حل لمشكلة دي اس ال مودم USB......

[HeRCuLeS]

هذا الموضوع اهداء الى كل الذين يريدون تشغيل الاكس بوكس لايف دون مشاكل مع دي اس ال مودم USB.
==========================================
اولاً: دي اس ال مودم مع اشتراك على الاقل 256 كيلوبايت وانا انصح اللي بالكويت يشترك في Fast-Telco وعنوانهم www.fasttelco.com ....
ثانياً: توافر فتحة LAN خلف جهاز الكمبيوتر الشخص...
ثالثاً: وصلة Ethernet Cable لكي تربطها من البي سي الى الاكس بوكس...
كما هو موضح بالصورة المرفقة...
وأيضا سأقدم لكم وصلات في طريقة توصيل الاكس بوكس والبي سي عن طريق الويندوز الذي تستعمله فقط اختر نسخة الويندوز واعرف كيف تشغل مبادلة الانترنت الدي اس ال (Internet Connection Sharing) بين جهاز الاكس بوكس والكمبيوتر الشخصي.
ويندوز اكس بي
Windows ME
Windows 2000 Professional
ويندوز 98 النسخة الثانية
ملاحظة: ويندوز 98 النسخة الاولى لا يعمل الا مع الروتر وهذا صعب ، والويندوز 95 لا يعمل بتاتاً
الصورة المرفقة ستعلمكم اكثر واكثر....
واي تساءل انا حاضر

[DeadLy_]

مشكور اخوي هيرك .. و الله اللايف طلع مب هين ..
و فتحه اللان بكم تركيبها اخوي هيرك ؟
lan

الحمدلله عندي لاب توب فيه الفتحه بس باقي دي اس ال و اللايف ..

[HeRCuLeS]

انت عندك كل شي صح ، بس يبي لك الـ Ethernet Cable اللي موضح بالصورة بالخط الاحمر بس

[xenosaga]

سؤالين أخ هيرك لو تسمح:# :
1-لازم أوصل الاكس بوكس بالكمبيوتر؟؟؟؟?:
2-من وين يشترى هالايثرنت كيبل؟؟؟؟
3-خدمة ADSL تشتغل مع اللايف؟؟؟؟
وشكرا

[BoJasem]

اقول انت عسل على قلبي :6

المهم ينفع مع شنو نت dsl

1 - من وين احصل على الايثر نت كيبل في الكويت ؟

2- هل ينفع مع الاجهزة الاخرى ولا بس الأاكس ?:

3- وين فتحة اللان في الكمبيوتر وكيف شكلها ؟

4- تسلم حبيبي على الموضوع الروعة وهل يجب يكون الاثنين شغالين لما اسوي الخطوات

وشكرا

[BoJasem]

حبيت اضيف شيئ اخر ?:

حاولت اسوي الخطوات

والكونشن اللي شابك عليه لا ((لان)) ولا ((بورد باند)) حاطينه على الدايل اب مع انه dsl ?:

يعني يشتغل ولا لأ

علما اني اشبك عن طريق qss

[العراقي17]

انا بجاوبكم
..

xenosaga

1-عن طريق كيبل الايثرنت

2- فيه محلات كمبيوتر تبيع الايثرنت (لازم كرت يتركب بالكمبيوتر +الكيبل)

3- شرايك يعني ؟ (مهما كان نوع الانترنت يفضل 128 وفوق....بس مو معناه انه المودم العادي ما يشتغل بس بطيئ بشكل لا يطاق ... يصلح فقط لتنزيل الاضافات للالعاب)

rk LINK@(|

مع الشو نت ما ينفع لانه اتصالات الستلايت لا تنفع مع العاب الاونلاين (يشتغل بس الاستجابة بطيئة) الا اذا كنت ناوي تستخدمه للتنزيل فقط...

1- من مجمع القيروان بشاع ابن خلدون بحول وايضا المجمع الي مقابله (عندك اكثر من 50 محل كمبيوتر;-) )

2- ينفع لمشاركة الانرتنت اذا عندك كمبيوترات ثانية...

3- تكون بكرت الايثرنت الي لازم تركبه (سعره 6 دنانير -60 ريال)

[Victor|Hugo]

اذا كان المودم الي عندك من نوع الـUSB لازم تشبكه عن طريق الكمبيوتر

اما اذا كان المودم حقك من نوع Ethernet فهو الأفضل لأنه بيريحك لأنك بتحتاج فقط روتر لكي تشبكه مع البوكس
وفيه نوع من المودمات يكون هو نفسه مودم Ethernet وفيه روتر داخلي تلقاه باربع فتحات هذا مايبي اي شي بس كيبل شبكه وتوصله بالبوكس
مثل مودم الكاتيل SpeedTouch 510

[xenosaga]

مشكور يالعراقي17 بس?: ...مايصير أدش اللايف بجهازي بروحه....بدون الشبك ويالكمبيوتر؟؟؟ ...ولا لازم؟
وثانكس

[HeRCuLeS]

رد على xenosaga
1-لازم توصل الاكس بوكس بالكمبيوتر اذا كنت تستخدم مودم دي اس ال يو اس بي.
2-اشتره من اي مكان يبيع اشياء حق الشبكات وهو عبارة عن واير شكل رأسه كبيير اكبر فتحة التلفونات العادية.
هذي صورة لها

