8 ضد 9 ...!؟!؟!؟!؟!؟

[محترف الـRPG]

السلام عليكم شباب

كيفكم انشاءالله تمام

حبيت اكتب هالموضوع وهو بصراحه جهد مني واتمنى انه يكون صحيح

وهو تقريبا تقدر تسميه الفروق بين الثامن والتاسع

وراح ابدأ فيه

الرقم : بصراحه انا عن نفسي افضل رقم 8 لأني ارتاح له اكثر

نظام المعارك : اضن الفرق الجوهري انه كان اللاعب بالتاسع يتقدم او يرجع ورى واشوف هالفرق يعطي تعقيد واثاره للعبه واعتقد التاسع تفوق على الثامن بهذي النقطه

نظام الأسحار : امممم فيه فرق هنا وكان الثامن يعتمد على عدد الأسحار واما التاسع كان على نظام الأم بي المعروف واشوف ان التاسع تفوق على الثامن بهالنقطه واما عن نظام السحر داخل المعركه فأشوف ان الثامن افضل من التاسع لأن التاسع يقيدك بالوايت ماجيك والبلاك ماجيك وهذا بصراحه ما اعجبني وبكذا تعادل للجزئين

نظام الأسلحه : والله هنا اشوف فيه فرق كبير لأن الأسلحه بالثامن ما لها اهميه إلا لين تجمع الأدوات للسلاح وبعدها ما راح تستفيد منه إلا بالضربات القويه و بالتاسع نظام مختلف فيه تطوير للـSkill بشكل كبير والحركات وغير كذا بعض الأسلحه لـvivi تقدر تأخذ منها الأسحار وعند هالنقطه اشوف ان التاسع تغلب فيها على الثامن

الضربات القويه : والله بهالنقطه بالذات يتفوق فيها الثامن على التاسع لأن التاسع نادر ما تجي ضربه قويه اما بالثامن فتقدر تخليها دايم تجي وبطريقه انك تخلي الفريق قوي إلا واحد تخلي طاقته صفرا وبكذا تجيك دايم وراح تستمتع فيها وخاصه ليون هارت وهنا يثبت الثامن قوته

الربط : اممم اشوف انه واضح ان الثامن راح يتفوق على التاسع لأنه من الأشياء الأساسيه فيه الربط وغيرها

نظام الكروت: والله بصراحه اشوف ان نظام الكروت بالثامن اقوى بكثير واقل تعقيد من التاسع وغير كذا الي يدعمه القوانين القويه والمثيره والي تخوف مثل راندوم :واو:

الأدوات:والله هنا فيه تعادل بعض الشئ ولكن اشوف ان الثامن يمكن اكثر ادوات وفيه ادوات نادره كثيره وبعض وحوش الأستدعاء تقدر تجيبهم من ادوات وعشان كذا بيتفوق الثامن على التاسع

الشوكوبو : اممممم واضح بهالنقطه بالذات ان التاسع سيحقق نصر لا محاله لأن الشوكوبو بالثامن محدود وتحتاج إلى البوكيت ستيشن واما التاسع فأشوف انه اقوى بكثييير وكان يمكن افضل لعبه جانبيه بالتاسع كله

الشخصيات :والله بصراحه وعلى اتباع المثل ان الناس اجناس راح اخليكم انتم تحسبونها والي يحب الناس الكوول والهادئين والرومنيسيين راح ياخذ الثامن اما الرجه والأقلاع والأستهبال وغيرها راح ياخذ التاسع وراح اخلى هالنقطع تعادل بينهما

خريطه العالم: اممم بصراحه خريطه العالم بالتاسع اقوى بكثير من الثامن وتقدر تلعب بالشكوكوبو فيها وتشوف الموجل دايم وفيها مغامرات حلوه مره واما الثامن اعتقد انه لا يتقصر على الأنتقال بين المدن وانتقاء الوحوش

القصه: والله بصراحه اشوف ان الثامن قصته اقوى واقرب إلى انك تحبها واعتقد ان التاسع قصته زي ما تقولون تمشيه حال والي يصير يصير وغير محبوبه بالنسبه لي

