ربع جالري .. 0.25

**ODIN** · 24-01-2003, 05:12 AM

سلام .. كيف حالكم يا اخوان ؟

مادري عندي رسمتين .. تسوى افتح ربع جالري عشانهم

؟

بصراحه انا سالفتي سالفه ..

مشكلتي اني مارسم كثير.. يعني بالشهر الواحد اجرب ارسم رسمه وحده بس ..!!!!

لان للاسف وقتي مافيه بركه

يعني اغلبه دراسه والا شغل والا على النت او طلعات ... نادر القى وقت مناسب للرسم

المهم .. هذي الرسمه الاولى .. خلصتها توني .. استغرقت مني يومين .. حوالي 4 ساعات .. وقت طويل ادري

عن نفسي حاس بتطور كثير عن بدايتي .. قولولي اهم شي .. التظليل هل توفقت فيه ام لا ؟ واتمنى نصايح منكم عن الطريقه المثلى للتظليل ..

وكذلك ابي اخذ رايكم .. اظلل الشعر اكثر والا اخليه مثل ماهو عليه ؟

لاني خايف اظلله واتوهق وتخرب الرسمه كلها ههه

**ODIN** · 24-01-2003, 08:18 AM

وهذي مع تعديل بالفوتوشوب .. تطلعت احلى

**هـداف** · 24-01-2003, 08:45 AM

أهلا أودين

شخبارك

رسمتك وايد حلوه .. وخصوصا مثل ماقلت التظليل.......وفي تطور واضح برسمك...ماشاءالله..التظليل فعلا جميل:6 ;-)

حاول انك تخلي وقت أكثر للتدرب...بتتطور بسرعه....هاي وانت ماترسم الا بالشهر مره ورسمك يتطور بسرعه..عاد اشلون لو كل يوم تتدرب...!!!!؟!!!!

ننتظر منك المزيد وانشاءالله بعد ملونين

**Rex** · 24-01-2003, 11:57 AM

رسمة ومحاولة حلوه أخ أودين ...
خاصة بعد التضليل طلعت أحلى بكثير ^^

طبعا يبيلك تتمرن أكثر على الرسم .. ولكن رسمك تقدم بشكل ملحوظ فعلا

لاحظت بالرسمه أن الرقبة مع الجسم مشكلين زاوية قائمة ...
المفروض يكون في انحناء في هالمنطقة

وبالتوفيق :-)

**ODIN** · 24-01-2003, 09:37 PM

شاعر /

ان شاء الله خل تجي العطله ونتفرغ للرسم اكثر

رفلكس /

مشكور على ملاحظتك الرااااااائعه . مانتبهت على الرقبه ابد

راح اعدلها

مممم الرسم الثاني ?: الظاهر انها اختفت .. قلبت الغرفه عليها مدري وينها .. اكيد تعرضت لسرقه فنية ":" ===>ههه صدق عمره

مم اصبروا علينا على ما الاقيها

**Madoka** · 25-01-2003, 07:24 AM

سلام

مبرووك اخوي اودين عالجاليري ... غريب اني ما شفت لك رسوم قبل هالمره مع انك عضو قديم

الرسمه كووووول ^___________^ و خطوطك حلوه

... احب الرسومات بالرصاص ^^
وااااااااااو الرسمه سارت عجيبه بعد التعديل بالفوتوشب ^^ و الاسود برزها واااااااااااااااايد

... تعجبني الخطوط السوداء وايد

لا تنسى تمارس الرسم دايما حتى لو ما كان في وقت ... ارسم على اي ورقه تلقاها جدامك علشان تمرن اصابعك

... و يتطور مستواك ^______^

باي ناو

**ODIN** · 28-01-2003, 12:08 AM

الاخت مدوكا . مشكورة على ملاحظاتك .. ويعطيك العافيه ..

للاسف الرسمه الثاني الظاهر انها اختفت

كان ودي صراحه تشوفونها .. لانها بمستوى هذي تقريبا ..

**Chad** · 28-01-2003, 08:40 PM

الرسمه ممتازه أخ أودين

الملاحظه الوحيده هي اللي ذكروها سابقا حول منطقه إتصال الرقبه بالصدر

إضافه إلى إنو الشخصيه اللي راسمها يفترض أنها تكون قويه بدنيا

ولو تلاحظ في الأشخاص المعضلين فيه إنحناء على جانبي الرقبه ( بين الرقبه والكتف ) يزداد مع قوه الشخص

يمكن لو تشوف مباراه مصارعه أو مجله كمال أجسام بتعرف قصدي

**ODIN** · 29-01-2003, 02:03 AM

الرسالة الأصلية كتبت بواسطة A.J
الرسمه ممتازه أخ أودين

الملاحظه الوحيده هي اللي ذكروها سابقا حول منطقه إتصال الرقبه بالصدر

إضافه إلى إنو الشخصيه اللي راسمها يفترض أنها تكون قويه بدنيا

ولو تلاحظ في الأشخاص المعضلين فيه إنحناء على جانبي الرقبه ( بين الرقبه والكتف ) يزداد مع قوه الشخص

يمكن لو تشوف مباراه مصارعه أو مجله كمال أجسام بتعرف قصدي

حياك الله اي جي ..

بالنسبه للبنيه .. هو لابس درع

اتوقع غلط كبير لو ابين تفاصيل عضلات الكتوف .. شوف صدره الي طالع شوي منه .. ينقال معضل ترى :6

**Chad** · 29-01-2003, 08:31 AM

الرسالة الأصلية كتبت بواسطة ODIN

حياك الله اي جي ..

بالنسبه للبنيه .. هو لابس درع اتوقع غلط كبير لو ابين تفاصيل عضلات الكتوف .. شوف صدره الي طالع شوي منه .. ينقال معضل ترى :6

مو قصدي على الكتوف

قصدي على عضله بين الرقبه والكتف شفت إسمها في القاموس الحين

إسمها trapezius أو العضله المثلثيه

هالعضله تحس فيها تناسب بين قوه البنيه والميل فيها

وإنت طبعا زي ما قلتلي معضل

فمفروض يكون فيه ميول شوي في هالعضلتين برأيي

على فكره ( بيطقني الحين:": )

البراطم مفروض ما تخليهم داكنات كثير زي ما في الصوره:6

الموضوع: ربع جالري .. 0.25

أدوات الموضوع

ربع جالري .. 0.25

ضوابط المشاركة