مذهلة....!!!
هذي قصيدة مذهلة من ابداع سمو الامير عبد الرحمن بن مساعد
ان شاء الله تعجبكم........
مذهلة ..
ماهي بس قصة حسن ..
رغم ان الحسن فيها بحد ذاته مشكلة ..!
مذهلة ..
كل شي فيها طبيعي .. ومو طبيعي !!
اجمل من الاخيلة
طيبها قسوة جفاها
ضحكها هيبة بكاها
روحها حدة ذكاها .. تملأك بالاسئلة
مذهلة
تملأك بالاسئلة
هي ممكنة والا محال ؟
هي امر واقع او خيال ؟
هو سهلها صعب المنال .. او صعبها تستسهله ؟
ليه كل معجز مر هذا الكون فيها له صله ؟
ليه كل شي فيها تظن انك تعرفه تجهله ؟
ليه كل لا معقول فيها و رغم هذا تعقله ؟!
يا بدايات المحبة .. يا نهايات الوله
كيف قلبي ما احبه وانتي قلبك صار له ؟!
يا اعذب من الامنيات
يا عالم من الاغنيات
يا اجمل الشعر البديع من آخره لين اوله
ما راودتك الاسئلة ؟!
ليه عمري ما لقى لبرده دفا الا دفاكي ؟
ليه قلبي بدقاته ماعزف لاحد سواكي ؟
ليه انا عيني تشوف وما تشوف الا بهاكي ؟
يا اجمل من الاخيلة
هذا جواب الاسئلة ..
كي تكوني من حنيني .. وبس فيني .. و مو بدوني مذهلة ..!!
اهديها الى من يهمها امري....!!!!!
:#
لاتشتكي من جور الأيام للناس..............
..........وادفن همومك في ثرى الصمت كله