العالم: امممم والله في لعبه ار بي جي انا افضل العالم القديم واشوف ان التاسع كعالم قديم قوي جدا لكن الثامن كان فيه نوع من الحلاوه لكن هنا التاسع يتفوق عليه كلعبه ار بي جي

وسائل المواصلات: امممم والله هنا يبي لها شويه تفكير لأن بالثامن كنت تقدر تاخذ سياره وتقدر تسوق المدرسه(وناسه ) وبعد تقدر تتمشى بالراجن روك واما التاسع ما كان فيه إلا الطياره والشكوبو على ما اضن والباقي طقها كعابي عشان كذا يمكن فيه شويه تعادل لأن بالثامن كثير وسائل المواصلات وحليله واما التاسع كانت بسيطه لكن قويه جدا وعشان كذا يتفوق التاسع بوجود الشوكوبو

الموسيقى: بصراحه ما فضلت اني اتكلم عن هالنقطه لكن انا للحين اتذكر دقات فاينل 8 واتذكر بعض المعارك ويمكن لأنها اول لعبه ار بي جي لعبتها فالموسيقى فيها اتوقع يتفوق على التاسع واعتذر اذا ما قدمت الفرق زين بهالنقطه لأنكم يمكن اخبر مني

البطل:سكوال شاب هادئ جدا زيدان لص محترف يمكن اترك هالفرق لكم انتم لأنه يختلف على حسب الشخص وانا افضل زيدان لأنه اخف دام من سكوال البارد

اشكال الناس : اممم والله الثامن هنا اقوى لأنهم كبارين وبصراحه استصغر اللعبه لو كانت شخصيتها اطفال الحين زيدان اضن عمره ما يتجاوز 12 سنه (على حسب شكله) ويجب جارنيت او (ديجر) يعني شي ما يدخل المخ وغير كذا عصابه متكامله اعضائها اطفال !!! فأشوف انه الثامن اقوى بكثير واحب الناس الموجودين فيه اكثر من التاسع من ناحيه الشكل وبكذا يتفوق الثامن على التاسع

البدايه: يبدأ سكوال بعد ان غاب عن وعيه اثر المعركه التي دارت بين سكوال وسيفر في بدايه اللعبه امممم واما التاسع فكانت بدايته انه زيدان واصدقائه اللصوص ارادوا ان يسرقوا فيلتقى بالأميره بالصدفه اممممم والله اشوف انه الأستيقاظ من النوم او انه يصحى بعد ان غاب عن وعيه شي مكرر في اغلب اشرطه الأر بي جي مثلا كرونو كروس و كرونو تريجر عشان كذا يتفوق التاسع في بدايته عن الثامن

الألعاب الجانبيه: والله بالثامن ما اذكر إلا الكروت والشوكوبو(هذا اذا احد قدر يلعب بالشوكوبو) واما التاسع اذكر لعبه طريفه جدا والي تلعبها من البنتين الصغار و الشوكوبو والكروت والسباق (يوم تسابق ولد من سكان المدينه) فالتاسع يتفوق بكثير على الثامن

وحوش الأستدعاء : اممممممم والله بصراحه انا الي اعرفه ان وحوش الأستدعاء بالثامن اكثر بكثير وغير الي تأخذهم على شكل جانبي وغير الي يجون من ادوات عشان كذا الثامن يتفوق على التاسع



وبالنهايه نقدر نقول ان الثامن قدر يتفوق على التاسع بهذي المواجهه البسيطه برصيد 9 نقاط واما التاسع فهزم برصيد 8نقاط

(وهذا عمل يحتمل الصواب والخطأ فأن اخطأت فصوبوني وان أصبت فمن الله )



مع اطيب تحياتي

محترف الـRPG

(سارق القلوب سابقا...)

[Guilty Gear X]

حلو الموضوع.....لكن ببساطة

فف8= انظمة جديدة = فف10 = new generation , TYPE
فف9=الانظمة القديمة = فف4-6 = old type

اما فف 7 فهو خليط بين الجديد والقديم
واغلب الذين عملوا فف8 هم نفسهم الي صمموا فف10 . ويطمحون الى الجديد.

فمنهم من حب القديم ومنهم من حب الانظمة الجديدة ومنهم (انا:6 ) من حب الاثنين.

