Take a flight
أوهـــــــــــــــايو و هالـــــــــــــــــــــــو و ســـــــــلام!! ^__^
كيف حال الجميع؟! I hope everyone's doing great!
أنا لسة أمس رجعت من رحلة مدتها يومين في الشرقية.
و وسط الأسبوع ، شوفتوا كيف؟ راحت علي محاضرتين احصاء
الموهم كنا في المطار و زهمونا عالباص عشان يطلعنا الطيارة.. و ما كان من باص.. هو مو باص يعني باص.. مدري ايش يسموه ده اللي له فتحة خاصة في المبنى و يمشي بنا في الشارع حق الطيارات بعدين برجع يرتفع الين ما يوصل باب الطيارة.. الموهم هو ده الشيء الهزاز المزعج اللي من سنة اجدادي
ليش مافي زي الممر الداخلي حق مطار الشرقية؟
بس ترا مافي شيء يحمس اكتر من الطيارة مهما كان المكان اللي مسافرين له ^^ على قد ما أسافر.. عمري ما امل منها
و آآآه على لحظة الاقلاع! مافي زيها! بالذات لو كنتوا جالسين جنب الشباك!(باستثناء فلم ارشادات السلامة اللي ممكن اسمعلكم هو من كتر ما دوخونا بيه )
المهم في الاقلاع ماما جنبي بتصير جيلي من الرعب و انا "هيــيــــــيـــــيـــــــيــــــيــــه"!!! ^____^
و اطالع الاقي بابا قيده نام
و أسوأ شيء لما تفتكر فلم Final Destination لما تبدأ ترتفع :!
المهم.. خلص الاقلاع و هجدنا.. و بدأ الطفش يدغدغ في.. (مع ان الرحلة كلها ساعتين.. كانت كانها 10 ساعات!!)
قريت في الجريدة شوية و في المجلة شوية.. و اتفرج على التضاريس من الشباك شوية
و طفشت اكتر.. قلت أنام لي أحسن..
و أول ما بدأت استريح يطلعلي High Pitched voice مدري من فين..
أطالع الاقي بنت امريكية عمرها يمكن 13 سنة من اشكال آرون كارتر تلعلع مع صحبتها
قلت دحين الهرجة تخلص.. و قفلت عيوني و فجأة ما اسمع الا "هاهاهاهاها" الاقيهم اتنيناتهم ضربوا تسطيح :غضب:
و "I really thought she was joking! I couldn't believe it!" اففف.. مالت عليكم انتوا الاتنين
كنت ابغى ازهم لهم احد المضيفين يسكتهم قلت في نفسي يووه دحين شوية اصلا و تخلص الرحلة اني واي..
بعدين جاء وقت الأكل و جاتنا مضيفة كانت من أول ضاربة بوز شبرين جوة المطار.. اني واي.. أنا الى الآن ماني فاهمة لبس مضيفات الخطوط السعوية.. عارفة ان لازم يكون محتشم و بحجاب و كل شيء.. بس الشيء اللي انا مو فاهمته هو البرج اللي شايلينه فوق راسهم ?: شيء كدة طالع تحت الطرحة شكله مدور.. ايش يطلع ده؟ :?
عليهم افكار..
و عليهم مضيفات..
و عليهم اجهزة..
بس اكلهم كويس ":"
ماني فاكرة شيء مرة interesting صار خلال الرحلة.. مضت peacefully باستثناء المرور ببعض المتقلبات الجوية
و كانت لي أول مرة في مطار المللك فهد (اسمه كدة ، صح؟) ما شاء الله زي مطارات اوروبا.. شيء مرة مرتب.. مع اني اعتقد ان من الضروري ان يصير تجديد لمطار جدة لأنه اهم مطار عشان كل الحجاج دايما يجوا عليه..
بس للأسف ما مدانا ندور في الشرقية كتير لأننا كنا مع الناس طول الوقت.. بس انبسطنا كتير برضه! ^^
خلاص تعبت من الكتابة، يمكن اكمل بعدين
Later!!
