الرحمه يا كبار البطون

[ruff]

باسم الله الرحمان الرحيم اما بعد .......والله طفح الكيل ولا مجيب ....ليش اصحاب الوكالات ما يخافو الله فينا .......الان ما هو الموضوع ......
الموضوع انو لو اراد اي احد ان يشترى سياره فخمه او اروبيه او اي سياره جديده .....يجب عليه ان يعانى من مشاكل ما بعد البيع .....طبعا عندما تود ان تجرى صاينه دوريه لسيارتك فيجب عليك ان تقودها الى الوكيل اللى راح يسلخ جلدك رايح وجاي ......طيب لو قلى واحد ليش اصلا توديها صيانه ....خليها ولا توديها صح ..... لا يا حلو مو صح ....لانو لو ما وديتها للصيانه وخرب اي شى عليك ووديتها عشن يصلحوها على الضمان ....راح يقولولك الضمان غير سارى المفعول لانك ما سويت الصيانه الدوريه واقعدبها عاد .....طيب المشكله كمان مو هنا .....لانو الصيانه لازم تسويها حتى لو كنت فى المانيا ......المشكله انو اولاد الكلب ( عفوا ) يقللو المسافه اللى لازم تسوي فيها الصيانه ......يعنى ....لو كانت السياره مكتوب فى كتيب الصيانه انو لازم تسويلها صيانه كل 10 الاف كيلو ....تحصل انو السياره فى بلدها تسويلها صيانه كل 25 الف كيلو ....:غضب: شفت النصب كيف ....والله كاننا منا بمسلمين .......طيب ليش المعامله ما تكون وحده ....قبل ما تشترى السياره تحصل المسوق او البائع والله شويه ويقبل جزمتك ( اكرمكم الله ) .....ولمن تجيب السياره لهم بعد ما تشتريها لو كانت خربت وحيصلحوها على الضمان تحصلو ماد بوزه شبرين تقول بيدفع من جيبو ......لكن لو جبتها للصيانه او عشن تصلحها على حسابك ....تشوف سعابيله تسيل ويضحكلك ....طبعا لانو حيحصل فرصه ان ينهبك .....طيب ياااااااااااااااااااانااااااااااااااااس .....فين حمايه المستهلك ......والله الشى دا مو من صالح احد .....ولو قارنا وضع وكالاتنا بالوكالات الخارجه نشوف انها تراب ولا تقارن بها ومع كده نحصلها بتكسب ......ليش ....لانو الوكالات الخارجيه الحكومه جالستلها فى حلقها .....طبعا تحمى المستهلك .......طيب ايش الحل يا جماعت الخير ها .....وللا نقعد على سياراتنا القديمه واللى ما يحتجلها الا مكنيكى عادى ....ولا ايش نسوى :"

[لكزس]

يا اخووووووووي كلامك كلو صحيح

لكن المشكله مو في الوكلاء المشكله في الاحتكار لهؤلاء الوكلاء

في امريكا مثلا لكل ولايه وكيل سيارات

الوكلاء عندنا في الخليج احتكار حصري

فتمنى مثلا عندنا في المملكه يكون هناك تعدد للوكلاء من اجل المنافسه في السعر والخدمات المقدمه للزبون

[ruff]

والله كلامك عين العقل اخى لكزس .....واتوقع انو القرار هاذا نزل .....بحيث انو اي وكيل ما يقدر يحتكر اكثر من 35% من السوق .....لكن الكلام على التطبيق ....
وشكرا لك اخى