الراشد, رابع العيد, بنجي بنجي ومحد جاء, راحت علي نومه, ماقريت هالرد (السالفة بالدخال)

[الســـــــاهـر]

أهلين ..

كيفكم تمام ..

اظن أغلبكم يعرف انه كان فيه جمعة لأعضاء المنتدى المتواجدين في المنطقة الشرقية رابع العيد بالراشد ..
وكان فيه يمكن 15 عضو مشجل اسمه يقولون بنجي ..

وقلو قلو قلو .. الين صارو 6يعني نصف الاعضاء الي اعتذر .. والي مااعطانا رد نهائي .. والي جت عليهم ظروف أقوى منهم .. بس فيه أثنين الي قالوا بنجي ولا جو .. صارت سوالف .. ودجة غير طبيعيه ..

.

.

.

فواز .. وطلال .. أسمحولي .. ماعندكم سالفه .. بس الحقيقة وانا اشوف ردودكم .. اكتشفت فيكم موهبة التصريف .. بس طلال تصريفتخ قديمة بس والله فواز جابها .. يقول ماشاف الرد الا بعدين ..


على كل حال ..

ترى والله كنت ناوي نية شر عليكم بس ماادري ليه بعد ماشفت تصاريفكم .. حنيت عليكم


السالفه من اول مارحت ..




في البدايه .. انا رحت على الساعه 3.10 كنت مع اتصال مع مشعل .. ورحت لقيته جالس هناك في المكان الي اتفقنا فيه .. ولقيت واحد ياحليله تحسون انه مستحي .. ومايدري وين الله قاطه

المهم .. سلمت على مشعل ..
شوي واطالع الا البدله البرتقاله الي لابسها هذا الي واقف .. كأني قاري برتقالي بالمنتدى . . . قلت لمشعل .. نخش بوجهه ولا نخليه هو اول ..

شوي الا خوينا المسكين شكله طفش من الوقفه وكان معاه اخوه الصغير نكته .. جانا .. سلم .. تحس وجهه أحممممر .. يقول .. أنتوا الــ.. .. .. ؟؟؟ سكتت ههههههههه مايدري شيقول
قلنا له ايه ايه ههههه انا حسيت لما عرف اننا من المنتدى فرح .. كانه كان مضيع امه وحصها

المهم .. قلت له انتي الي اسمك مااعرف اقراه هذا مدري شيبي .. قال ايه .. الزبده اسمك عمر .. قال ايه شخبارك تمام .. تمام .. هاه عرفتنا ؟؟ قال اخوه الصغير .. ايه انت ( يقصدني ) فواز :! ومشعل طلال هههههههههههههه انواع الضحك ضحكناه ..

قلت لهم ماقريتوا ثوب أسود ؟؟ لاني جيت بثوب اسود مرسم وحااااااالتي حااله .. قال عمر الا .. بس مااذكر منو بالضبط ..

المهم عرفناهم .. الساهر .. وستنق

ونطالع الا الساعه 3.30 ونسولف .. وندردش .. وننتظر .. كل مامر واحد قلنا هذا من المنتدى ..

كل مامر واحد لابس غتره بيضا قلنا طلال

وننتظر ..




ننتظر ...




ننتظر ....


وبعد ماانتظرنا وانتظرنا وانتظرنا ..

انتظرنا وانتظرنا ..

ونهاية الانتظار ماجاء احد ..

والله يااني حقدت عليك ياطلال .. انت وفواز ..

وشوي الا فيه بنات وقلق جايين في وقت مالأمه دااااعي .. احنا ننتظر والي يدخل ويطلع .. وحنا كل واحد مستحي من الثاني .. ماوده يسوي حركه ولا شيء هههههه

ولما جت الساعه 4 .. قلبناها تكاسي .. كل مايعدي واحد نقول له منتدى منتدى منتدى على عشره على عشره هههههههه

وشوي واحنا واقفين .. جاء اثنين .. ووقفوا عند النمر المقنع .. قلنا بس هذا هم .. حسبناهم iron man007 ومعاه واحد ثاني لان الرجل الحديدي007 ماقال ماني بجاي ولا قال بجي ..

يقول عمر .. من الي شاف المنتدى .. المنتدى حلو .. والله منتدى المنتدى احلى منتدى .. ويرفع صوته .. عشان يسمعونه .. هههههههه وذولاك صفففط .. وشوي مشو .. قلنا باللي مايحفظكم ...

