PhotoShopian Gallery

[Neo Cid]

السلام عليكم ..

مبسوطين طبعا .. مولازم كل ساعة أسأل عن أحوالكم .. :6

خلال فترة غيابي أصريت على تعلم الفوتوشوب أكثر و أكثر و احترافة مثل الكثير من الأخوه .. لكن كل شي صعب بالنسبة لي خاصة الفترة كانت ضيجة وما تسمح حق كل شي .. ?: .. بلاه بلاه بلاه ..

المهم ..

تعلمت القليل و الحمد لله .. و ان شاءالله المزيد و أكثر ..

و هذا الموضوع مفتوح لكل من له موهبة ولو بسيطة مع الفوتوشوب .. حياه الله و خله يعرض تصاميمه هنيه ( ) .. و ان شاء الله نشوف انتقاداتكم يا أخواني جمهور الرسم الحر ..

بعرض لكم أول عمل جاد لي في الفوتوشوب .. و هو بعنوان ( I saw a dream ) .. .. أتمنى أن التصميم ينال بإعجابكم .. و أنتظر آرائكم حول التصميم .. كل شي .. حتى لو السالفة فيها تحبيط ..

[Altacia]

والله شغل حلو اخوي نيو سيد ..

ما شاء الله عقبال ما أتعلم الفوتوشوب وأصير بمستواك

:# ..

[Space Cowboy]

i saw a dream...

تصميمك حلو يا سيّد سيد

طلعت حريف و مخبي علينا :غضب:

همممممممم...انتظر تصميما بعنوان Space cowboy


يلا اخوي سلام

[لوجــــــين]

سلالالالالالالالالالالالالالالالالالالالالالام

اشلونك خايونو سيد

تصميم روعه و أختيار موفق و ذوق حلو;-)

استمر أكثر و ورنا تصاميم أكثر

تعجبني توقيعاتك اللي تصممها بعد;-)

سلالالالالالالالالالالالالالام

[Neo Cid]

Altacia :

شكرا أختي التاسيا ( ان شاء الله يكون اللفظ صحيح ) .. و عقبالج ..

بس تراني مو محترف .. أنا والله بسيط جدا في هذا عالم الفوتوشوب الضخم ..

Space Cowboy :

هلااااااااااااااااااا خيو أوسي ..

ان شاء الله .. تامر أمر .. راح تشوف لك تصميم بالمستقبل بعنوان راعي بقر الفضاء :6 .. ان شاء الله ولا يهمك ..

و مشكور على كلامك .. هذا من ذوقك .. تراني مو محترف .. تكفون أفهموني .. :" قولوا مشاء الله ..




لوجــــــين :

وعليكم السلام والرحمة ..

أنا تمام منيح .. ما تغيرت ..

شكرا خيتو .. هذا من ذوقج .. و التواقيع تعتبر عذاب لي ..

مثلا اليوم أصمم توقيع و يعجبني .. و اليوم الثاني يطق براسي ( أييي :" ) اني أسوي توقيع ثالث و رابع و خامس .. مليت و أنا أصمم .. فيني انفصام بالشخصية ..

الحمد لله أن أعمالي البسيطة عجبتج خيتو ..

و شنو هذا خايونو ؟ .. من وين مطلعتها ؟ .. .. كتبي وراها حقوق الخايونو محفوظة لدى لوجينو .. :6 ..

و شكرا على الرد ..


و هذا تصميم يديد صممته قبل يومين عالطاير .. ان شاء الله يعجبكم بعد .. بعنوان Breath .. :": مو عارف شنو فايدة الكلمة هذي بالتصميم و علاقتها .. بس شنو نسوي .. ثقافة أجنبية .. :":

[Altacia]

رائعه فعلا ..

شجعتني أصمم شي بالفوتوشوب ..

[Space Cowboy]

ياااااااه التصميم الأخير جميل جدا

و كمان على الطاير؟:!

طيب ممكن سؤال؟ كم يأخذ منك التصميم (وقت مش فلوس:6 )


سلام

[Zarzora]

ما توقعتك جذي.....وايد حلو;-)

[orange road]

حلوة تصاميمك سيد ^^

عجبتني حركات التصميم الاول.. احب التصاميم اللي تييك بلون واحد مع حركات... تنفع خلفية لسطح المكتب ^^

التصميم الثاني عجبني ^^
ناعم ... احب هالصورة وييت انت وضفت لها حركات حلوة.. تنفع توقيع...

اعتقد اني قلت لك من قبل ان تواقيعك عاجبتني...
اخيرا بينزل الجزء الثاني من the lord of the rings عندنا ...

