-
ارجو الاجابة يا عشاق ومخضرمي فاينل 10
اولا انا من عشاق تمبرايدر , ولان موعد اصدارها قد تاخر اربعة اشهر , لذلك اضطررت
ان العب فاينل فانتسي , لما لها من سمعة قوية وعشاق كثيرين ..........
مع اني قد لعبتها ( اشتريت اللعبة من زمان وركنتها ..) ولكن ما دخلت مزاجي لانها معقدة
نوعا ما ويبغالها شرح طويل .......... وطويل .
المهم صممت اني العبها واخترت فاينل 10 لانها الجديدة وعلى البلايستيشن 2 واللعبة موجودة
عندي من زمان .......... ولاني ماقد لعبت الار بي جي قبل كذة في حياتي ومتعود
على التمبرايدر وديفيل ماكراي وميتل قير بس عشان كذة انا دايخ.
على كل حال بديت العب بفاينل فانتسي وقول اذا تعمقت في اللعب افهم ادواتها والقدرات اللي
تساعدني على التكتيك .
بصراحة وبعد ما تعمقت اندهشت واعجبت وعشقت اللعبة وصرت اجلس عليها بالــ 8 ساعات في
اليوم ................
سؤالي او اسئلتي ( بعد ما طفشتكم ..... اسف جدا ) هي كالتالي :
انا الان عند الوحش اللي يجيك ونت في الجو في الطيارة اللي شكله زي الحنش بس انه يطير
السؤال الاول / ( ماهي القصة ..الغامضة ) انا كنت في منطقة كلها ثلج وبعد ما هزمت سيمور وانيما ....
ايرون قال حط رجلك , حطيت رجلي وشردة ( تقول اني سويت جريمة )
ونهاية الشردة قابلت الوحش اللي يشبه الغوريلا ومعه اثنين من القاردين حقين سيمور
وبعد ما فقعته ضرب الارض ولخبطة وكانهم طاحو في حفرة او مدينة مفقعة وبعد كلام
وحزن وعبط لقيت تايدوس في الصحراء عند بحيرة , المهم دخلت الصحرا ولميت الفريق
ما عدا يونا ( الله لا يوريكم 60 الف وحش وكلهم من الوزن الثقيل .. حتى اني جمعت
60000 ريال ( عفوا اقصد جل ) المهم وصلت لمدينة متطورة شوية ( حقت قبيلة
البهيد ) ونزلوا في البدروم ( اللي فهمتوا من كلامهم انو يونا ماتت وزعل تايدوس وبكا
حزنت عليه ونا انقهرت على الايونات اللي مع يونا يعني المفروض كانت اعطتها لتايدوس قبل
ماتموت او تضيع ) المهم فجاة ركبوا الطيارة وفجروا المدينة والله ماني عارف فين رايحين
!!!!!!!!!!!!!!!!!!!!!!!
بعد الكلام الكثير ابغى واحد يفهمني القصة ايش اللي صار بس لا يقلي ايش اللي حيصير
ويحرق عليا الفلم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السؤال الثاني / بعد ما تابعت بعض المشاركات من الاعضاء المحترفين , لقيت الهرجة فيها
اسرار واسلحة خاصة لكل مقاتل مع تايدوس ...... ونا ماكنت اعرف اصلا انها الهرجة
كدة , فهل فاتتني الاسلحة الخاصة والاسرار ؟ وهل اعيد اللعب من جديد ؟
ام هل استطيع ان احصل عليها بعدين ؟
السؤال الثالث / ابغى تقييم لمستواي يعني هل هو جيد ام جيد جدا ولا يمشي الحال تخارج ولا
لا
ومعلوماتي كالتالي :
ايرون طاقته 2600 وعنده 2 اوفر درايف العادي واللي يودي النجوم
( اللي شكله زي الاسد ) طاقته 2000 عنده 4 اوفر درايف منها واحد يفجر نفسه
واكا طاقته 1600 اوفر درايف واحد
لولو 1200 ـــــ 8 اوفر
تايدوس 1100 ـــــ اوفر واحد
ريكو 1400ـ الاوفر حق الخلطة
يونا ماادري لانها ميتو ولا مخطوفة اما عفريت والحصان 1500
وفرفور 1300 وشيفا 1400
السؤال الرابع / الى الان ماني عارف امكانيات كل واحد في الفريق بالضبط وه>ا المدوخني
يعني ايرون انا اعرف الاوفر درايف حقته ومهاراته واحيانا تكون ضربته لبعض الوحوش ماهي
قوية ,
الاسد !! احيانا يضرب الوحوش ضربة( ولو كانت طاقتهم فل ) ويتكسروا
من فين يجيب الضربة ؟ وكيف اخليها على طول ؟
لولو ماعندها الاالسحر اما اللعبة اللي معاها ما تسوي شي
يونا ماعندها الا الايونات والماجيك في حاجتين اعرفهم ( cure) وه>ي تزيد الصحة
ولايف تصحي الميت بس
تايدوس معفن حتى الاوفر درايف حقه
ريكو ماعندها الا الخلطة والقنابل والحظ والفونكس حق الصحة حق البهيد .