حتى البنات كل مامرت بنت ووقفت قلنا لها منتدى منتدى منتدى ههههههه

يبون الارقام وحنا نقول لهم منتدى هههههههههه

حالتنا تشكى لله ..

جت 4.30 . . . الاخ مشعل صايم .. يبي يروح يتفطر عند امه .. قلت له وش رايك فطورك اليوم على حسابي .. وخلنا نحرك على الدمام .. عند طلال .. طلعه من بيتهم نوريه السنع .. عشان ثاني مرة اذا واعد يجي ..

وندق عليه .. زي ماقال فواز (ان الهاتف المطلوبـ ... ) بس مو 50 مرة .. اكثر بشوي ..

قلت شوي اجلس مشعل .. جلس شوي ..

قلنا خلنا نروح الجهة الثانيه .. يمكن مايدرون وين الله قاطهم .. ونروح مافيه احد ...

لما جت 4.20 قلنا خلاص .. مشعل ازعجنا بعد ابي امي ابي ابوي ههههههه اقصد ابي اتفطر .. قلنا رح .. قال عمر وانا بعد بروح .. قلت له خذ اخوك معك لايدخل النمر القنع ولا يطلع .. يستانس على الاشرطه شكله

راح مشعل . . . وعمر ..

وبقيت انا .. رحت ستاربكس .. مع النورس .. هو كان هناك .. طلبت لي موكا مع الكريم .. جلست .. قمنا .. تمشينا .. بس مارقمنا حرام .. جاء اخوي .. ودجة ..

الزبده ماطالعت من الراشد الا الساعه 10 الليل ..

تخيلو واحد نايم الفجر .. وصحى الساعه 7 الصباح .. وجلس صاحي الين العصر .. عشانه عارف نفسه لو ينام بتروح عليه نومه .. وراح العصر الراشد عشان بيقابل اخوياه .. وصفط اهله بالبيت .. والشباب بالهافمون وبالكورنيش .. عشانهم .. وجلس بالراشد الين الساعه 10 .. ماجت 10 الا وهو منتهي .. حدددددددده .. وفي النهايه مايجون

راح البيت ... ووينك يادرب المخده ههههههه نووووووم ...


الله يسامحكم ..

مع انه فيهم واحد ازعجني متى متى .. ومدري وشو قلت انا هذا بينام اليوم الي قبله بالراشد .. عشان ماتفوته .. وفي النهايه .. مايجي ..

كلنا عندنا ظروف .. وانا ممكن اكثر واحد يعني مضغوط في هالايام .. الي جاي من الرياض .. وزحمة وقلق .. وتركتها كلها .. وفي النهايه الي نايم في بيتهم .. والي يقول شفت هالمواصفات .. طيب حنا كاتبين هالاشياء عشان مانضيع بعض ..


بس مو مشكله ... خيرها بغيرها ...

واذا تبون تجددون اللقاء ماعندي مانع .. انا اذا قلت بجي اجي .. بس اعذروني .. ماراح ارتب للقاء .. انا رتبت هاللقاء .. وكتبت مواضيع عشانه .. وارسلت رسايل لكم الي سجلوا اساميهم مع ان بعضهم ماله نيه يجي بس ارسلت لهم .. وتعتب فيها . . .

انا اقول .. اتفقوا على واحد .. هو يشوف الشغله .. ويرتب زين .. اذا تبون تطلعون زي العالم ..

وانا معاكم من الحين ..


بس والله ناااااااااااسه مع انا بس 3والرابع قاط .. والواحد منا الشباب ماشافوا وجهه ..

بس والله لو جيتوا .. راح يكو فلللللله ودججججججة غييير شكل ..

على كل حال ..

الجايات اكثر ..


هذي سالفتنا يوم الاحد الموافق 4/10/1423هـ


تحياتي ...

سهوووووووووووووووور

[MG4]

السلام

والله فله ياولد

ليت يسوون الاعضاء الي بالرياض زي كذا

[FSM]

هههههههههههههههههههههههههههه ........

تبي أحلف لك علشان تصدق .....؟؟؟؟؟

والله أني ماشفت الرد ...

كنت في السفانية ... .جاي من البر يعني ..ما أمداني أدخل النت ..

ماوصلت البيت الا الساعة 2.30 تقريباً.... ما أمدى رتبت نفسي الا الساع 3.15 ..وما أمدى وصلت الخبر .. لأني جاي من الدمام .. الا صارت3.45 ..