الانظمة الجديدة تناسب مبتدئين فف....مثال فف10 .

[Flanteus]

موضوع رائع جدا .... تشكر عليه فعلا .......
صحيح انك مختصر جدا ...لكنها نقاط سهلة وخفيفة على المعدة :6 وكلامك كله صحيح وطريقتك في اختيار الأذواق رائعة عشان لا يجي واحد يموت في التاسع ويسوي حرب
وأشكرك بعمق
(أكتب رأيي ولا ماله داعي .....ممممممممم أعتقد انه مال أم أبوه داعي خليني ساكت أحسن)

[BOY_THING]

موضوع جميل ... و تعبك واضح في طيات الموضوع

اتوقع اني صجيتكم من كثر ما قلت ان فاينل فانتسي 8 ... الجزء المفضل عندي ... و المقارنة جداً جميله ..مختصره وصحيحه 100%

مشكور اخوي ... وبصراحه .. بدون اي تردد سوف ينقل الموضوع للمميزه ...

و كثر من هالمواضيع الحلوه

[SUMMONER HERO]

يا خوي الموضوع روووعة
الصراحةلا يستطيع احد القول بان هناك جزء افضل من الاخر لانه كل جزء له ناحية جمالية خاصة فيه... و من ناحيةالقصة فقصة 8 في عصور حديثة و قصة رومانسية رووووووعة..... و اما 9 فقصة في العصور القديمة و الاساطير و حياة البشر مع الوحوش و شجرة الحياة...الخ من المشاهد الممتعة... و من ناحية الجرافيك تقريبا الجزئان مثاليان من ناحية الجرافيك و الرسوم....الرائعة مع افضلية ل9 في الافلام و ل 8 في المناظر العادية...و اما بالنسبة للقتال و الماجيك فايضا كل جزء له خاصية رائعة ف 8 يمتلك ماجيك و GF رائعين و في 9 يتميز بان لكل شخصية ضربات مختلفة عن الشخصية الاخرى...و يمتلك الجزئان خريطة عالم جميلة و مدن و شخصيات رائعة مع اني افضل سكوال و رينوا و سيلف و زيل و جارنيت و بلانك و زيدان و فيفي و ايكو على الترتيب...و لا ننسى ان للجزئان افضل المقاطع الموسيقية مثل EYES ON ME في 8 و MELODIES OF LIFE و PERLUD في 9
بالنهاية انا افضل هذان الجزئان لانهم الاروع و لو يتم صنع خليط منهما لكان روعــــــة

[The Best Zell]

لا لا لا لا مستحيل ان يتفوق فف 8 على فف 9 من ناحية الموسيقى

أكيد فف 9 أفضل .... إذن يتعادل الجزءان

[SUMMONER HERO]

يا خوي ردي الاول الصراحة كان سريع ...اما الان فسارد بالتفصيل

نظام المعارك : اضن الفرق الجوهري انه كان اللاعب بالتاسع يتقدم او يرجع ورى واشوف هالفرق يعطي تعقيد واثاره للعبه واعتقد التاسع تفوق على الثامن بهذي النقطه

معك نظام القتال الرباعي الذي يملك كل شخص به اسلحة خاصة به كان افضل في التاسع

نظام الأسحار : امممم فيه فرق هنا وكان الثامن يعتمد على عدد الأسحار واما التاسع كان على نظام الأم بي المعروف واشوف ان التاسع تفوق على الثامن بهالنقطه واما عن نظام السحر داخل المعركه فأشوف ان الثامن افضل من التاسع لأن التاسع يقيدك بالوايت ماجيك والبلاك ماجيك وهذا بصراحه ما اعجبني وبكذا تعادل للجزئين

هنا ليس تعادل بل التفوق بوضوح لـ8 لانه كان يملك سحر اروع و اجمل من 9 بكل صراحة

نظام الأسلحه : والله هنا اشوف فيه فرق كبير لأن الأسلحه بالثامن ما لها اهميه إلا لين تجمع الأدوات للسلاح وبعدها ما راح تستفيد منه إلا بالضربات القويه و بالتاسع نظام مختلف فيه تطوير للـSkill بشكل كبير والحركات وغير كذا بعض الأسلحه لـvivi تقدر تأخذ منها الأسحار وعند هالنقطه اشوف ان التاسع تغلب فيها على الثامن