[xero]

يا ليت كانت احلامي هالشكل



مياو


تصميمك بالفوتوشوب دليل على قدراتك بالفوتوشوب......واعجبتني الصور لدرجة اني خليتهم خلفية للكمبيوتر

[Altacia]

ممكن رايكم ..

[][Mylene][]

Neo Cid

خخخخخخخخخخخخخخخخخخخخخخخخخخ والله انك حركات يارومنسي
والله انك فنان صدق بحق وحقيقه التصميم الثاني يههههههههههبل رومنسي
نبي تصاميم اكثر مشاء الله عليك

cyaaaaaaaaaaaaaaaaaaa

[Neo Cid]

سلالاالالالاااالللاااام ..

سامحوني على التأخير بالرد لأسباب Unknown .. فسامحني على التأخير و التقصير ..

Altacia :

شكرا أختي التاسيا ..
و بالنسبة لتصميمج ترى فكرته حلوة .. لكن اللي مخرب على التصميم هو أن الصور اللي أنتي مستخدمتها مو بالوضوح الكافي ..

بس مهما كان .. تصميمج حلو أختي .. تقريبا مثل بداياتي مع الفوتوشوب .. حاولي .. و بالاستمرار و الاطلاع .. راح تصيرين ان شاء الله و بإذن مصممة بارعة ..



Space Cowboy :

هلو لو أخوي أوسي ..

أممممممممم .. بالنسبة للتصاميم .. فمرات تاخذ مني حوالي نصف ساعة .. و مرات ربع ساعة .. وما بين هالأوقات .. و يمكن فيه مرة تصميم خذى مني ساعة تقريبا .. و السبب هو مو أن التصميم يطول .. المشكلة أني احاول أشوف النواقص و شنو اللي أحطة بالتصميم .. تلقاني مثلا مرات أستخدم فلتر ( تأثير ) .. لكني ما يعجبني فأعيد الخطوات .. و أمسح الشفافيات .. صراحة شغلة حلوة ..

و مشكور على ردك ..

Zarzora :

احم احم .. تامرين على تصميم ؟ ..

و شكرا على الرد خالتي زرزورة !

To be Continued ..

[Neo Cid]

orange road :

شكرا أختي خلود على الرد .. و يعطيج العافية .. و هذا من ذوقج ..

التصميم الاول ما أدري ليش احس أنه فيه نواقص .. و هذا صحيح .. سألت كذى شخص و قالولي في نواقص .. لكن ما عليه .. المهم أنه عجبكم .. و ان شاء الله بالمستقبل أحاول أعيد التصميم بطريقة أحلى ..

و شكرا اختي على اطرائج لتواقيعي .. عذاب هالتواقيع صراحة ..
و زين أن الفيلم نزل عندكم .. احنا الكويت عكس الكون كله .. تصدقين .. أنا شايف فيلم ستار وورز 2 قبل اي امريكي بأمريكا .. و السبب أن السينما الكويتية نزلت الفيلم مع موعد أمريكا .. و احنا بعد سابقينهم بساعات .. يمكن 8 ساعات .. بس للأسف The Two Towers ما نزل مع أمريكا .. و للحين ما فيه خبر عنه بالسينما الكويتية ..

أعتقد أنج بعد ردي هذا تكونين شايفة الفيلم .. تراه رووعة لأني شفته على الVCD ( تعيس ) .. و فيلم ضخم .. لكن فيه عيب .. أنتي شوفي الفيلم و شوفي القهر اللي راح يصير فيج ( و يمكن صار فيج ) .. نفس الأول ..

شكلي وايد قرقت .. سوري .. لكني مو مصدق أني أكتب رد بالمنتدى بعد هالغيبة ..

xero :

هلا أخوي زيرو ..

الحمد لله أن التصميم عجبك .. لكني ما توقعت أنكم تحطون الخلفية هذي سطح للمكتب .. لأني حطيته يوم .. ولا اليوم الثاني اختي معصبة و تشتكي لي عن الخلفية .. ( تحبيط درجة أولى )

و يعطيك العافية ..

][Mylene][ :

شكرا أختي مايلين .

رومانسي مرة وحدة ؟ .. ..

هذا من ذوقج أختي .. و الحمد لله أن التصميم عجبج ..

ان شاء الله التصاميم قادمة .. سيول ..



سلام all..

[Neo Cid]

هذا أحد التصاميم البسيطة .. لعبت شوية بالاضاءة و كم شغلة .. و طلع هالتصميم ..

أتمنى أنه يعجبكم ..