ه>ا تقريبا اللي اعرفه اواللي اكتشفته الى الان من قدراتهم .
فهل من الممكن واحد مخضرم في اللعبة يشرح اللي لازم اتعلمه من قدرات عشان اعرف اتكتك
زي الناس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اسف على الاطالة مع انه باقي في سؤال بس بعدين
ارجو الاجابة يا عشاق ومخضرمي فاينل 10
-
يا اخوي انا مبتدأ وما اقدر اجاوب على كل اسئلتك
بس الوحش اللي على الطياره سوي معاه ضربة هيست وslow واضربه بكل ما اوتيت من قوة و بس
و السلام عليكم
وترى يونا ما ماتت
-
يعطيك العافية اخ حمادة , بس الله يهديك ما ابغا احد يعلمني الاستراتيجية
لان اللعبة تكون اجمل عندما انا اضع الاستراتيجية ,
والله مشكور وما قصرت , وصدقني ردك اسعدني كثيرا .
-
-
موضوع كبير ولا قريته
اختصر وش هي اسئلتك
-
السؤال الاول:
انهي الشريط بعدين اسال....
الثاني:
ما هي الهرجة؟؟
تستطيع ان تاخذ كل شيء بعدين (كا يفوتك شيء)
الثالث:
المستوى جيد...تحتاج تطوير لتايدوس...
...اورون تستطيع كسر اشياء كثيرة مثل كسر دروح الوحش او قوتة السحرية واشياؤ عدة...(لبعض الوحوش) وهو اخر شخص يموت.
تايدوس قوي من كل النواحي استخدم السحر السرعة الخارقة hestaraga على ما اعتقد ولمتة الثاني (استخدم الليميت مرات عديدة لتحصل على ليميت جديد) لازم تطورة لانه قوي.
لولو قوتها بالسحر فحاول ان تزيد قوتها بالسحر في السفير بورد.
ريكو ...تنفع مع الرئيس الي انت واصلة...اكيد حركنة الي تخليك تعبان قوية...استخدم دبل خلطة البيهيد (باليميت) وراح توخر كل الايفيكن مع زيادات طاقاتك)
كيماري استخدم حركتة الخاص لبعض الوحوش وستاخذ حركاتهم.
واكا ..لا تسالني عنة,
يونا...اقوى شخصية.....الله يعافي السومونز...اذا قويتها راح يقوون السومونز.
تستطيع قرائة هذا الموضوع وتحصل على جميع المعلومات...
http://www.montada.com/showthread.php?threadid=72633
ولا ترفعة....
-
سلام
ممكن أكون عضو جديد في هذا المنتدى لكن أنا عضو فعال في منتديات gamewinners.com
المهم...أسئلتك كثيرة و ما أقدر أساعدك فيها كلها...
بالنسبة للقصة كمل العبة و بتفهم كل شيء.....
بالنسبة لمستواك أعتقد أنه متوسط....تحتاج لبعض التطويرات.....
1) استخدم الأوفردرايف مال تايدوس كثير... بتحصل حركات جديدة بهذا الشكل.
2) كيماري (اللي يشبه الأسد) ضربة قوية لأن بسلاح حركة اسمه "piercing" يعني يخترق حاجز الدفاع لأي وحش. أورون أيضا ممكن تحصل له هذي الحركة.
3) تحتاج أن تكون تعلمت المستوى الثالث للسحر الآن : Firaga, Thundaga
4) كل الأسلحة و الأسرار تقدر تحصلها بعد ما تحصل الطايرة و تتحكم فيها....لا تخاف.
-
نسيت أقول شيء.....
كيماري(اللي يشبه الأسد) ما يسوى . لا تتعب نفسك في تقويته، بعد فترة بتلعب معركة به وحده، بعد هذي المعركة ما راح تستخدمه إطلاقا
أفضل الشخصيات في نهاية اللعبة هم واكا و تايدوس و أورون
إلعب blitball كثير علشان تحصل حركات أكثر حال واكا
إذا قويت واكا صح بتحصل له ضربة تاخذ 1200000 مرة وحدة
-
اشكر الجميع بقوة واخص الاخ Guilty Gear X ( على لطافته بالرد 
)
الله يعطيك العافية يابو مروان والله انك شجعتني .
تحياتي .
الاخ Guilty Gear X ابشر هذي اخر مشاركة ( ان شالله ) في منتدى فاينل فانتسي ولا تزعل .
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
