سول كاليبور 2 على الغيم كيوب ستكون مختلفة عن نسخ الاجهزة الثانية

[weskerالكويت]

سول كاليبور نسخة الغيم كيوب ستكون بها مميزات اكثر من نسخ الاجهزة الاخرى (اكس بوكس - بلاي ستيشن 2)
ومن هذه المميزات انه يمكنك ان تلعب بشخصية لينك من لعبة زيلدا كشخصية سرية

اتمنى انه الخبر عجبكم


وشكرا :0) :0) :0) :0)

[LINK0072]

شكراً

بس الخبر قدييييييييييييييييييييييييم

[Mada Mada Dane]

مجرد اشاعه وقد نفى هذ الشئ مصمم اللعبه منذ فتره طويله

[moon_face]

شتسوى عليك اخوي ناصر الحين :6

واحد قالك الخبر قديم

وثاني قالك اشاعه ونفى عنها بعد

لوووووووووووووووووووووووووووووووووول

قايلك حلاتك ساكت بس :0)

[bounty]

خيرها بغيرها .. :6

[weskerالكويت]

هههههههههههههههه
انا اول مرة ادخل منتدى الننتندو :6 واول مرة اشارك فيه ;-)


لذلك اعذروني :0)

[Devil may cry2]

:6 صادوووه موقف ليحسد عليه

[Mada Mada Dane]

شباب ..وش فيكم على الرجال ...بالعكس جزاه الله خير على الموضوع ولهذا السبب وضعت المنتديات للنقاشات وتبادل المعلومات ...
وانا ماحبيت ان المعلومه تنتشر بين الناس ومصمم اللعبه قال بانها كالحلم الي لن يتحقق ...
تبغون المعلومه تنتشر وهي غلط ...
اخوي ويسكر الكويت الف شكر لك ولايكون زعلت منا بالعكس والله اني دخلت موضوعك اول ماشفته لانك حضو جديد هنا ...
وارجوا انك هذا الموضوع مايخليك توقف ...
وجزاك الله وخير ونشوف المزيد منك ...

على فكره من فيس ...
وينك من زمان مانشوفك ...
يمكن ماتعرفني بهذا الاسم او الاسم الثاني بس انا ~الجارح~
ان كنت تذكر ...
احنا نتظر رجعتك ومشاركات ويسكر الكويت

ونشوفكم على خير

[weskerالكويت]

تسلم اخوي الغالي Mario Segali على الرد الطيب :0) :0)
وانا مو زعلان ابدا منكم يا شباب :0) :0)

وانشاء الله بالمرات الجاية راح اقرا مواضيعكم اول بعدين اكتب :0) :0)


وشكراااااااااااااااااا

[moon_face]

هلا والله اخوي الجارح او Mario Segali

اولا اباركلك على الرقابه الي تستاهلها بالفعل ولو انها جات مني متأخره

بس اعذرني

وانشاء الله ارجع مثل اول

بس الحين ما عندي وقت والله

اخذها وعد راح ارجع مثل اول

ويعطيك العافيه اخوي ويسكر الكويت على الموضوع

علشان ما يزعل بعد :6

[bah]

يا شباب .....
انا اليوم دشيت منتدى(اللي كل الاعضاء انتقلوا له)
وشفت نفس هالخبر عندهم
بس كلهم يقولون ان الخبر اكيد100%
حتى قالوا انه راح تضاف شخصية لنك على نسخة الكيوب
و ستضاف شخصية سباون على نسخة الاكس بوكس

فالحين ما ادري والله منو اصدق?:

[Mada Mada Dane]

شوف اخوي ...
هذه ثاني مره ينتشر هذا الخبر ....
عندما جاء هذا الخبر اول مره , اجرى موقع ign على مااظن او موقع ثاني مااتذكر اسمه مقابله مع مصمم اللعبه ووصف هذا الشئ بالحلم الي ماتحقق , وقال انه مجرد اشاعه ...
إلا اذا كان ناوي يخلي هذا الامر مفاجاه فهذا امر ثاني , او انه غير رايه واقتنع بالفكره ...

على العموم مالنا إلا الصبر

وفي امان الله

[bah]

الرسالة الأصلية كتبت بواسطة Mario Segali
شوف اخوي ...
هذه ثاني مره ينتشر هذا الخبر ....
عندما جاء هذا الخبر اول مره , اجرى موقع ign على مااظن او موقع ثاني مااتذكر اسمه مقابله مع مصمم اللعبه ووصف هذا الشئ بالحلم الي ماتحقق , وقال انه مجرد اشاعه ...
إلا اذا كان ناوي يخلي هذا الامر مفاجاه فهذا امر ثاني , او انه غير رايه واقتنع بالفكره ...

على العموم مالنا إلا الصبر

وفي امان الله

مشكور اخوي على التوضيح

[Mada Mada Dane]

خلاص صبرنا وخلصنا ....

الظاهر مصمم اللعبه عجبته فكره الاشاعه القديمه ...

وطبقها ...فقد وضع في نسخه الجيم كيوب لنيك ...ولاكس بوكس سبون والبلاي ستيشن2 هيهاشي


وهذه بعض الصور للينك باللعبه :-








مشكور اخوي على الخبر السريع