انتو من صدقكم يعني!!!!!
ما ادري شلون يعني انتون قاعدين تقارنون الدوري الإماراتي بالدوري السعودي....
مما لاشك فيه ان الدوري الإماراتي افضل بكثير من الدوري السعودي والدليل الشارع الرياضي واللي ما يدري يسأل المتابعين للكرة والكرة الخليجية بشكل خاص....
الدوري السعودي حالياً يعتبر في عداد المنسيين والناس بدأت لا تتابعه لعدة أسباب :
الدوري السعودي صراحة جميع مبارياته مملة للغاية ماعدا بعض المباريات القليلة مثل (الهلال -النصر) (الأهلي الإتحاد) وأي مباراة مافيهة هالفرق الناس ماتجيب خبرها أبد. يعني الناس اتابع بس المباريات القوية وأحين بعد بس النهائي. اي دوري هذا اللي ما تحس فيه بالحماس يعني جميع مبارياته معروفة نتيجتهة قبل ما تنلعب يعني اذا لعبو مثلاً الهلال والقادسية ( الهلال طبعاً وغالباً هو الفائز) يعني باختصار ومن غير ما أطول عليكم الدوري السعودي دوري أربعة فرق فقط ولاغير(الهلال -الأهلي-النصر-الإتحاد) واللي يقول غير جدي يقص على روحة وأنصحه أن يتابع مباريات الدوري السعودي وراح يشوف الواقع. وأنا الصراحة أنصح القائمين على الرياضة السعودية لا يتعبون روحهم ويسوون الدوري طويل ويخلون الفرق كلهة تشارك المفروض يسوونة على طول دوري (المربع الذهبي) . وعلى الجانب الآخر ترى الحماس والندية في الدوري الإماراتي (مع العلم أنا لست إماراتياً والله على ما أقول شهيد) والصراحة وهذا مو بس رأيي بل رأي أيضاً الشارع الرياضي في البحرين الدوري الإماراتي حالياً يعتبر أفضل واقوى دوري في الوطن العربي ، يعني الصراحة تشتاق لمتابعة مبارياته وتقريباً جميع فرقه في نفس المستوى.وأنا أتمنى للقائمين على الكرة الإماراتية المزيد من التوفيق لأنهم عرفوا كيف يطورون الكرة الإماراتية.....
الدوري السعودي يا جماعة مع احترامي له الإعلام معطيه حجم أكبرمنه في حين أنه لا توجد به أي ميزة تجعله أفضل من الدوري الإماراتي حتى بشيء واحد وأنا أتحدى أي واحد يجيب لي نقطة يتفوق فيها الدوري السعودي على الدوري الإماراتي...
الدوري السعودي الصراحة مو فالحين إلا في انتقاد الحكام بسسسسسسسسسسسسس ولا غير ، يعني بعد ما ينهزمون في أي مباراة يتولون هالحكم الفقير من كل مكان (التلفزيون - الجرائد....) ولا القهر أن الحكم يكون هو الغلطان في جميع المباريات يا أخي هذا الميدان يا حميدان انت أخذت فرصتك وكان بإمكانك تسجل وتفوز ليش خسرت وبعدين حطيتهة على الحكم وهذي الحالة بعد ماشية على المنتخب يعني في جميع مشاركاتهم سواء العربية أو العالمية لازم يعرجون على الحكم ( أكيد اذا كانوا مغلوبين) ، انزين يعني معقولة كل الحكام اللي في الدوري السعودي مو زينين.
ونقطة بعد اريد أضيفها هي المحترفين ، يا جماعة يا عالم أريد أعرف بس هؤلاء اللي يجيبون اللاعبين المحترفين عميان والله شنو يعني معقولة ما يعرفون اللاعبين الزينين ، ما أدري ليش يهدون كل اللاعبين ويختارون اللاعبين المنتهيين كلش اللي اعمارهم صكت ال100 ولا أصلاً محد سامع فيهم من قبل والقهر زيادة ( جبتك يا عبدالمعين تعيني طلعت بتنعان) يعني يصيرون علة على الفريق، يا أخي العالم مشحون لاعبين شوفوا طالعوا زيييييييييييييييييييييييييييييين، على العكس في الدوري الإماراتي تشوف المحترفين شايلين الفريق شيل ، على الأقل هالبيزات اللي ياخذونه مو خسارة والدليل أن المحترفين أحدثوا نقلة نوعية في الفرق هو ما فعله ( على كريمي مع نادي الأهلي) ولا أحد يستطيع أن ينكر ذلك.
في النهاية أرجوكم يا جماعة لا تخادعون أنفسكم الناس ترى وعندها عقول تستطيع أن تحكم والسالفة ليست سالفة انحياز وإنما الواقع يفرض نفسه.
خلك كوول على طوول 
