قمّة الوناسة...قمّة النجاسة
قمة القهر
انك تكون واقف ببنك والطابور طول قريح واذا جا دورك جا واحد مؤدب وسفط قدامك
قمة الوناسة
اذا تليته مع علباتة وقلتلة طابور يالأخو (امسك السرا)0
قمة القهر
اذا وقفت تحاسب ووراك حرمة ماسكة عربية كبر بيتهم ومافيها الا قارورة شامبو وبزرها وكل شوي مصبختك بالعربيه
قمة الوناسة
اذا طلعت الحرمة من السوبر ماركت وبزخت هي وولدها بالدحديره
قمة القهر
اذا رحتوا لعزيمة وجا مليقيف وواق بوجهك وقال (جيتوا) بكل غباااااااااااااااااااء
قمة الوناسة
امشي بطريقي وأسلّم على الحاضرين بدون ماارد عليه
قمة القهر
اذا قام اخوكم الصغير يون (يصيح) آخر الليل يبي غرض من المكتبة والدنيا مصكصكة لمباتها
قمة الوناسة
تمسك أخوك وتدبجة وتدعسة بالفراش وتهبد البطانية فوق دماغة وتقولة ماهنا مكاتب ليش ماقلت لنا من بدري
قمة القهر
انتس تتوهقين وتصبين لضيفة ماتروى من القهوة
قمة الوناسة
انتس تتسمرين بمكانتس وتصبين لها (الحثال) ولا تزينين قهوه ثانيه
قمة القهر
انتس تكونين بعزيمة وكاشخة بعمرتس ويجي بزر ويملط عليتس عسكريم وامة تشوفة ولا تقول شي
قمة الوناسة
اذا صدّت امة تمرسينه(تقبصينة) وهو يفحّط من الصياح وامة ماتدري وش به
قمة القهر
انّك تقوم من النوم وفيه ثلاث مكالمات لم يرد عليها جديدة ويضيق خلقك تحسب فيه شي وتدق عليه ويخش بعينك ويقول ما دقيت عليك
قمة الوناسة
انك تدق دقه عليه همّن يدق هو عليك عشان تكون الصرفيه عليه وتهك عليه بقرق ما امة داعي
قمة القهر
انك تتعب عمرك بموضوع لك كم يوم تكتبه وتمخمخ فيه ولا تلقى عليه ردود وقليل زواّرة
قمة الوناسة
اذا كتبت اي كلام على الطاير ماتدري عن عمرك الى موضوعك ناقز للمواضيع المميزة
قمة القهر
يصير لك كمن يوم مادخلت النت بسبب ضروفك واذا دخلت مستعجل تلقى رساله داخليه تقول ترى فيه احد كاتب موضوع مو زين بمنتداك
قمة الوناسه
يجي المشرف العام يطيره ويلغون عضويته
-----------------------------------------
م
ن
ق
و
ل
.... 
