لومينا اس vs. كامري 2003 شنو الاحسن للشراء

[azizmalek]

السلام عليكم
شباب انا الحين صارلي مدة من اخذت الليسن و ناوي اشتري سيارة
بعد حوسة بين الوكالات ما لقيت الا كامري 2003 و طلعتلي لومينا اس بس شنو الاحسن :

الكامري حلوة و من مميزاتها انه من تيوتة و ما تصرف بانزين و عمرها طويل بس الشكل مو داش بالي بس شسوي


اللومينا اس عجيبة بالمظهر بس يقولون انه خراباته وايد

و الأثنين بنفس السعر مع فرق بسيط لا يذكر





فاشرايكم


شنو اخذ!!!!!!!!!!!!!!!!111111111

[راعي الأكورد]

هالحين قلت السيارات علشان ماتفكر الا في اللومينا والكامري

السيارتين صناعتها استراليه , وماتستاهل سعرها لان مواصفاتها اقل من عاديه .

انصحك بالأكورد 2003 او الماكسيما لانها يابانيه 100% وبالنسبه للبنزين

لا تشيل هم وقطع الغيار اسعارها عاديه وتمسك سعرها .

اللومينا ابعد عنها مسافة 100 كيلو , تراها عند اخوي والله انها

كومو خرده نظيفه , لا رساوه ولا تحمل .

[سكير999]

انصحك بالأكوررد;-) ;-) ;-)

[ALshehre U & S]

الرسالة الأصلية كتبت بواسطة راعي الأكورد
هالحين قلت السيارات علشان ماتفكر الا في اللومينا والكامري

السيارتين صناعتها استراليه , وماتستاهل سعرها لان مواصفاتها اقل من عاديه .

انصحك بالأكورد 2003 او الماكسيما لانها يابانيه 100% وبالنسبه للبنزين

لا تشيل هم وقطع الغيار اسعارها عاديه وتمسك سعرها .

اللومينا ابعد عنها مسافة 100 كيلو , تراها عند اخوي والله انها

كومو خرده نظيفه , لا رساوه ولا تحمل .

استرالية في عين العدو...من قال يا حبي انت...الكامري يابانية مليون في المئة..

وش الأكورد الماصخة والله ماعندها ما عند جدتي أنصحك أخوي لا تعطيها وجه ولا بتندم..والمكسيما إذا بتاخذها لا تتعدا السرعة 60..ولا أنصحك إذا بتتعداها على أقرب ورشة. والله جد كلامي.

أما الكامري 2003 ..ياشيخ تكرف فيها زي ماتبي ولا تشيل هم.غير مستهلكة للبنزين أبد..

النصيحة من ذهب:-
نصيحتي لك إنك تقتنع بالسيارة الي تبيها زين قبل ما تتسرع في اي قرار.

تحياتي.

[nokhba]

نصيحتي لك خذ الأكورد 2003 فل كامل وبس

واللومينا ابعد عنها قد ما تقدر



":"

[Power]

انا من رايي تشوف لك اللومينا احسن من الكامري ووالله براحتــك

[CORVETTE_R]

أكورد2003 طبعا........جابانيز أصلي 100% ترا الكامري الي عندنا 99 ....الزر حق الباب يفتح لحاله مع اللفه.. ولا ساعات لمبة السقف تفتح لحالها..

(شوف انا اركز على ايش )

[atoott]

نصيحة خد الاكوورد



الأكورد لك وللزمن

[maximus2002]

الكامري استرالية هي واللومينا

ومثل ما قالوا الشباب خذ اكورد 2003


واخيرا خذ الي تبي اذا ما جاز لك كلام احد

[masa848]

خذ الومينا اس


وتوكل علا اللة


الخربات في ال اس اس فقط وجربكس بس الاس ما فيها شي

[SNOoOP]

كانك بتقعد تنطل باللومينا أكيد بتخرب

المهم مالك الا المستعمل خذ لك سيارة مستعملة زينة ونظيفة


وسعرها رخيص والا

اشتر جمس موديل القديم وضبط أمه

[mib2]

شوف والله انصحك نصيحه لوجه الله لاتقرب اللومينا خير شر لانها حتشفط فلوسك خراباااااات ولكن لو اخذت لك اكوورد والله انها رهيبه ولك وللزمن بس فيها عيب واحد انه المسجل حقها سي دي من شريط عادي يعني حتتورط في المسجل .
وبرظه والله ان الكامري الجديده حلوه وانا نصحتك لوجه الله لاتقرب اللومينا اس اس او اي لومينا وحتى الكابريس لاتخذه خير شر والنصحيه بلاش ترى والله

[the wolf]

انا اقول تاخذ اللمينا حلوه شكل وكل شئ وقومه بس فيها عيب هو ان هي قيرها اذا كان اوتو ماتيك صار يخرب بسرعه والكامري حق شباب يعني زحف وتعريض بالفات

[SNOoOP]

الرسالة الأصلية كتبت بواسطة the wolf
انا اقول تاخذ اللمينا حلوه شكل وكل شئ وقومه بس فيها عيب هو ان هي قيرها اذا كان اوتو ماتيك صار يخرب بسرعه والكامري حق شباب يعني زحف وتعريض بالفات

هذي القديمة طال عمرك

[MskT]

مكسيما ولا اكورد وعلي راحتك
انا اقول الكامري واللومينا مو زين اولا استرالي مو ياباني ولا امريكي
اثنبينهم استرالي واستراليا ماتفهم بالسيارات اقول ماالك الا المكسيما والله من جد انا اقولك احسن شي كشخه وحق سرعه وتفحيط