقول الا الله يكون بالعون ..

[silverpaco_101]

الله يرحمه بن عثيميين من يوم توفي افتوا بالتحليل التأمين:-)

[عماد 18]

الرسالة الأصلية كتبت بواسطة DigitaL
ومسكين داج مامعه يدفع ديه لاربع اشخاص :|

قصدي شخصين
والسياره

فتروح على التامين ومايدفع الا الثلاث ميه
وحتى سيارته تتصلح :6

وش احسن من كذا

بخصوص النقطة الاولى وش فيك خقيت :6 ؟؟
اما النقطة الثانية فهذا سبب التحريم ..
انك تدفع 300 و يندفع لك اذا صار شي اضعافها ..
وجه ومن وجوه الميسر ..