افزعولي مره ثانيه

[KONAMI2000]

وانا اقر في المنتدى لفت نظري نسخ اشرطة البلاي ستيشن انا عندي سيدي رايتر وعندي برنامج الكلون سيدي والطريقه بسيطه بس فيه بعض الأساله يبيلها اجابه من الاعضاء والمشرفين الكرام ولا يهونون اللي يقرون

1- بعد ما انسخ السيدي الشريط المنسوخ هل هو للبلاي ستيشن والا للكمبيوتر؟
2- هل اقدر انسخ ال DVD او لا؟؟
3- ما هي فوائد النسخ؟؟؟
4- طيب سؤال مهم جدا هل اقدر انسخ الشريط الأزرق والا لا؟؟؟
5- هل بنفس الطريقه ممكن احول اشرطة الكمبيوتر الى بلاي ستيشن؟؟

[konami]

1- الشريط للبلاي ستيشن طبعاً

2-نعم تقدر

3-؟؟؟؟

4-طبعاً تقدر تنسخ السيدي الأزرق

5-لا أعلم


وأي سؤال انا حاضر....

[Henry]

السلام عليكم

1- السي دي المنسوخ راح يكون للـ PS2 .
2- تقدر تنسخ الـ DVD اذا كان عندك DVD Writer.
3- فوائد النسخ ( سؤال شوي غريب ).
4- وش يطلع الشريط الأزرق؟؟
5- لا ، ما ينفع تحول أشرطة الكمبيوتر للسوني.

تحياتي
Henry

[Micheal Owen]

1- ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

2- ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

3- What Kind Of Question Is That

3- ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

5- ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[KONAMI2000]

اشكركم جزيلا على ردودكم واهتمامكم
السؤال الثالث ما له داعي اعترف بس حبيت اتفلسف يا خي عطوا الواحد فرصه يرز وجهه شوي يعني اني عندي ماجستير
طيب يا حبايب سؤال المليون ريال
اذا بنسخ DVD هل لازم السيدي يكون DVD والا بس السيدي رايتر؟؟؟؟
وفيه سؤال دعايه يعني صغيرون اذا جاوبت سؤال المليون تاخذ على هالسؤال 20 ريال حق التكسي اللي يوديك للبنك تسحب المليون وهو
ما هو وضع الشريط الأزرق وفي بعض الدول اخضر والله اعلم هل معاملته زي الDVD والا ...لا؟؟؟؟
فيه اربع وسائل ....
1 - تقرا وتجاوب
2 - تقرا ولا تجاوب
3 - تقرا وتستفيد بدون ما تجاوب
4 - تقرا وتروح تسال وبعدين تجاوب
عزيزي القارء الرجاء اختيار وحده من الخيارات اللي فوق

[Henry]

أنا بأرد على جزء من سؤالك وعطني جزء من المليون

بالنسبة لـ DVD ما ينفع السي دي رايتر ، لازم يكون عندك DVD-Writer.

الشريط الأزرق هذا اللي ما أدري وش يطلع

[KONAMI2000]

اخوي هنري اسعد الله مساءك او صباحك على حسب الوقت
الشريط الأزرق هذا سلمك الله اللي يجي مع القيم شارك احطه في البدايه قبل ما يبدا القيم وبعدين ستارت قيم وبعدين ستارت وذاوت كود واطلعه واحط الشريط اللي بلعب فيه وسلامتك.
اما جزء من المليون عاد ما قدر انظمة البرنامج ما تسمح لكن العشرين حقت التاكسي مقدور عليها ويسلم راسك.