معك طبعا 9 افضل فيه اسلحة كثيرة و متنوعة و جميلة

الضربات القويه : والله بهالنقطه بالذات يتفوق فيها الثامن على التاسع لأن التاسع نادر ما تجي ضربه قويه اما بالثامن فتقدر تخليها دايم تجي وبطريقه انك تخلي الفريق قوي إلا واحد تخلي طاقته صفرا وبكذا تجيك دايم وراح تستمتع فيها وخاصه ليون هارت وهنا يثبت الثامن قوته

مو فاهم هاي النقطة في ضربات قوية بكلا الجزئين يمكن قصدك جمال الضربات كان في 8 اجمل

الربط : اممم اشوف انه واضح ان الثامن راح يتفوق على التاسع لأنه من الأشياء الأساسيه فيه الربط وغيرها

كمان مو فاهم

نظام الكروت: والله بصراحه اشوف ان نظام الكروت بالثامن اقوى بكثير واقل تعقيد من التاسع وغير كذا الي يدعمه القوانين القويه والمثيره والي تخوف مثل راندوم

طبعا 8 اجمل بس المحيرني لحد الان ما ختم احد لعبة الكروت في التاسع

الأدوات:والله هنا فيه تعادل بعض الشئ ولكن اشوف ان الثامن يمكن اكثر ادوات وفيه ادوات نادره كثيره وبعض وحوش الأستدعاء تقدر تجيبهم من ادوات وعشان كذا بيتفوق الثامن على التاسع

ادوات التاسع اكثر بكثير من الثامن و معقدة جدا

الشوكوبو : اممممم واضح بهالنقطه بالذات ان التاسع سيحقق نصر لا محاله لأن الشوكوبو بالثامن محدود وتحتاج إلى البوكيت ستيشن واما التاسع فأشوف انه اقوى بكثييير وكان يمكن افضل لعبه جانبيه بالتاسع كله

طبعا 9 تبع الثامن مو مفهوم بالمرة

الشخصيات :والله بصراحه وعلى اتباع المثل ان الناس اجناس راح اخليكم انتم تحسبونها والي يحب الناس الكوول والهادئين والرومنيسيين راح ياخذ الثامن اما الرجه والأقلاع والأستهبال وغيرها راح ياخذ التاسع وراح اخلى هالنقطع تعادل بينهما

مو معك لانه في شخصيات جميلة بالطرفين سكوال و رينوا و جارنيت و بلانك و زيدان و سيلف و ايكو.......

خريطه العالم: اممم بصراحه خريطه العالم بالتاسع اقوى بكثير من الثامن وتقدر تلعب بالشكوكوبو فيها وتشوف الموجل دايم وفيها مغامرات حلوه مره واما الثامن اعتقد انه لا يتقصر على الأنتقال بين المدن وانتقاء الوحوش

الثامن اجمل بس التسع مو بطال

القصه: والله بصراحه اشوف ان الثامن قصته اقوى واقرب إلى انك تحبها واعتقد ان التاسع قصته زي ما تقولون تمشيه حال والي يصير يصير وغير محبوبه بالنسبه لي

لا اوافقك ابدا ف9 لعبة عميقة القصة تتحدث عن الاساطير القديمة و عن شجرة الحياة و عن تعايش الانسان مع الوحوش و عن حروب الممالك ...الى اخره من الاشياء الرائعة اما 8 فتملك قصة جميلة من ناحية الرومانسية فقط لذلك تعادل

العالم: امممم والله في لعبه ار بي جي انا افضل العالم القديم واشوف ان التاسع كعالم قديم قوي جدا لكن الثامن كان فيه نوع من الحلاوه لكن هنا التاسع يتفوق عليه كلعبه ار بي جي

لا انا اى 8 افضل

وسائل المواصلات: امممم والله هنا يبي لها شويه تفكير لأن بالثامن كنت تقدر تاخذ سياره وتقدر تسوق المدرسه(وناسه ) وبعد تقدر تتمشى بالراجن روك واما التاسع ما كان فيه إلا الطياره والشكوبو على ما اضن والباقي طقها كعابي عشان كذا يمكن فيه شويه تعادل لأن بالثامن كثير وسائل المواصلات وحليله واما التاسع كانت بسيطه لكن قويه جدا وعشان كذا يتفوق التاسع بوجود الشوكوبو

