-
اريد مساعده في لعبة ميديل اوف اونور
لعبت لعبة ميديل اوف اونور على البلايستيشن 2
واريد ان اعرف كيف اخلص المرحله الاولى لانني لم استطع قتل اي جندي عندما نزلت من القارب المائي
كيف الحل وماهي الشروط المطلوبه :" :" :"
أنا الــــذي نظــر الأعمى الى لعــبي وأسمــــع صوت تلفـــــــازي من به صمم
-
تبي تحلها كلها رح لم موقع هذا
http:\\www.cheatcc.com
فيها الحلول الكامله لميدل اوف هونور بس انا عندي معلومه عن هذا الشريط ان المرحله الاولى سمعت يعني انك تروح تجمع الجنود عشان ما يموتون تدري ليه؟؟؟؟؟؟
لانك انت العريف او قائد المشاة وكانك تبي اسرار فانا حضر قد باااي,,,,,
-
انا مثلك يا gran عالق هنا اكثر من 10 ايام كل الخطط سويتها وكل
الحركات ماينفع معهم اي شي لا رشاش ولا مسدس و اي مخرج مافي
اي مطلع في هذا المكان الموحش ما باقي الا قنبله نواويه 
http://www.montada.com/showthread.ph...hreadid=178608
يا اخوان اي واحد يقول الحل ليه حتى الرد يتعب اصابيعكم
واحد هنا اسمه الرعد عطاني الاسرار في الرابط انا ابي اعرف الحل
ماهو اني اقفز للمراحل الثانيه اذا كان كذا ليه مشتري العبه من اساس
مشكور الرعد المخيف على الاسرار
:-)
-
مرحبا ...
إخواني , تفضلوا هذا الحل لمشكلتكم ....
بسم الله الرحمن الرحيـــــم :
في بداية المرحلة ولما يغرق القارب وتبدأ بالتحكم بالشخصية إتجه صوب الكابتن , راح تلاقيه مختبئ خلف القارب الكبير على الشاطئ أمامك بالضبط , بعد ماتقابله راح يطلب منك تنفيذ مهمة جديدة وهي مساعدة أربعه من زملاءك الجنود على إجتياز خطوط العدو , توجه الى ساحة القتال وحاول إنك تتحرك بشكل مستمر لأن هذي الإستراتيجية بتنفعك علشان مايصيبك رصاص العدو المكثف , الجنود الأربعه راح يكونوا موزعين على أجزاء وأماكن مختلفة على الشاطئ , بتلقى واحد على أقصى اليسار وواحد في وسط حفرة وواحد في أقصى اليمين وواحد خلف الأسلاك الشائكة , على العموم ماراح تتعب أبداً بالبحث عنهم , فقط روح لعند أي جندي تشوفه جالس وينتظر وإتجه له وإضغط زر إكس إذا جاوب عليك راح تطلع لك رسالة تفيد بإنك أنهيت واحد وباقي لك ثلاثة جنود وهكذا , بعد ماتنتهي من الجنود الأربعه راح يطلب منك قائد الفرقة وراح تلقاه في الخط الأمامي عند حاجز الأسلاك الشائكة , راح يطلب منك مساعدة أو بالأحرى تغطية أحد الجنود من زملاءك لأنه يحمل عصا متفجرات ومامعه أي سلاح , الجندي هذا راح تلقاه في أقصى اليمين من ساحة القتال أو الشاطئ , وبالتحديد راح تشوفه مختبئ تحت أسلاك معدنية وجالس ينتظرك ومعاه العصا المتفجره , أول ماتوصل له راح يكلمك وبعدين راح ينطلق لعند القائد في الأمام , المطلوب منك هنا هو إنك تقوم بتغطيته علشان مايصيبه رصاص العدو ويموت , كل اللي عليك إنك تمشي معاه وتكون قريب منه وموجه سلاحك جهة الأبراج والعداء وتطلق نيرانك عليهم , لاتوفر ولا رصاصة , لإنك لازم تحميه الى أن يوصل , بعد مايوصل راح يحط العصا المتفجره في الأسلاك الشائكة علشان يفتح طريق لكم , بعد ماينفتح الطريق أو الفتحه راح يندفع الجنود ويركضون إلى الجهة الأبراج وبصراحه هالمشهد من أروع مشاهد اللعبة , عليك الحين إنك تركض بأقصى سرعه علشان توصل لجدار البرج الأيسر , بعد ماتوصل راح يطلب منك القائد إنك تعبر حقل الألغام أو بالأحرى الجهة المكشوفة مابين البرجين للوصول إلى المدفع الرشاش جهة اليمين , هنا توكل على الله وحط رجلك ولا توقف أبد , الى أن توصل للجهة اليمنى وراح تشوف فتحة أوممر له جدار إسمنتي على اليسار يوجد المدفع الرشاش , أول شي إقتل الجنود الألمان وإصعد الدرج على اليسار وإمسك المدفع الرشاش , أول ماتمسك المدفع راح يجيك عدد كبير من الجنود الألمان تحتك , رشهم بالمدفع ولا تخلي أحد , بعد كذا راح يوصل زملاءك الجنود ومعهم القائد , وتبدأ المرحلة الثانية من المهمة الأولى , بالتوفيق . ;-)
أتمنى إخواني إن الشرح يكون مفهوم وبسيط , وأي سؤال أو إستفسار عن اللعبة أنا جاهز لأني من عشاق هاللعبة الرائعه ومنهيها أكثر من مرة :-)
تحياتي للجميع ...
........
-
ممتاز
ممتــــــــــــــــــــاز
ممتــــــــــــــــــــــــــــــــــــــــــــــــــــــــــاز
مشكـــــــــــــــــــــــــــــــــــــــــــــــــــــــور
على هذا الحـــــــــــــــــــــــــــــــــــــــــــــــــل
ونرجع لك اذا في تعكير في المراحل القادمه و
في نفس هذه الصفحه
:-)
-
العفو أخوي المعدن ...
وأي سؤال أو إستفسار أنا حاضر لا يردك إلا لسانك وانا اخوك ...
وأتمنى لك أطيب الأوقات مع هاللعبة الرائعه :-)
تحياتي ...
......
-
ملاحظة بسيطة:
اذا علقت في المهمة تقدر تضغط ستار وتضغط مهمتك
اذا ضغطت سليكت راح يعلمك وين تروح بالضبط عشان تنهي المهمة
طبعا التعليمات انجليزية ":" يعني مو حق ياهال 
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
عضو متواصل الابداع
