جالاري عصابات المنتدى

[ديابلوس]

السلام عليكم ....

ها قد اطلت عليكم بموضوع جديد.. و انشالله يكون فريد من نوعه

هذا جالاري موحد لكل الاعضاء..

لكن...

الاعضاء بيكونون على شكل عصابات...

كل عصابة تنزل رسماتها ... يعني مثلا عصابة الاو سي تي تنزل رسمات هني بس عشان تتحدى عصابة ثانية

ولنقل على سبيل المثال ان في عصابة ثانية اسمها عصابة مصاصي الدماء و تتكون من الوكارد و شاهين و ريفليكس و نوريكو

هالعصابتين يتحدون بعض بوضع رسومات قوية من كل افراد العصابتين و يشوفون من اللي يسكت الثاني برسوماته...

طبعا لكل عضو حق الاختيار للعصابة اللي يبي ينضم لها .. لكن بعد الاتفاق...

لكن اللي يدخل في عصابة ما يطلع منها و نتم على هالحال داخل الجالاري و خارجه

الموضوع قابل للتعديل..

انتظر اقتراحاتكم ^^

تحياتي لكم

[ديابلوس]

اوه نسيت اقول ان كل عصابة لها شعار ^^

....... سلام

[Madoka]

شلووووووووونك اخوي ديابلوس ؟
مبدئيا الفكره تبدووو حلوه ^_____________^

ممكن تحط تفاصيل اكثر عن فكره الموضوع !! ..

العصابه لما تتحدى عصابه ثانيه تشارك برسمه وحده ؟؟ و لا كل عضو فيها يشارك برسمه ؟؟

الرسالة الأصلية كتبت بواسطة ديابلوس
لكن اللي يدخل في عصابة ما يطلع منها و نتم على هالحال داخل الجالاري و خارجه

شنو تقصد بهالنقطه ؟؟ اللي ينضم لعصابه يستمر فيها علطول في كل المواضيع ؟؟؟
اذا الجواب "نعم" ما اظن هذي فكره زينه >_< خصوصا ان الاعضاء تواجههم ظروف تمنعهم من الدخول للمتندى لفتره من الزمن .. و لو ارتبطنا بأعضاء معينين ... يمكن بعدين تسير لهم ظروف و ما يشاركون و نبتلش ?: :0)


عالعموم انا بانتظار آراء باقي الاعضاء ^________^

باي

[Space Cowboy]

سلام يا ابو الأفكار المفكراتي ديابلوس

اعجبتني فكرتك بالطبع! و اتمنى ان اشارك

حسنا هل تسمح لي بأنشاء عصابة؟

بالطبع ستكون :




Strawhat Pirates!!!


فهل من منضم؟




سلام

[shaheen]

عصابتي هي عصابة ال......... الصقور النارية

لكن كم فرد في كل عصابة يا ديابلوس.. انا افضل ان العصابة لا حدود لأفرادها.. مارأيك انت؟

[Rex]

... شكرا أخ ديابلوس على أفكارك

فكرة الموضوع حلوه ..
بس مثل ما قالت مادوكا ...
يعني للأبد السالفة " . . . .

المهم ....
أنا جاهز للمشاركة ... ^^

[Rewayah]

موضوع حلو ديابلوس.
وأنا بعد بشارك في نشر رسومات ضمن عصابة.

منوه مستعد ياخذني معاه؟

[Sara Sama]

أنا أريد أشارك بعد :0)

[Neo Cid]

والله فكرة ..

بس ما عندك مكان للي ما يعرفون يرسمون ؟ ..

[Space Cowboy]

كنت سأنضم لجماعة شاهين لولا استعجالي‍ ...خلاص الفاس وقعت في الراس

هيا اتمنى ان تنضموا لي يا شباب ((يعني لازم اناديكم بالأسم‍؟؟ طيب يا ديابلوس:6 و يا مادوكا و يا استاذ شاهين و يا ركس و يا رواية العجيب و يا سارا ساما و يا نيو سيد ...ادعوكم للأنضمام لل Strawhat Pirates

هاه؟ مش رايحين تكسفوني اكيد

ديابلوس: حسنا كيف ستكون البداية و كيف سنختار مواضيع الرسوم و كيف سينظم التحدي؟


سلام

[alucardracula]

كالعادة
.
..
...
فكرة روعة!!!من الأخ ديابلوس
بس صعبة سالفة الإلتزام الأبدي في الفرقة!!
خاصة أن عندي فترات تقطع في المنتدى كثيرة الأيام القادمة
ممممم فامبايرز؟ معقولة أحد يبي يصير في فرقة فامبايرز؟
لاااا.... أفضّل أن أكون فامباير عضو في فرقة و لكن يفضّل أن هالفرقة صبورين علي و على اختفاآتي المفاجئة ...و ظهوري المفاجئ هههه
انا سمعت ريفليكس يقول أنه جاهز للمشاركة
شرايك أخويي ريفليكس هل حان الوقت؟
ليكن شعار الفرقة الي راح أشارك فيها
.
..
...
;-) It's been fun
هههههههه;-)

[Shinobu]

بشارك وياكم ممكن .. ولا ما تبون الاعضاء اليدد

بس شرحوا شوي عشان افهم شالمطلوب ^_______^ " !

