أختاروا اللون المفضل

[GM Head]

بالنسبة لإختيار لونك المفضل فلا يوجد خلاف في هذا

لك بالنسبة لي فهذا كارثة يعتمد على حصولي على نقاط في مسابقة سوف أشترك به ............. Kuwait's 3rd Gundam Master Grade Plastice Modeling Contest

أي بالعربي ..... مسابقة الكويت الثالثة لنماذج الغندامات البلاستكية ذو فئة حجم ماستر.

أستركت في المرة الأولى و طلعت في المتبة قبل الأخير (فشله>_<), و ذلك لأني لم يكن لدي إير برش Airbrush آنذاك, و الحين تطورت حيل و عندي مهارات عالية بالصبغ.
--------------------------------------------------------------------------------



--------------------------------------------------------------------------------
بس الي أبيه منكم هو أي لون هو المناسب للرأس كي أدخل المسابقة بعنف أكثر":"

[لوجــــــين]

هاااااااااااااااي جيم

موفق انشالله في المسابقة

بس اختيارك للألوان محدود بس في هل نماذج ؟

لو في أمكانيه تختار من عندك ليش ما تختار ألوان قوية براقه

مثل الأحمر و البرونز و السلفر ^^

راح تعطي شكل ملفت أكثر

هذا إذا في خيارات انك تختار ألوان ثانية


سلالالالالالالالالالالالالالالام;-)

[orange road]

صح كلام لوجين...
ما عندك خيارات الوان اكثر يا جيم؟

عموما...
بالتوفيق انشاءالله ^^
ما كنت اعرف ان في الكويت مسابقات حق الجاندام...

[الخطاف]

بالتوفيق جي أم ...
طلع براعتك وفنك وقلوبنا وياك.

[Rewayah]

جي إم هيد, التلوين رقم "2" ما فيه أحلى منه!
الجبهة الغامقة على الرأس الفاتح وايد مناسبة...
أما إضاءة العيون العشبية... فمو متأكد منا...

الرسالة الأصلية كتبت بواسطة orange road
ما كنت اعرف ان في الكويت مسابقات حق الجاندام...

نفس الشيء!!! :!

الصراحة غريب!

جي إم هيد نبغي نعرف أكثر عن الموضوع الله يخليك!
أنت كيف حاطنه جذيه على السبهللة جذي بدون شرح وافي!! :!

أبغي أعرف:
- هل المسابقة بأشراف وفد من بانداي أو يابانيين؟
- هل هي مسابقة جاندام رسمية من إحدى الجهات؟
- هل يعقده متجر لبيع هذه النماذج ومستلزماتها من ألوان وفراشي؟
- هل هي مسابقة لجمعية من المهتمين بس يشترون من متجر يبيع هالسوالف؟
- هل هي مجرد مسابقة هواة؟
- هل هناك منافسة من غير الكويتين ومن جنسيات أخرى؟
- إذا هو متجر أو محل, فمن متى هو فاتح؟ وأنت كم صار لك تشتري من عندهم ومهتم بهالهواية؟

فهّمنا واللي يرحم والديك! :!

خلاص! السفرة للكويت صارت "واجب"!!! :!
منها أفلام ومنها ألعاب بالمرة!

وتعال:
- ما في بعد أشياء ثانية عندكم من عجائب وغرائب اليابانيين ونحنا ماندري؟ :!

ما أبغي أنصدم!

[orange road]

رواية...
يعني انتوا الحين في الامارات ما عندكم من عجائب اليابانيين :غضب:

كفاية هالبريمي اللي الكل يروح يتزود بالانيمي من عندهم واحنا هني خبر خير...

وكفاية المكتبة اللي حصلت منها اقلام التلوين اللي يستعملونها اليابانيين...

وكفاية وكفاية...

يعني انت بعد اسكت :"
خلف الله علينا اللي ما عندنا شي...

بس الحمدلله..
ما نلقى صعوبة في الطلب عن طريق الانترنت :0)

[Rewayah]

الرسالة الأصلية كتبت بواسطة orange road
بس الحمدلله..
ما نلقى صعوبة في الطلب عن طريق الانترنت :0)

ما هو هاي المشكلة!
نحنا الرقابة ما سكتنا من علاليبنا!
ما نروم نسوي شيء ولا نتنصخ!

حسبي الله ونعم الوكيل! :"
بس ها... مرات نقدر بطرق "مع التشديد على القاف بلفظ كأنه الواحد بختنق"!!!

[shaheen]

انا اخترت رقم اربعة لكن ارجو ان تكون العيون زرقاء او خضراء


بالنسبة للكويت... اظن راح اسافر عشان اخذ لي جاندام باستر (جاندام سيد) واذا ماحصلت راح اخذ اي جاندام... واذا ما سافرت اخلي واحد من اصدقائي اللي يسافرون ويموتون على السفر الى الكويت (العنيد) يشتري لي!

[GM Head]

واواواواواواو:!

أنا قلت يا جماعة صوتوا على اللون المناسب للرأس الي يعجبكم:!
------------------------------------------------------------
لوجين:

لو في أمكانيه تختار من عندك ليش ما تختار ألوان قوية براقه
مثل الأحمر و البرونز و السلفر ^^

ودي يا لوجين ......... بس هذا مسابقة يجب أن يكون النموذج واقعي قدر المستطاع , لو تلاحظين أن الألون الي أخترهم هي ألون صحراوية و مناسبة للتمويه في القتال
-----------------------------------------------------------
الخطاف :
شكراً يا أخي ^.^
----------------------------------------------------------
خلود:

ما كنت اعرف ان في الكويت مسابقات حق الجاندام...

