القمطه؟؟!!

[أفلاطون]

القمطه؟؟!!



يقال في الأمثال: (من قمط في الصغر تعلم في الكبر)

و(القمطه) معناها:إنحباس الشيء أو كتمه.

قمط,يقمط, قمطا.

ويقال:ثوب فلان (قامط)أي محبوس ومكتوم بين ال(....)
ويقال أيضا: (قمط) فلان أو فلان (قامط) أي أنفاسه أنحبست وإنكتمت.

ومن ما ورد في الشعر الجاهلي عن المطزاز بن الأسود
أنه قال يصف معركة حدثت بينه وبين شخصين قال:

وضربت الأول بالسيـــــــــــف & حتى رأيت رأسه ساقط(و)
ووجهت وجهي الى الثاني فرأيته & راكعا على الأرض ووجهه قامط(و)

ويقول أيضا في وصف معركة قبيلته مع القبيله المعاديه,فقبل أن تبدأ المعركة برز عشرة فرسان من القبيلة المعاديه وطلبوا مواجهة عشرة فرسان من قبيلة المطزاز.
فخرج لهم المطزاز بن الأسود لوحده يبارزهم ,وانتهت المبارزه طبعا بفوزه.
فقال يصف هذه المبارزه:

خرجت لهم لوحدي أبارزهـــــم & وشعر رأسي مسبلٌ على كتفــــي
فقلت لهم إني اليوم قاتلـــــــــكم & ولن أبقي على أحد منكم يمشـــي
فقتلتهم ولم أناقشــــــــــــــــــهم & ولم أ ُبقي إلا على ما يخــــــــزي
فقمط الجيش وانحبست أنفاسـهم & قمطة ً لم أرا مثلها في حياتــــــي

وسميت هذه المعركة بـ(القمطة الكبرى) نظرا للقمطة التي حصلت لكامل الجيش.

ولمن يريد الإستزاده عن مسيرة (المطزاز بن الأسود) عليه الرجوع لكتاب (شفطة مزاز في سيرة المطزاز).
(واللي يبي نسخه من الكتاب يرسل لي رساله خاصه)

ويوجد الكثير من القصص والأشعار التي أوردت (القمطه) لكن لا أريد الإطاله عليكم.
ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ.ــــ. ــــ.

طبعا فكرة هذا الموضوع جتني لأن حصل لي موقف قمطت فيه قمطه (صغيره) وهو:
كنت الله يكرمكم في الحمام ألبي نداء الطبيعه (طبعا نداء الطبيعه الكبير) المهم وأنا جالس منهمك في شغلي إلا وجا أخوي الكبير وطفا النور حق الحمام ( طبعا أنا عارف أن بيطلع واحد منكم ويسوي لي فيها هيركوكل بوارو ويقول كيف يطفي أحد عليك النور وأنت مقفل عليك الباب لكن أقول له : الله يسلمك المفتاح اللي يطفي النور ويفتحه خارج الحمام تقول لي ليش حاطينه كذا أقولك ما أدري)
المهم وأنا يوم أنطفا النور قلت :من اللي طفا النور:! ,وأخوي الكبيرسحب علي الظاهر أنه ما سمعني وطررقعععع صكر باب غرفته وأنا فقدت الأمل
المهم وأنا أعيش في هذيك القمطه ?: جتني فكرة هذا الموضوع وقلت لازم أبحث في موضو القمطه وأصلها وما ورد عنها في الماضي.":"


طبعا بعد كل هذا التفصيل والبحث في القمطه
أتمنا من كل واحد منكم يكتب عن المواقف اللي حصلت له وقمط فيها.


تحيااااااااااااااااااااااااااااااااتي

[RPG_master]

هههههههه يابو قمطه عليك موضوع:6

صراحه مالي مواقف كثيره

غير خشش الي يقمطون اذا شافوا خوباج معصب

[HArb200]

بصراحه أد هشني .. ان طفاي النور مالتكم .. برا الحمام .. يلله انا اصلا اقتنعت بقول الشاعر .. عش رجبن ترى عجبن ..

وشكرا..

[Auron]

المطزاز؟


حتى اسمه مو شي

حتى اشعاره الي كلها قمطات?:

مشكور على الموضوع

[أفلاطون]

شكرا لكل اللي ردوا على الموضوع

بس حبيت أوضح أن وش قصدي بمطزاز

طبعا مطزاز= المفرد من المطازيز تقولون لي وشي المطازيز عاد هذا شي ثاني ?:

وأنا أول ما كتبت الموضوع كتبته بمنتدى غير هذا المنتدى وكان أسمي فيه(مطزاز بالجبنه)



تحياااااااااااااااااااااااتي

[ارفين]

آخر قمطه لي في اختبار الادب


عاد مثل ما تعرف انا في 3 ثانوي والدرجه الوحده اغلى عندي من الذهب << دافور



المهم كان عندنا مطلوب حفظ قصيدة وحده بس وكلها 6 ابيات ...


