السلام عليكم ورحمة الله وبركاته :
أول شيء كل عام وانتم بخير ...
والله ادري ان الموضوع ماهو بوقته بس حبيت أن الاخوان يتعظون...
البارح ( العيد ) كنت رايح الهافمون أنا وواحد من أعضاء الساحه الموقرين , وكنا ماشين بالخط المهجور وبعد مامشينا حوالي 2 كيلو واذا قدامنا ذاك المنظر المرعب ددسن موديل 2001 وسفاري جديد داخلين ببعض وجه بوجه , وراعي الددسن مسدوح بالشارع مات وتقطعت رجوله وتكسرت أياديه كسور مضاعفه والله انه منظر مخيف جدا , ويقولون ان راعي السفاري نزلوه الشباب وعل المستشفى .
الددسن راحت عليها الماكينه لحالها والقير لحاله , والسفاري الصدمه وصلت الى الطبلون يعني الماكينه راحت والشاسي انعوج .
أعوذ بالله من هالمنظر والله يرحم اللي مات ...
وبينما نحن نفتر في الهاف مون ولا ببيوك قديم حايص ومنقلب بس اللي في السياره سلمو ولا جاهم شيء .
أعذروني اذا ضيقت خلقكم بهالموضوع ... ياشباب عيدو وانبسطو بس لاتسرعون ترا السرعه والله انها بلا .
أخوكم راعي الأكورد .