اكيد 9 اجمل

الموسيقى: بصراحه ما فضلت اني اتكلم عن هالنقطه لكن انا للحين اتذكر دقات فاينل 8 واتذكر بعض المعارك ويمكن لأنها اول لعبه ار بي جي لعبتها فالموسيقى فيها اتوقع يتفوق على التاسع واعتذر اذا ما قدمت الفرق زين بهالنقطه لأنكم يمكن اخبر مني

9 افضل من 8 بكثير

البطل:سكوال شاب هادئ جدا زيدان لص محترف يمكن اترك هالفرق لكم انتم لأنه يختلف على حسب الشخص وانا افضل زيدان لأنه اخف دام من سكوال البارد

لن اظلم احد تعادل فسكوال شجاع و يملك قلب مرهف و لكن زيدان لطيف و يحب مساعدة الناس و ايضا لص باهر و حنون

اشكال الناس : اممم والله الثامن هنا اقوى لأنهم كبارين وبصراحه استصغر اللعبه لو كانت شخصيتها اطفال الحين زيدان اضن عمره ما يتجاوز 12 سنه (على حسب شكله) ويجب جارنيت او (ديجر) يعني شي ما يدخل المخ وغير كذا عصابه متكامله اعضائها اطفال !!! فأشوف انه الثامن اقوى بكثير واحب الناس الموجودين فيه اكثر من التاسع من ناحيه الشكل وبكذا يتفوق الثامن على التاسع

اثناء الافلام تساوي و لكن اثناء اللعب العادي 8

البدايه: يبدأ سكوال بعد ان غاب عن وعيه اثر المعركه التي دارت بين سكوال وسيفر في بدايه اللعبه امممم واما التاسع فكانت بدايته انه زيدان واصدقائه اللصوص ارادوا ان يسرقوا فيلتقى بالأميره بالصدفه اممممم والله اشوف انه الأستيقاظ من النوم او انه يصحى بعد ان غاب عن وعيه شي مكرر في اغلب اشرطه الأر بي جي مثلا كرونو كروس و كرونو تريجر عشان كذا يتفوق التاسع في بدايته عن الثامن

تساوي بداية رائعة لكلا الجزئين

الألعاب الجانبيه: والله بالثامن ما اذكر إلا الكروت والشوكوبو(هذا اذا احد قدر يلعب بالشوكوبو) واما التاسع اذكر لعبه طريفه جدا والي تلعبها من البنتين الصغار و الشوكوبو والكروت والسباق (يوم تسابق ولد من سكان المدينه) فالتاسع يتفوق بكثير على الثامن

طبعا 9

وحوش الأستدعاء : اممممممم والله بصراحه انا الي اعرفه ان وحوش الأستدعاء بالثامن اكثر بكثير وغير الي تأخذهم على شكل جانبي وغير الي يجون من ادوات عشان كذا الثامن يتفوق على التاسع

اكيد 8
اعيد و اكرر ان 8 و 9 جزئين رائعان و من اجمل العاب ال ار بي جي

[أبومروان]

موضوع حلو جدا جدا.............

أنا أفضل 8 أكثر ، ليش؟؟؟؟؟ و الله ما أعرف ، بس أحسها قريبة لقلبي أكثر...

[FF Expert]

وسعو عن الطريق جاكم مجنون FF8

و الله فعلاً مقارنه رائعه و كلامك صحيح100% و ما أستغرب عليك موضوع مثل هذا
و أخيراً جائت المقارنه المنصفه بين الجزئين

باستثناء نقطه واحده

الرسالة الأصلية كتبت بواسطة محترف الـRPG
[COLOR=sienna]
البدايه: يبدأ سكوال بعد ان غاب عن وعيه اثر المعركه التي دارت بين سكوال وسيفر في بدايه اللعبه امممم واما التاسع فكانت بدايته انه زيدان واصدقائه اللصوص ارادوا ان يسرقوا فيلتقى بالأميره بالصدفه اممممم والله اشوف انه الأستيقاظ من النوم او انه يصحى بعد ان غاب عن وعيه شي مكرر في اغلب اشرطه الأر بي جي مثلا كرونو كروس و كرونو تريجر عشان كذا يتفوق التاسع في بدايته عن الثامن

