طرائف بالمقلوب .....
هذه بعض الطرائف الحقيقية حصلت لأناس قلبوا كلمات بشكل طريف وعفوي .... وارجو ان تنال اعجابكم .....
- احد الشباب تعطلت سيارته على الخط فقال له زميله وش فيها قال : البشر مكنفر ، يبي يقول : الكفر مبنشر .
- احد الشباب معاه سيارة من نوع غمارة وصندوق وممن يهوون طلعات البر فأراد ان يركب توانك وشنطة فقال للحداد : ركب لي شوانط وتنكه .
- قال شخص للميكانيكي : يا صديق غير للسيارة بواتي وبليجين ، طبعاً كان قصده : بواجي وبليتين .
- مر احد الأشخاص بأرض فضاء فقال لصاحبها : هذه عمرة ما برحت ، وكان يقصد : برحة ما عمرت .
- ام تنصح ابنها الصغير بأن يخفف من اللعب خاصة بعد العملية التي اجريت له فتقول : اركد لا ينبجع فتحك , وقصدها : لاينفتح بعجك .
- واحد دخل البقاله يبي غرض يدور .. يدور .. ما حصل اللي يبي ، قال للهندي اللي في المحل : عطني صوصي قلطه ، وكانت علامات الاستفهام تخمس فوق رأس الهندي ، وكان يريد : قوطي صلصة .
- واحد تاريخي يتحد عن أشد الكفار فيقول : قصرى وكيسر طبعاً اللي قدامه يعني دارين عن المحاضرة .. كسرى وقيصر .
- احد المذيعين في نشرة الاخبار تبسمل وقال : اهلاً بكم اعزاءنا المشاهدين ومرحباً بكم في نخرة الاشبار .. وطبعاً دور الضحك ..
- واحد يبي يواعد رفيقه في الخط السريع بين الرياض والقصيم .. فقال : لا جيت طلغة العاط .. ويالله طلعت منه ..الظاهر انه ما استوعب الامر وضحك على نفسه ، وكان يقصد : طلعة الغاط
- احدهم يخاطب بائع الخضار قائلاً ابغى برودق صندان وهو يريد : صندوق بردقان .
- يصف احدهم مكانه فقال : اذا جيت ملف الخضارة الكسرا تلقا زرقه سطحا تراه انا .. ، وكان قصده : اذا جيت الكسارة الخضراء تجد سطحه زرقاء هو انا
- احد الشباب في طلعة بر قال لصديقه : شاغل خلد الصحون وكان يريد بقوله : خالد غسل الصحون .
- احد كبار السن كان يصف بساط قديم فقال : الاصفط المزروق ، وكان يقصد : الازرق المصفوط
- احد الشباب الطموحين ممن يحاول التحدث بلباقه قال يوماً وهو يتحدث عن موضوع اقتصادي : مما يركز على زيادة المال على البدى المعيد ، وكان يقصد ابوا لشباب : المدى البعيد .
- دخل الصيدلية شاب يريد فرشه ومعجون ، قال للصيدلي : لو سمحت عطني معجه وفرشون ، الصيدلي تمغط من الضحك وتمدد على الارض .
- واحد من الملاقيف شاف مساحة فاضية في بيت احد اخوياه قال له : ورا ما تحط هنا : شيت بعر ، زميله بغى يتوطى بطنه يحسبه يسبه ، بس هو كان يقصد : بيت شعر .
- دخل احد الشباب استراحة وشاف وجيهم شاحبه خايفه ، قال لهم : وش بكم تقل باسم بكم بخ . الاخ كان قصده : باخ بكم بس , وكان يقصد : ناط بوجيهكم بس أي هر أي قطو .
- الشهر رمضان الوقت الظهر ، امرأة عجوز تهوش على عيالها وتقول : هالعيال صموا ولا صالوا ، قصدها : صلوا ولا صاموا .
- الشباب طالعين للبر ومع الزحمة قال واحد لرفيقه : مطر الشاغول ؟ اخونا يبي يقول : شغل الماطور .
- احد المعلمين المتحمسين يتكلم عن شخصية فذة في التاريخ وفارس مغوار .. ويذكر المقدمات الطوال ويختمها بـ : درسنا لهذا اليوم عن الفارس البطل : شنتر بن عداد . طلاب الفصل اللي منتثر من الضحك واللي مغشي عليه ، كان ناوي يقول : عنتر بن شداد .
- احد الشباب في محل للجوالات ومع الحماس شاف جوال مقفل مع صاحبه ومن لقافته يبي يعلمه قال : القفال مجول .
- واحد شاف لوحة طايحه والعجلة مات تخلي احد يبي يعلم رفيقه ، قال : الطوحة لايحه .
- اثني طالعين للبر وحولهم كان ريحه عفن قال الاول : اكيد فطيسه عانزة ، طبعاً كان يقصد : عنز فاطسه .
- احد الشباب يقدم لأحد المشايخ فقال : نشكر فضيلة الشيخ ندر بادر المشاري ويقصد : بدر نادر المشاري .
هذه ما استطعت ان اجمعه الآن وسيكون هناك المزيد ان شاء الله ، ومن لديه مثل ذلك فليشاركنا ولكم جزيل الشكر
اخوكم abady2000
;-) ;-) ;-) ;-) ;-) ;-) ;-) ;-) ;-)
