وش رايكم فيني؟؟؟قولوا تعجبني غيرتك على دينك مثل ماقال لي الشرطي
يوم من الأيام>>>>>>>أقول بدون فصحه أحسن
المهم رحت أدور حلاق قريب (صالون) قلت أخفف من الشوشه شوي ,, المهم وأنا أدور حلاق طاحت عيني على حلاقين من الجنسيه التركيه(عاد تدرون ليش احبهم) المهم قلت يالله توكلت على الله خلني انعم وأحلق عنده المهم دخلت إلا وفيه شباب قاعدين وصار هذا الحوار القصير بيننا
تركي/السلام عليكم
الشباب/ مايردون علي>>>>>عيونهم كذا:!
تركي/ السلام عليكم
الشباب/ عيونهم:! يا أخي وعليك السلام خلصنا عاد
تركي/?:
وقلت وش فيهم؟؟؟ ويش يشوفون بالتلفزيون؟؟؟؟؟؟؟
قلت اقعد معاهم
إلا وذيك القناة?: :! الحرمه تركض في الشارع وواحد وراها المهم اكيد عرفتوا وش هذه القناة;-)
قلت في نفسي والله مو قاهرني إلا الحلاق يشوف عيال صغار موجودين ولا تجرأ وغير القناة على الأقل علشان هذولا الصغار:"
قلت مافيه إلا الهيئه خلني أكرشهم وأنظف حايل من أمثالهم
ورحت للهيئه(حي الوسيطاء) وصار هذا الحوار
تركي/ السلام عليكم
المطوع/وعليكم السلام
تركي/ يا شيخ أبغى ابلغ عن مكان تصير فيه اشياء مو زينه بس على شرط إذا حققته لي راح أقولك":"
المطوع/ ولك اللي تبغاه بس قولنا وش شفت؟؟؟؟؟
تركي/ أبغاك تعطيني الأمان
المطوع/ كيف يا اخي إنت وش سالفتك؟؟؟؟؟?:
تركي/ قلت حتى ما أبغاك تسأل وش أسمي ولا عن عنواني ولا تاخذني لمكان الحادثه لإني عن جد خايف من العاقبه:": (ماراح يسكت راعي الصالون:": )
المطوع/ أبشر بس قولنا( وطلع تقرير وقعد يكتب الكلام وخذا عنوانه)
تركي/ طيب والحقيقه أبغى اروح للبيت لأن امي تنتظرني":"
المطوع/ بس يا أخي الموقع اللي إنت وصفته لنا هذا خارج حدود عملنا!!!
تركي/ كيف يعني؟؟؟؟؟
المطوع/ شوف هذا الموقع في حي آخر وحنا بس نشرف على من شارع الثلاثين إلى شارع الملك خالد!!!!
تركي/ يا شيخ شوف أنا قلت لكم ادري تبغى تحولني على مركز الهيئه الثاني لكن ماراح أروح ويالله مع السلامه
المطوع/ يا أخي تعال وين رايح؟؟؟؟؟
تركي/ وش تبي خلني اروح(قلبي يضرب:" ماراح يخليني)
المطوع/ يا اخي ليش خايف روح لهيئة حي المطار وتلقى مدير الهيئه() وأنا راح أكلمه لا تخاف,,,
تركي/:" والله ما أروح روح إنت:"
المطوع/ طيب خلاص أنا اروح وجزاك الله خير بس روح إنت مع جمس الهيئه علشان يشوفون المكان الخلاعي الفاسد هذا لإن الوصف مايكفي,,
تركي/ أركب جمس هيئه؟؟؟؟:! ليه لا مو لازم أنا على سيارتي وإنتم معاكم سيارتكم:"
المطوع/ إنت ليش خواف؟؟؟؟ أنا سألتك عن إسمك؟؟؟؟عنوانك؟؟؟؟
تركي/ لا بس خلني أروح:"
المطوع/ أمرنا لله بس شوف إنت الله يجزاك عننا ألف خير وخل الباقي علينا راح نتحقق من الموضوع أول شيء,,,
تركي/إيه إيه بس خلوني اروح
المطوع/توكل على الله
وأنا طالع جاني الشرطي وقال:
تعجبني غيرتك على دينك واكيد ماترضى حتى لأخوك يشوف الأشياء هذه
قلت: إيه إيه والحلاق يدخله الصغير والكبير حراااام عليهم:"
ورحت للبيت وقلت القصه لأبوي وكانت هديتي بوسه على خدي اليمين ودعوه جعل الله يتقبلها
كفو والله