بس متعيجز نفسي احفظها..لان الي كان بيراقب علينا مدرس الانجليزي <<< اكبر سبيكه في العالم .. وضامن اني بأغش


بس اول ما بدأ الاختبار ... يافرحه ما تمت ... طلع مدرس الانجليزي وجاء مدرس الادب << العن مدرس في المراقبه على الاختبارات


وقتها قمطة من جد :! وضاع علي 6 درجات ?:

[aoks]

ارفين...تستاهل من غشنا فليس منا

[FF Expert]

ههههههههههه

الله يقلع وجهك

ذكرتني بمره كنا في المسجد و كان فيه واحد معه ولده الصغير و بعد ما رفعنا من الركوع كان فيه واحد ساحب الجلنط
و لسوء حظه إنه كان قدام الولد الصغير
فجاء الولد و بكل براااااااااااااءه و فك الجلنط
فشافه أبوه بحقد:غضب:
و الولد قمط العافيه من النظرات
فجاء بكل براءه و راح و سحب الجلنط و رجعه مثل ما كان

[aoks]

ff expert : متأكد من كلامك؟؟ انا سمعت هذه على انها نكته
يعني انت شايفها:واو:

[Pepsi Kun]

: هههههههههههههه



انا مرة من المرات كان عندنا استاذ بالمدرسة ياشينه اكره كره :غضب: الموهم

هو ماكان يجلس على الكرسي الا يضع فيه منديل ماهو منديل كلينكس ولا فاين لا منديل قماش :6


ويجلس عليه ياي :6 على باله خكري ولو تشفون شكله عربجي الموهم نرجع ح محور حديثنا :!

وفي آخر الحصه :6 قام من على الكرسي وراح يبي يشيل المنديل من على الكرسي ويناظر بالكرسي وعيونه صارت كذا :! بعدين كذا :غضب: ويقوم ينفخ على الطلاب وين المنديل تعرفون وينه والطلاب كلهم يضحكون وهو يروح يمين يسار يدور عليه وفي الاخير طاح على الارض لانه كان قامط في المكان ":" ":" :6 هههههههههههههه:6 بس كان منظر رهيب وهو يدور عليه

[الحــزيــن]

فقمط الجيش وانحبست أنفاسـهم & قمطة ً لم أرا مثلها في حياتــــــي

وشلون يقمط الجيش يعني يقمطون كل الجنود:6















ومشكوووووووووووووووور على الموضوع اللي ما ادري وش يبي;-)

[DNA]

اخر طيحه ليا امس ف امتحان Dental material جا مرره صعب وبسبب الماده معدلي طاح

مااستعملت كلمه قمطه لاني احسها مقرفه:":

[Flanteus]

احنا عندنا مدرس قزم
اذا خلص من الكتابة على السبورة ولف على الطلاب ما يلاقي أحد
سوالهم القمطة الكبرى ...والمشكلة انه أستاذ تاريخ <----- شكله سمع عن المطزاز بن الأسود:6
وكم مرة تحصل معانا ويروحون ضحايا كثير من الطلاب أذكر يوم كنت أنا وزميلي قاعدين نتكلم أثناء حصة أستاذ التاريخ وفجأة تحركت الماصات والكراسي والطلاب في حالة فزع والدنيا فوق تحت ويحسون شيئ يشدهم على السبورة المهم ...
واحنا متمسكين في الجدران ( كان في اعصار في الفصل:6 ) وطبعا المنظر كان فظيع الأقلام والكتب والدفاتر في الهواء وتشوف الطلاب يطيرون في الغرفة من قوة الإعصار ....
المهم مر من جنبنا طالب كان قاعد يطير في الغرفة رحت مسكته وهو طاير وسألته ايش فيه ويش اللي صار ..?:
راح قالي : أستاذ ......التاريخ ....بياخذ ...........الطباشير .....من الأرض:":
وجا كتاب وهفه
وهذا كله بسبب القمطة الكبرى اللي سواها الأستاذ
الله لا يربحه:"

[FF Expert]

الرسالة الأصلية كتبت بواسطة aoks
ff expert : متأكد من كلامك؟؟ انا سمعت هذه على انها نكته
يعني انت شايفها:واو:

أنا ما شفت الموقف هذا أنا بس شفت الولد يفك الجلنط لكنه ما رجعه و هذي شفتها بعيني
بس التكمله جبتها على ما قلت أنت من النكته;-)

[أفلاطون]

مشكورين علة الردود

معليش تأخرت بس من فتره ما دخلت النت
ــــــــــــــــــــــــــــــــــــــــــــــ

DNA:انتبه لا تعورك الكلمه?:



الحــزيــن:لا مو كل الجنود يقمطون كل واحد يقمط شوي ويمرر الدور للي بعده:-)
وردك الصراحه هو اللي أدري وش يبي.?:

BOY_THING:العفو