والباقي أنت عارفة أحسن مني ":"

[&سـحر العيــون&]

ههههههههههههه الله يرجك سهووور
الصراحة خوش جمعة كل الاعضاء راحو و تقابلتو:6 :0)
خيرها بغيرها سهووور الجايات اكثر من الرايحات :0)

[Chad]

بصراحه إنت مسكين للغايه

ليت يسوون الاعضاء الي بالرياض زي كذا

أصلا هما أول من سوى هالحركه

[الســـــــاهـر]

MG4 .. ليش لا ؟؟ أجتهدوا وسوها .. والله يوفقكم ..


فواز .. ياخوك خلاص لاتحلف ولا احلف .. الي صار صار .. مصدقينك من دون ماتحلف ..

اقول .. يعني انت الحين شفتنا ؟؟ يعني لو تشوفني مرة ثانيه بتعرفني ؟؟ هع هع

سحر العيون .. ايه والله وناسه .. ليتك موجوده :6 هههههه





تحياتي

[السنيوره]

كاااااااااااااااااااااااااااااااااااااااااك

ههههههههههههههههه
مساكييين عطوكم البنات عيييييين ............

والله البنات صارو احسن منكم اذا عطو كلمه يصيرون قدها مع انهم مايسوقون ولازم اخذ اذن اول شي من امها ثمن من ابوها وحاااااله لين يوافقون بس بالاخير يجون

[( الزعيم )]

انا مثل ما قلت لك اخوي الساهر راح اجي من الساعة 9 بالليل ..

و رحت عند نفس المكان بين النمر المقنع و ستاربكس .. و قابلت العضو ( mskt )

بس قعد شوي و راح .... لو كنت ادري انك بتجلس الين الساعة 10 كان تقابلنا معك ....

على كل حال المرات الجاية احلى انشاء الله ..

تحياتي للجميع ,,

[الســـــــاهـر]

A.J .. قل قسم

السنيورة .. هههههههه احلفي ... انا الحمد لله عند كلمتي هع هع

الزعيم .. وانا شدراني اني بجلس الين الساعه 10 .. :? بس مو مشكله زي ماقلت .. المرات الجايه أكثر ..



تحياتي

[*snow river*]

.. ولقيت واحد ياحليله تحسون انه مستحي .. ومايدري وين الله قاطه

هههههههههههههههههههههههههه ياحليله مستحي

شوي واطالع الا البدله البرتقاله الي لابسها هذا الي واقف .. كأني قاري برتقالي بالمنتدى

ههههههههههههههههه عرفته الله يرجه

شوي الا خوينا المسكين شكله طفش من الوقفه وكان معاه اخوه الصغير

ليش جايب اخوه محرم

[FSM]

الرسالة الأصلية كتبت بواسطة الســـــــاهـر
MG4 ..


فواز .. ياخوك خلاص لاتحلف ولا احلف .. الي صار صار .. مصدقينك من دون ماتحلف ..

اقول .. يعني انت الحين شفتنا ؟؟ يعني لو تشوفني مرة ثانيه بتعرفني ؟؟ هع هع


تحياتي

ان شاء الله

[الســـــــاهـر]

فواز .. ههههههه يعني بتعرفني خخخخخخ خير خير ان شاء الله

لوسي .. هههه ترى الاحد احيانا تحصل له ظروف .. يعني مو عشانهم ماجو خلاص صار فيه فرق بين العيال والبنات ههههههههههه ياحبك لتكبير المواضيع


تحياتي

[Chad]

اللي يسمع كلامكم يالبنات يقول إنكم كل يوم مسويين إجتماع


هذا غير إنو وفائكم بالموعد هو عشان بتحصلون فرصه للحش والكلام الفارغ اللي هو تخصصكم":"

راح موضوعك يالساهر في ستين داهيه وصار حرب بين الأولاد والبنات :6

[الســـــــاهـر]

لاحووووول ولا قوة الا بالله ..

اقول .. ماني رايق لكم

كل مواضيعي قالبينها شات

خلو لي هالموضوع بس تكفون




هع

[memo_b]

إي والله صح البنات دايما على كلمتهم وما يخلفون وإذا بنت ما قدرت تجي تبلش تتصل وتعتذر====>>عامله زوق وشغلات


وبعدين كلامنا مو حش فارغ:6 :6