[ديابلوس]

مرحبا ^^

شكرا يا شباب لردودكم .. و الحين سأبدأبالاجابة على بعض الاستفسارات


اول شي..

مادوكا:

شنو تقصد بهالنقطه ؟؟ اللي ينضم لعصابه يستمر فيها علطول في كل المواضيع ؟؟؟
اذا الجواب "نعم" ما اظن هذي فكره زينه >_< خصوصا ان الاعضاء تواجههم ظروف تمنعهم من الدخول للمتندى لفتره من الزمن .. و لو ارتبطنا بأعضاء معينين ... يمكن بعدين تسير لهم ظروف و ما يشاركون و نبتلش


احب اقول ان الفكرة للأسف بتكون جذي ^^.. طبعا انتي تفكرين ان التحدي له نهاية و ان فيه غالب و نغلوب بس انا اقول العكس هذا غالري .. مهمته انه كل عصابة تحاول تسكت الثانية برسوماتهم ... و اذا غاب عضو او عضوين من عصابة وحدة يقدرون باقي افراد العصابة التغطية عليهم ببعض الرسومات الجيدة

العصابه لما تتحدى عصابه ثانيه تشارك برسمه وحده ؟؟ و لا كل عضو فيها يشارك برسمه ؟

طبعا مثل ما قلت الغالاري هذا لا نهاية له... يعني مثل الغالاريات العادية بس الاختلاف الوحدي اللي فيه انه فيه تحدي بوضع رسومات لعصابة عشان تسكت العصابة الثانية



سبيس كاوبوي:

مرحبا فيك اخوي و انشاء الله تقدر تجمع لك عصابة قوية جدا ^^

و سؤالك هو : حسنا كيف ستكون البداية و كيف سنختار مواضيع الرسوم و كيف سينظم التحدي؟

اول شي بنبدأ بتجمع الاعضاء لين ما يكونون عصابات جاهزة للتحدي..
و بعدين بنبدأ بطرح الرسومات القوية .. معناتها انه ما في اي رسمة محددة او موضوع محدد.. المهم العصابة تنزل رسوماتها هني بحيث انها تخليها احلى عن رسومات العصابات الثانية و لما يشوفون العصابات الثانية هالرسومات طبعا ما بيسكتون عليها فيحاولون انهم يبدعون و يحسنون من قدراتهم عشان يطلعون رسومات احسن و افضل ومن الرسومات الاولية



و الآن انتقل الى الاستاذ شاهين اللذي يقول:

لكن كم فرد في كل عصابة يا ديابلوس.. انا افضل ان العصابة لا حدود لأفرادها.. مارأيك انت؟

انا اقول بعد نفس الكلام لكن هذا ما يمنعنا من ان نكون عصابات لوحدنا او عصابات جديدة... و املي ان تكون هنا اكثر من خمس عصابات و ما نحاول ندخل عصابة قديمة عشان ما ينقسم المنتدى على عصابتين او ثلاث فقط

و الحين الى اخي العزيز ريفليكس ^^ :
فكرة الموضوع حلوه ..
بس مثل ما قالت مادوكا ...
يعني للأبد السالفة " . . . .

انا اقول نعم بما انه جالاري ^^


رواية: موضوع حلو ديابلوس.
وأنا بعد بشارك في نشر رسومات ضمن عصابة.

منوه مستعد ياخذني معاه؟

مرحبابك يا اخي رواية... و اذا تبي تنضم الى عصابة فعندك ثلاث الى الآن اختار واحد

1- الصقور النارية لشاهين

2-Strawhat Pirates لسبيس كاوبوي

3- Dark Massengers لي انا

و اذا تبي تيي عندي فمرحبا بك ^^



سارا ساما : أنا أريد أشارك بعد

مرحبا بك يا اختي ^^


نيو سيد : بس ما عندك مكان للي ما يعرفون يرسمون ؟

طبعا في مكان و احنا نعرف ان اللي ما يعرفون يرسمون عندهم لسان للتشجيع و مؤازرة افراد الفريق ^^


اي استفسارات اخرى؟؟

مرحبا بكم في الموضوع...

تحياتي لكم ^^

[Sara Sama]

سلام ...........

Shinobu.... أفا عليك ..أكيد عادي تشارك .. مافي فرق بين ليديد والجديم .... كلنا أبناء منتدى واحد و لنا صوت واحد ويد وااااحده .. (( عاشت سارا ساما... عاشت الفلسفه ..قلنا منتدى واحد و معليه صوت واحد وطوفنا...... ويد وحده .. مصختيها )))
... ولا شو رايكم ... ها ها ...


المهم................. أحم شو كنت بقوول !!! ( من الهذربان أنسى كل شي))

هي صح .....

Space Cowboy

شوووووووووووووووووووو يعني ((( Strawhat Pirates )))):": :": :":

[ديابلوس]

اهلا بك يا اخ الوكارد ^^


تسرني مشاركتك معنا في الموضوع و انتظر ضهور عصابتك... شرايك نشكل تحالف بين العصابتين؟؟ :6



مرحبا بك اخ Shinobu طبعا يسرني وجودك في الجالاري.. و مرحبا بك في اي وقت بس المهم يا انك تنضم لعصابة او انك تكون عصابة جديدة

اوه نسيت.... لا تنسون الشعارات يا شباب تراها مهمة ^^

تحياتي لكم ^^