بداية الثامن بالقتال بين سكوال و سيفر رووووووووووووووووعه


بس فعلاً موضوع رااااااااااائع و مشكور و يعطيك ألف ألف عافيه
و مثل ما قلت FF8 هي الأروع

أنا سبق أن كتبت مقارنات أبروح أدورهاو أحطها هنا

مشكور على الموضوع يا مشلح القلوب;-)

[فيصل سنيك]

انا اشف الثامن افضل من كل النواحي

اما التاسع والله ماسخ ب يمشي الحال

بس يضل كلاود وخويانه في المرتبة الاولى

وشكرااااااااااا

[The Stream]

انا افضل فف9

ولكن كلا مك صحيح 100%

بس في اشيء مادخلتها للموضوع

مثل الزعماء والتعصيبات ........

[nightmear]

اول شي مشكور على الموضوع الحلو

انا بالنسبة لي ff8هي احلى لعبة rpgمن جميع النواحي يمكن لانها اول لعبة تشد انتباهي بقدر كبير بس من وجهة نظري ان احسن شب في الجزء الثامن هو نظام الربط اللي تميز عن بقية الانظمة بغض النظر عن انه معقد اولا والنقطة الفارقة بين الجزء التاسع والثامن هي لعبة البطاقات حيث ان اللعبة في الثامن احلى بكثير من التاسع وايضا بالنسبة للشخصيات من ناحية التصميم فتحس ان في التاسع جالس تلعب في مسرحية مضحكة او ماشابه اللي شكله سمكة واللي فار واللي مادري وشهو اما بالنسبة للثامن فالشخصية كلها مصممة باتقان بس في نقطة واحدة التاسع يتفوق على العاشر هي انه اعطى وحوش الاستدعلء حقها وبالاضافة الا انك تشوف قوتها في العروض

او لو ببقى اتكلم كان فتحت موضوع كامل او ماخلصت عن مميزات الجزء الثامن لكن ان عندي نظرية هي انا اول لعبة الانسان يلعبها وتكون حلوة تكون احسن لعبة فاللي لغب الثامن اول شي بتكون بالنسبة له احسن شي حتى لو طلع احسن منها .
او بالنهاية احب اقول لمحبي الجزء التاسع ان بعد كل هالكلام اللي قلته مايمنع ان الجزء التاسع حلو ولكن كل واحد او وجهة نظره;-)

[ديجيمون ماستر]

موضوع جدا رائع وواضح تعبك عليه بس صراحه روعه ....

مشكووور..

[Kamui]

اخيرا واحد يقدر فف8و فف9 احسن شي

بس عندي 7 يتفوق على 9 لأن 7 في تعقيدات اكثر والعاب جانبيه اكثر واللعبه اللي حبيتها كانت لما كلاود يركب السيكل كووووووووووول

وهم طبعا 8 فيه الكروت وانا ختمت هذي سيدة الكروت وخرابيطها

و فف9 الحلو فيه قصته هم حلوة طبعا و العابها الجانبيه مثل اول لعبه عجيييييييبه لما تتبارى مع بلانك

وطبعا الأسلحه احلى في 8 أسلحه شكلها حلو وهم اسلحه قويه واهي الوحيده في فف اللي لازم تجمع فيها ادوات وهذا الشي يخليها احلى لأنك لازم تتبارى مع وحوش قويه بس علشان كم اداة

ومن ناحية الرسوم طبعا9 احلى لأنها 3D بس 8 فيه الشخصيات كبيرة وهم حلو لبسهم خخخخخخ

ومن ناحية البدايه طبعا طبعا واكيد فف8 لأنك تتبارى مع عدوك اللدود سيفر و تطيح في المستشفى

احم احم سكوال هو اللي غلب سفر هذي ما يبيلها كلام ولا نقاش

والشخصيات في 8 صايرين كوول مثل سكوال و ايرفين و زيل طبعا زيل هذا كوووووول يعني كوووووووووول