3-انشالله تشتغل خدمة الـ ADSL وانا اللي استخدمه اصلا ADSL بس يا xenosaga
==========================================
رد على rk LINK@(|
ما ينفع مع شونت لأنه ستلايت وانا استخدمته وما راح يشتغل ابداً
حتى لو تبي تنزل اشياء خفيفة ما راح يشتغل.
1-حصل الايثرنت كيبل من حولي مليان على دينار دينار نص.
2-ينفع مع الاجهزة اللي لها فتحة قد فتحة الاكس بوكس من الخلف اللي هي Ethernet Port.
3-فتحة اللان يمكن مو موجودة عندك ، ويمكن ايه ، تلقاها كبيرة اكبر من فتحة التلفون العادي ، يعني قد الفتحة اللي موجودة ورا الاكس بوكس.
4-عفواً، ولازم يكون الكمبيوتر شغال على شان تسوي تواصل بين الاثنين ، وشلون يشتغل المودم بدونه اصلاً .
==========================================
والسالفة ما تحتاج روتر ولا شي ، وثاني شي اجهزة الروتر اللي مطلوبة للاكس بوكس مو متوفر بالخليج والوطن العربي كله على بعضه.
نصيحتي سووا Sharing بواير واحد اللي هو Ethernet Cable.
ملاحظة: ISDN ما راح يشتغل ولا دايل آب ولا ستلايت ، فقط لا غير.
وأي تساءل انا حاضر بس ابي اشوفكم في اللايف
==========================================
سلااااااااام HeRC2002

[HeRCuLeS]

هذي شكل الفتحة من ورا الكمبيوتر يعني كبيرة

وهذي طريقة التركيب

نصيحة اذا شفتوا الروتر لا تقربون جمبه خلوه Crossover بدون روتر ولا بطيخ يعني بينك وبين الكمبيوتر بس .

[xenosaga]

طيب أنت وشو عندك ياهيرك خدمة DSL ولا ADSL???
احنا عندنا ADSL بسرعة 516 كيلوبايت:-)
وسؤال ثاني ماعليك أمر....وش المودم المناسب للايف...يو اس بي ولا؟؟؟؟.....وهل يوجد مودم غير اليو اس بي(عشان مابي أشبك الكمبيوتر بالاكس...شغله)؟؟؟
وليش نوصل البي سي بالبوكس أصلا?:
واذا ماعندي فتحة ورا الكمبيوتر وش الحل؟؟؟
وانشالله ماكون ثقلت عليك بس:":

[Victor|Hugo]

HeRC2002
من الي يقولك الروتر موب متوفر في الخيلج الا موجود متوفر بالهبل بعد

xenosaga
انا راح اوضح لك الموضوع مودم الـUSB ينشبك في الكمبيوتر اول لأنه البوكس الفتحه الي فيه فتحت كيبل شبكه مايركب فيه سلك الـUSB لذلك انت توصل مودم الـUSB في الكمبيوتر لأن الكمبيوتر في فتحه للـUSB ومن الكمبيوتر تطلع سلك شبكه للبوكس (طبعاً جهازك لازم يكون فيه كرت شبكه) فعمليت تشبيكه بالكمبيوتر تخليه الكمبيوتر كنه محول فقط

اما اذا كان مودمك من نوع Ethernet فما راح تحتاج لكل الحوسه ذي ابدا لأن مودم الـEthernet يتوصل بسلك شبكه وهذا الي يبغاه البوكس
وراح تحتاج روتر(موزع) لوكنت بتشبك اجهزه مع البوكس

اذا كنت مابعد شريت مودم او ماعندك مانع تشتري جديد فأنا انصحك تشتري مودمEthernet 4 port يعني فيه روتر داخلي يعني تشبكه عليه اربع اجهزه لوبغيت مثل مودم الكاتيل SpeedTouch 510 الي انصحك فيه

اما اذا كنت رايق للحوسه ذي فشتر مودم USB

على فكره ترا مودمات الـUSB ارخص من Ethernet

[العراقي17]

xenosaga

كل دول الخليج فيها ADSL

وانشالله بعد اسبوع بصير احسن منك سرعة 640

واحسن شي مودم العادي الي يتوصل عن طريق فتحة الايثرنت حتى توصله مباشرة للاكس بوكس بس ما اعتقد راح يشتغل لانه فيه نوعين من اشتراكات الadsl (فيه نوع العادي الي مشترك فيه هيرك من شركة فاست تلكو وهو يكون شغال طول الوقت(لو تفتح سماعة التلفون وانت مطفي كمبيوترك راح تسمع صوت وشوشة) وفيه النوع الي ما يشتغل الا لما تشغله بنفسك وهو الي انا استخدمه وهذا النوع لازم توصل الاكس بوكس بالكمبيوتر)...

عموما عيب شركة فاست تلكو انها تستخدم ستلايت للاتصال مع الانترنت وهذا شيء سيئ جدا حيث انه سرعة الاستجابة سيئة جدا وما توصل لمستوى كوالتي نت لانها متصلة بكيبل الياف ضوئية يعني بسرعة الضوء (الي انا مشترك فيها )

وشكرا
;-)

[HeRCuLeS]

يا ناس افهموني ، روتر لا تستخدمون ،
لانكم ما راح تحتاجونه ، انتوا بس تبون اكس بوكس وبي سي ، حطو لكم واير Crossover على شان تاخذ قوة الاشتراك كله اللي على البي سي ، اما الروتر راح يسوي توزيع الكيلوبايتات وراح تسبب لك مشاكل باللايف، ومو كل اجهزة الروتر تشتغل ، اللي حاطينها مايكروسوفت للاكس بوكس هي اللي تشتغل في موقعهم www.xbox.com/live ....... وسؤال موجه الى الأخ العراقي 17 ، ابي منك تقول لي منو احسن ، كوالتي نت ولا فاست تلكو من حيث السرعة ، لأنك خرعتني بالستلايت اللي تقول عنه