-
ممكن مساعدة؟
السلام عليكم............
انا العب رزدنت ايفل الاول وانا الحين في السي دي الاول (العب بجيل)
ووصلت الى مرحلة بعيده لكن الحين وصلت الى مكان او مرحله ولا عارف
لها وابي مساعدتكم وارجو انكم ما تخيبوا ظنّي .
انا خلصت من المرحلة اللي خارج القصر ........الباب اللي ينفتح بالميداليه
او الحجر اللي اخده من التابوت اللي في السرداب .
وانا حصلت على حجر مماثل للحجر اللي استعملته في فتح الباب .
وابي اعرف وين استخدم الحجر الثاني .
واذا في شيء اسويه قبل الحجر قولوا لي ويش اسوي بالتفصيل
الممل :": .
( وكيف افتح الباب الموجود في نفس الممر اللي يوصل الى الغرفه اللي
فيها بطارية المصعد اللي بداخله ميدالية الذئب اللي رمزها(W) ؟).
ارجوكم تساعدوني.... بعد هالهدره الطويله اللي كتبتها ما ابيها تروح على
الفاضي. 
وسلامتكم.
تشاااو ;-) .
للمراسلة على المسنجر : wald_al_qatif@hotmail.com
:-)
-
-
اخوي انا بعثت لك الحل في رساله خاص هم رسالتين
بس مدري وصلوك ولاالكاتب نص الرسالة
السلام عليكم
اخوي فارس انا لعبت اللعبه وبديت اتذكر وانا وألعب
شوف اول شي ميدلية الذيب بتحتاج ميدليه ثانيه الي هي النسر
وراح تستخدمهم بعدين في النافوره لما تفتح الباب الي تحت الدرج في القاعه الرئيسيه للقصر الباب الي فيه مكانين
لازم تحط فيهم ميدليه نفس الي الي حصلتها في التابوت وتجمعها مع
ايطار لها يعني نفسها الي الحطيتها بلحجر الي جنب الباب تستردها وبتحصل وحده ثانيه بعدين
المهم انت لازم تقتل النبته الي بل مكان الي فيه البلياردوا بعدها راح تلقى مفتاح هو الي بيفتح لك باب تذكر وين حطيت المفتاح الي خذته من الكلب هناك فيه باب تفتحه بعدها بيطلع لك الثعبان مره ثانيه وبتحصل
الكتاب الي فيه ميدلية النسر زين فيه باب ثاني تذكر الغرفه الي فيها
النحل خلها وروح اخر الممر فيه غرفه هناك بعد ما تدخلها
تفتح الباب وتدخل هناك بتحل لغز التمثال واظن بعد بتحصل كتاب
المهم في حفره تنزل منها او مكان تتفحصه بيطلع لك سلم
بعد ما تنزل منه ودور في المكان عدل
وتوصل الكهرب وتطلع في المصعد فيه غرفه هناك فيها البطاريه
المهم نرجع حق المكان الي فيه البلياردو
فيه صندوق لو دزيته وغطيت به الثقب وركبت عليه وشقحت على الصندوق الثاني بتحصل غرفه 002 هذي الغرفه بتشوف مقطع سينما بعدها بلحمام بتحصل مفتاح ارجع الى الغرفه الي اول ما دخلت فيها صندوق التخزين مقابلها باب افتحه بلمفتاح الي معك وبتحصل في الحمام باب الكنترول روم اخذه وارجع للغرفه رقم 002
فيه خزانتين في اخر الغرفه
تدفع اول وحده للوراء والثانيه تدفعها نا حية اللمبه
وتنزل هناك عاد تحمل من سمك القرش وهناك لغز غرفة الكنترول
بعدها بعد ما تنتهي تمامآ
بتحصل المفتاح مال الجلري الي جمب غرفه رقم 002
وهناك داخل هذه الغرفه بتحل لغز الكتاب الأحمر الي سئلت عنه
اتمنى اني اكون شرحت لك شرح وافي
واي مشكله تقابلك اكتب لي وانا حاضر
على العموم انا بحط كوبي لرساله هنا علشان الفايده تعم لو فيه حد عنده نفس الاسئله.
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