هذه المسابقة تعتبر الثانية بالنسبة لي
----------------------------------------------------------
رواية:

- هل المسابقة بأشراف وفد من بانداي أو يابانيين؟

-للأسف مافي وفد حتى لمسابقات خارج اليابان مثل سنغافورة أو أمريكا.

- هل هي مسابقة جاندام رسمية من إحدى الجهات؟

-الله بالخير.............. حتى مسابقات للشباب مطنشينه.

- هل يعقده متجر لبيع هذه النماذج ومستلزماتها من ألوان وفراشي؟

- نعم هذه المسابقة ليست لمتجر , بل متجرين يتخصصون بالنماذج و كل واحد يعتمد على الآخر في الزبائن.^^

- هل هي مسابقة لجمعية من المهتمين بس يشترون من متجر يبيع هالسوالف؟

- لا ما كونا لنا جمعية أو رابطة لهواة صنع النماذج حتى الآن, بالأصح صاحب المحل هو الي ياب فكرة المسابقة للكويت كي يرى مواهب و شخصيات كويتية مهتمة في هذه الهواية.

- هل هي مجرد مسابقة هواة؟

-بالجميع من لدية نموذج غندام من فئة (Master Grade (1/100 أو فئة High Grade (1/144 (.

- هل هناك منافسة من غير الكويتين ومن جنسيات أخرى؟

- لا يوجد للوقت الحاضر منافسين من الخارج.

- إذا هو متجر أو محل, فمن متى هو فاتح؟ وأنت كم صار لك تشتري من عندهم ومهتم بهالهواية؟

- هو محل مفتوح من سنة و يديره شاب كويتي فاتح العقل و معجب مثل كل من تابع بشغف و حب بحبيب زماننا غريندايزر و يبيع منه في المحل الكائن في العاصمة(الكويت) في مجمع المثنى (مقابل فندق مريديان) في طابق الميزانين, و يفتح من السبت للخميس و من لساعة الخامسة حتى التاسعة ليلاً.

- ما في بعد أشياء ثانية عندكم من عجائب وغرائب اليابانيين ونحنا ماندري؟

هذا يجيب عليكم ملك الغاشبون Gashpon (تماثيل من المطاط القوي و الصلب)الي عندنا ^^.

------------------------------------------------------------------------------
شاهين:
إغسل إيديك يا شاهين من Buster Gundam , حتى إني ما حصلت على Strike Gundam الأقل عنفاً
أما بقية الغندامات @@

RX-78-2 Gundam
RX-78-3 G3 Gundam
RX-78-2 Casval's Gundam
RX-78NT-1 Alex
RX-78GP01
RX-78GP01fb
RX-78GP02A
RX-78GP03S
RX-79[G] Ground Type Gundam
RX-79[G]Ez-8 Shiroh Amada's Custom Gundam
RX-178 Gundam MK. II(AUGE
RX-178 Gundam MK. II(TITANS
RX-178 Gundam Super Gundam
MSZ-006 Zeta Gundam
MSZ-010 ZZ Gundam
FA-010 Full Armour ZZ Gundam
FA-010 Full Armour ZZ Gundam(S-gundam Verion
S-Gundam
MSZ-006A1 Zeta plusA1
MSZ-006C1 Zeta plusC1
Neo Gundam
Shining Gundam
God Gundam
Master Gundam
Speigel Gundam

[هـداف]

أنا أختار الثالث...........شكله حلوه...لا داكن ولا فاتح...وسط وشكله حلو....................::


خلود


شفتي.......عندنا مانعين بيع الأنيمي وعندهم عادي......:" .. على الأقل انتي تقدرين تشترين من الإنترنت ... مب أنا

بس توني سامع انهم يبيعون بالخش بسوي فرقة للبحث (للبحث عن الكنز طبعا) ;-) :6

[orange road]

ليش شاعر ما تقدر تشتري عن طريق الانترنت؟؟؟؟

[GM Head]

هذا الموضوع لأخذ رأي الأعضاء

مو ديوانية علشان تتناقشون سالفة طلبيات الإنترنت:غضب:

[Rex]

الرسالة الأصلية كتبت بواسطة GM Head
هذا الموضوع لأخذ رأي الأعضاء

مو ديوانية علشان تتناقشون سالفة طلبيات الإنترنت:غضب:

تعجبني وانته معصب ":" ...


أصوت للرابع ...
اشوفه كشخة وغير عادي ...

سلام ...

[Neo Cid]

اخخخخخخخخخخخ

كان ودي أصوت .. بس الألوان ما تحمس ..

دام أنك تقول :

مناسبة للتمويه في القتال

عيل ليش ما تعطي الفرصة للاختيار بتنويع أكثر .. تمويه صحراوي و تموية غاباتي ( حقوق البدليات محفوظة لدى خ.ل. ) .. يعني لو كانت التشكيلة أكبر بيكون أحسن .. مو بس صحرى .. ترانا ملينا و نشوف الصحاري هذي .. ( الحين واحد يدخل و يقول الأجداد و الأجداد .. ) ليش ما تنوع و تخليه شوي جنقلي ..

و دمتم سالمين ..

[هـداف]

جيم......آسفين اذا كنا ضايقناك...

بس لاتعصب