لماذا المنتدى ميت ؟!

[حسين-911]

السلام عليكم ورحمة الله وبركاته ..
المنتدى مو بس ميت اشوف انه عاد سنوات الى الخلف !!
ليش كل هذا ؟!

وين المراقبين على منتدى الفوتوشوب ينقذونه !؟
شوفوا المنتديات الثانية شلون تتطور بسرعه الا منتدى المنتدى للفوتوشوب ؟!؟!

ليش شنو السبب ..
مع انه الزوار عددهم ضخم .. ؟!

شيء غريب ان يتحول المنتدى الى طلبات تواقيع .. !!
اكثر من التصاميم و النقد الهادف !!
انا لا انكر وجود مبتدئين ولكن ليس هكذا ؟!

واشياء مككره بشكل كبيير ..
طريقة تركيب فلتر ..
طريقة حفظ العمل ؟! الخ ..

مصيبه ترى هذي .. !!؟

هناك مراقبين انا معكم انهم شايلين المنتدى على قد م يقدرون .. لكن اليد الوحده ما تصف ..
واكو مواضيع جيده ..
وتصاميم رائعه ولكن تناسي النقد اذهب من قوة المنتدى ... !؟!

يا رب شافي هذا المنتدى ..
شباب ما تلاحظون نفور كبار المصممين من المنتدى .. !!؟
من زمن كل واحد تسحب بطريقة ..
وانا انسحب لأسباب اصبح الكل عارفها ؟!
ولكني أزور المنتدى بين الحين و الآخر ..
وشفت انه الفوتوشوب هنا .. اعطيه من 100 ... 30 مو أكثر
سامحوني ولكن المنتدى مييييت على الآخر .. !!
شنو السبب .. كل واحد يراجع نفسه
ويراجع شنو قال لكل عضو ..
وشوفوا السبب ..

[ODIN]

من قبل شهرين بدأ موسم الاختبارت بالخليج .. بدا بالامارات وانتهى بالسعوديه حاليا بهذا الاسبوع ..

محد فاضي لمنتدى الفتوشوب بالفترة الحاليه ..

[Mahdee87]

متى بيخلصوا امتحانات ؟؟؟:" :" :"

[حسين-911]

اخوي أودين ردك غير مقنع صراحه سامحني ..
اوكي ..
انت تقول من قبل شهرين ..
معقوله محد خلص ؟!

خل نقول السعودية ما خلصوا ..
الامارات ؟!
الكويت .. ترى خلصنا
البحرين .. ؟
قطر .. ؟
عمان .. ؟

هذي دول الخليج ما ادري عن بقية العرب !!
ولكن ؟!
الظاهر المنتدى ما راح يصحى لو شنو صار ..
صراحه ما ادري ؟؟

[Mahdee87]

الرسالة الأصلية كتبت بواسطة حسين-911
الامارات ؟!

احنا خلصنا من 15 / 1 / 2003

وسلموا الشهادات 18 / 1


ويوم السبت الجاي بيبدأ الفصل الثاني:"

[ODIN]

مافي مشكله نمسك الاعضاء كلهم ونصفهم ونسويلهم فلكه .. بس شرط انا الي امس رجولهم وانت الي تضرب بالعصى .. :6


يعني اذا العالم مشغوليين .. وش نسوي

[Mahdee87]

الرسالة الأصلية كتبت بواسطة ODIN
مافي مشكله نمسك الاعضاء كلهم ونصفهم ونسويلهم فلكه .. بس شرط انا الي امس رجولهم وانت الي تضرب بالعصى .. :6


يعني اذا العالم مشغوليين .. وش نسوي

خخخخخخخخخخخخ:0) :0) :0) :0)

[Wolf Sniper]

هلا أخوي حسين .. والله معاك حق ..

على العموم .. إن شاء الله في الفترة القادمة يصير المنتدى أحسن ..

السعودية ما خلصت امتحاناتها .. هم بدؤوا يوم السبت هذا ..

[حسين-911]

الرسالة الأصلية كتبت بواسطة ODIN
مافي مشكله نمسك الاعضاء كلهم ونصفهم ونسويلهم فلكه .. بس شرط انا الي امس رجولهم وانت الي تضرب بالعصى .. :6


يعني اذا العالم مشغوليين .. وش نسوي

[رجل الحاسوب]

يبدوا ان معظم الاعضاء في سفر في العطله الصيفيه

[C.Falcon]

اح - بكسر الألف و تسكين الحاء -
((كلمة تقال عند وقوع الخطأ... انا استخدمها فقط )):0)

هلا و الله بيك أخوي حسين ... نورت المنتدى ....

وانا انسحب لأسباب اصبح الكل عارفها ؟!

عذرك معاك ... و ما في أحد يلومك و ينسى جهودك في المنتدى

بالنسبة لباقي الأسئلة ....
المشكلة هي فترة الاختبارات ....
انا عن نفسي ... أخلص الاسبوع القادم
الموافق 4/12/2341 هـ للمعلومية ((من جدة))

أما باقي دول الخليج ما أدري عنهم متى يخلصون ؟؟؟

و أتمنى التوفيق و النجاح للجميع
أخوكم
;-) :0)

[MetalGear]

اخوي حسين لا تنسى ان انت كنت من قواعد هذا المنتدى ..

وعلى قولك صار المنتدى كله مواضيع (اشبه بـتافهة)

وحتى المواضيع اللي تساعد على تنشيط المنتدى الأعضاء ما يتفاعلوا معها

الرسالة الأصلية كتبت بواسطة ODIN
من قبل شهرين بدأ موسم الاختبارت بالخليج .. بدا بالامارات وانتهى بالسعوديه حاليا بهذا الاسبوع ..

محد فاضي لمنتدى الفتوشوب بالفترة الحاليه ..

طيب ذا الكلام من شهرين بس (على افتراض ان الواحد مايفتح النت و..و..و..و إلخ)

اظن حسين بيتكلم عن مشكله لها فترة اكثر من 6 شهور..

انا اقول الخطأ من الاعضاء نفسهم..

وان اغلب الاعضاء اللي يسجلوا ،، يسجل علشان يطلب طريقة تركيب البرش او الفلتر ويمسك الباب ويمشي..

[C.Falcon]

الرسالة الأصلية كتبت بواسطة MetalGear


وان اغلب الاعضاء اللي يسجلوا ،، يسجل علشان يطلب طريقة تركيب البرش او الفلتر ويمسك الباب ويمشي..

كلام فيه ريحة من الصواب ;-)

[ODIN]

بالضبط يا ميتل جير ..

لكن فيكم الخير والبركه نحاول كلنا مع بعض ..

[Neo Cid]

يا هلا فيك أخوي حسين ..

و حياك الله بكل وقت معانا بالمنتدى .

بالمنتدى لكلامك فهذا صحيح .. منتدى الفوتوشوب ميت ..

لو فيه حل ..