و سكوال يخليك تتنرفز وهم يخليك تشفق عليه وهم يخليك تتأثر بكلامه>>>>>>>>>انا عندي كلامه كله صحيح

و ايرفين هم كووووول خاصه مع ال Shotgun ماله وشلون ينظملك

ولما تحاول انك تغتال الساحرة ايديا هذا ما يبيله كلام احلى بمليون مرة وهم واقعي و لما تحاول تفكك القطار علشان تقابل الرئيس ويطلع زومبي

يعني الأحداث اهي اللي تكون اللعبه الناجحه

فمثلا عندك سيفر في مثل قوة سكوال في القصه اما في 7 و 9 شي ثاني لأن سيفيروث و كوجا يصيرون اقوى منك بمليون الف مرة

وهم بعد الأدوات عندك في 9 شي ثاني و 8 شي ثاني يعني متعادلين

و الموسيقى في 8 احلى بمليون مرة من 9

عندك اغنية Attack On Dollet تشق شق تخلي الدم يغلي في ايدك و ليلحيني اسمع رناتها في اذني

ومنو سمع اغنية Eyes On Me Remix?

اللي سمعها لا يقولي ميلوديز اوف لايف ":"

و عندك نظام الأسحار في 8 احلى لأنك تقدر تاخذ من اي واحد من الوحوش سحر او انك تستخدمه بدون ما تخسر سحرك بس في 9 لازم يبيلك ما ادري شنو بس علشان تقدر تستخدم السحر وهذا ما يخليني ارتاح له و في 8 تقدر تاخذ سحر من اماكن مثل ال Draw Points

و البطل انا اقول متعادلين لأنه سكوال كوول وهادي ما يهمه شي اما زيدان يحب يساعد الناس و لص لطيف بس ذيله قاهرني

و من ناحية خريطة العالم عندك عادي بس انا افضل 9

و من ناحية الشوكوبو اكيد 9 بس هم في 8 في شوكوبو

و الحركات عندك احلى في 8 مثل Lion Heart ....Blast Zone....الخ و في حركات اكثر بس في 9 لازم يكون عندك بلورات ولازم تخوض معارك وايده بس علشان تقدر تستخدم الحركات

اما نظام المعارك ففي 8 احسن لأنك تقدر تستخدم ال Limit Break اما في 9 لازم ما ادري شيصير علشان يصير عندك Trance وهذا الشي ما حبيته لأنه ما يسوي شي

والقصه عندك هم مالت 8 حلوة بس 9 هم حلوة وانا ما اقدر احكم

و جذي 8 يتفوق على 9

والسلام عليكم

[محترف الـRPG]

