العاب حفرت اسمها بالتاريخ ..no one lives 4 ever2
هلا بعد غياب يمكن يكون طويل عن المنتدى والانترنت بشكل عام ,,,فكرة الموضوع الكتابة عن الالعاب التي حفرت اسمها بالتاريخ -طبعا بالسمعة الطيبة مو بانها اغبى العاب الارض - واول لعبة معنا هيno one lives 4 ever2 لاني بختم فيها واللعبة عجبتني بشكل كبير جدا ...
اللعبة التي كانت منتظرة بشكل كبير بسبب الدعاية الهائلة التي سبقتها وكانت كل المجلات مواقع النت قد رشحتها واعطتها بالفعل افضل لعبة السنة الماضية -بعد ور كرافت 3- , وبدون كلام كثير نحكي مباشرة عن اللعبة واللي بطلتها الجاسوسة ارشر لكن هذه المرة المهمة اصعب وتحت عنوان the spy in h.a.r.m's way -يمكن البعض لا يحب فكرة انه البطل بنت ! مش مقنع يا اخي ! -وطبعا بما انها جاسوسة لازم تكون على غرار الجاسوس الشهير جيمس بوند لكن بطريقة ناعمة شوي -بتهيالك ! لانها سفاحة -
البداية انت باليابان حتى تصور مقابلة مهمة -الكاميرا اصبع الروج !! مش بحكي بنت مش مقنعة - المهم الاعداء من النينجا وبتميزو بذكاء اصطناعي مميز اعطا اللعبة متعة رهيبة والاهم انك راح تعتمد على التخفي اكثر من الاعتماد على الحرب -رحم الله عرف قدر نفسه- يوجد اماكن خاصة بتكون مخفية لما تتخبا فيها راح تختفي عن انظار الاعداء ومن الاشياء الحلوة باللعبة هي ان تسمع نقاش بين النينجا ولو اصدرت صوت راح يعرفوا مكانك , يعني كانهم عايشين عن جد
اما الاسلحة لانه الكثير بهتم فيها فهي كثيرة جدا ولكل مرحلة اسلحة خاصة يعني باليابان السيف والنجوم ومش عارف ايش , وبروسيا الكلشن والمادفع وقنابل من كل الانواع , مسيل دموع ومتفجرة او بدوخ وحتى الكلش اله اكثر من نوع ذخيرة مثل العادي او الناري , والموسيقى الصراحة منها الضعيف ومنها القوي يعني ممكن القول بانها مقبولة اما الصوت والمؤثرات ممتازة جدا , الرسم طبعا معروفة بانه لا يوجد افضل منها كل التفاصيل مرسومة بدقة حتى الوجوه للجنود وتفاصيل المكان ورسم الاسلحة وعشان هيك بدها كرت شاشة قوي -اذا ما عندك مو مهم العب كويك 2 حلوة كمان -
الخلاصة انها واحدة من افضل الالعاب بالتاريخ على البي سي وكل مكان وجربها - اعتقد انه الكل ختمها .
ملاحظات :
1- اللعبة ممكن تواجه مشاكل كثير مع الاكس بي مثل طول اللودنج
2-الغاز اللعبة عادية وليست صعبة يمكن حلها بسهولة
3-حاول لما تدخل غرفة انك تطفي الضوء عشان ما حد يشوفك
4-اللعبة 2 سي دي
ايش كمان ؟؟؟ ما بعرف اذا نسيت اشي , المهم اللعبة عبقرية
معلومات :
المنتج :Sierra Studios "شركة كاونتر سترايك "
المطور:Monolith
عدد اللاعبين :1 "غسر منتشرة بشكل جماعي "
متطلبات التشغيل :
Windows 98+, Pentium III 1 GHz, 256MB RAM, 64MB Video Card, 1.2 GB free space
وهي لعبة ضخمة جدا ولازم يكون كرت الشاشة قوي
والى اللقاء بلعبة تاريخية اخرى ,, يمكن ماكس بين او war craft3 او اي اشي تاني
طويل ؟؟؟؟:#
حلوة وديع الصافي
خلك كوول على طوول 