الف الف الف شكر لكم شباب والله التعب ما راح عبث ولا هباء منثور وانا ذكرت انه بالبدايه كل واحد له وجهه نظر وهذي وجهه نظري وحتى في بعض النقاط تركت التقييم للقارئ
ومشكور اخوي Guilty Gear X على تقييمك للموضوع وتعليقك عليه
والعفووو حبيبي flanteus ومشكور لردك على الموضوع وهذي نقاط كتبتها واتمنى انها حازت على اعجابكم وحبيت اني اكون عادل بين الجزئين واما عن رأيك بصراحه ما فهمت قصدك ولكن بأخذها عن طيب نيه واذا ما اعجبك موضوعي فهذا رأيك واحب اشكرك مره ثانيه لردك عليه
والف الف شكر لك BOY_THING على ثقتك الغاليه الي منحتها لي واوعدك انشاءالله راح اكتب وهذي فعلا دفعه معنويه وتستحق الواحد يتعب لمثل هالتكريم واشكرك مره ثانيه
والله بصراحه يا The Best Zill انا ذكرت بالموضوع (واعتذر اذا ما قدمت الفرق زين بهالنقطه لأنكم يمكن اخبر مني ) ويمكن رأيك فيه الشئ الكبير من الصواب لأني بصراحه اخاف اني اظلم شريط او اخر
مشكور والله أبومروان على ردك الرائع وفعلا انا مثلك عندي الثامن اقرب واحب لي من التاسع بس تركت هالحب برى الموضوع وحاولت اني اكون منصف بعض الشئ
هلالالالالالالالالالالالا عكسبرت حبيب قلبي انا فعلا فرحت لما شفت ردك على الموضوع وتوقعت انك كنت شاد شوي وتحاول ترد يمين ويسار عشان تطلع الثامن احلى من التاسع والحمد لله جت هالمقارنه منصفه بعض الشئ وارجوا انك رضيت عليها وحبيتها اممممممم اجل انا مشلح القلوب هاه والله بصراحه حبيت اغير النك نيم عشان يتناسب مع المنتدى الي قاعد اكتب فيه فحبيت هالأسم وانشاءالله اعجبكم
بس بالنقطه الي ذكرتها انت انه البدايه انا بصراحه الي قصدته بدايه اللعب يعني بشكل عام الي يتذكر الثامن اول ما تخطر ببالي يوم هو نايم بالسرير وتجي الممرضه تطلب الأسم واغلب العاب الار بي جي تسوي نفس هالحركه حتى اذكر شريط قولدن سن الي على الجيم بوي ادفانس فيه نفس الحركه بس اللهم انهم مغيرين ان سبب القومه انه الأم نادته وقومته عشان عواصف وغيرها وبكذا تتكرر البدايه بأشرطه الأر بي جي عن نفس النقطه بس التاسع اعتقد انه فيه تغيير وعلى العموم رأيك على عيني وراسي واتمنى اني ما هضمت حق الثامن او التاسع
اخوي SUMMONER HERO تلاحظ اني رديت عليك اخر واحد هههه لا تزعل ترى مو تقليل من اهميته ولا شي بس توقعت ان ردي عليك بياخذ كلام كثير والشباب الي قبلك اتوقع ما ودهم يقرون ردك وكل واحد وده يشوف الرد الي عليه فتركتك اخر واحد لأن اتوقع اننا بنطول
واما عن ردك الأول بصراحه زي ما ذكرت انا لأخوي ذا بست زيل وبصراحه هالنقطه ما كان ودي اتعمق فيها وحبيت اتركها لكم يعني تعلقون عليها لأني مو خبير بالموسيقى
واما عن ردك الثاني والله اخوي بالنقطه هذي :
"هنا ليس تعادل بل التفوق بوضوح لـ8 لانه كان يملك سحر اروع و اجمل من 9 بكل صراحة"
انا الي كنت اقصده هو نظام السحر يعني الأم بي ولا بالأعداد فأنا اشوف ان التاسع اقوى بهالنقطه واما اشكال الأسحار فمعاك حق انه الثامن احلى بكثير وتشوف انه كل واحد متفوق بنقطه معينه فتركت هالشي تعادل بين الشريطين
واما عن هالنقطه:
"مو فاهم هاي النقطة في ضربات قوية بكلا الجزئين يمكن قصدك جمال الضربات كان في 8 اجمل"
انا كنت اقصد انه عدد المرات الي تجيك فيها الضربات القويه والقاضيه فبالثامن كان ممتع جدا من نقطتين الأولى انه كثير ما تجي هالحركات والثانيه انه اشكال الضربات احلى بكثير
وانا كنت اقصد بالربط الي هو تذكر بالقائمه الأساسيه (جنكشن) الي فيها تربط الأسحار بالقدارات يعني تقدر تزود الحظ اذا ربطت ألتيما معاه ومثل كذا بالاسع ما كان موجود هالشئ هذا
والله انا تركت نقطه الأدوات للثامن لأنه اهميتها اكبر من التاسع وتتمثل بوجود وحوش الأستدعاء
البطل !!
وانا توقعت انه راح يردون علي ناس بهالنقطه وعشان كذا قلت( يمكن اترك هالفرق لكم انتم )
تساوي بداية رائعة لكلا الجزئين اضن ردك نفس رد عكسبرت
وعلى العموم مشكور اخوي SUMMONER HERO على ردودك الجميله وتسلم لي يالغالي على متابعه الموضوع
واشكر كل من رد على الموضوع او من قرأ الموضوع

مع اطيب تحياتي

محترف الـRPG



(الي ما رديت عليها هنا راح ارد عليه بالردود الجايه )