السلام عليكم..
فيه سؤال يتردد في ذهني من فتره طويله,,
يعني من اكثر من سنه بس ما اخذت رأي احد فيه وودي اخذ رأيكم..
هو ليه الأنسان له رجول؟ّ !ّ
ههههه امزح:6
المهم..
تخيل معي وتخيلي معي ان عمرك 16 ولك اخ/اخت اكبر منك خلونا نقول بسنتين مثلاً..
ولا سمح الله توفى هالأخ (بنكمل بصيغه المذكر للأختصار....والعنصريه":" )
المهم انه توفى..
خلونا نروح الحين لعشر سنوات قدام..
انت عمرك تقريباً 26 سنه..
وجا أخوك(الي توفى)على بالك..
كيف بتفكر فيه..هل على انه أخوك الكبير وفي بالك انه أكبر منك الى هاللحظة..
او انه اخوك المراهق الي توفى من عشر سنوات و "كان" اخوك الأكبر
يعني هل هذا الشخص بيكبر في ذهنك..او انه بيوقف عمره على السن الي توفى فية؟ّ !ّ
طبعا جاء على بالي السؤال لأنها تحصل دائماً..
مثال ثاني مختصر..امرأه توفى زوجها وعمره 30 مثلاً وبعد عشرين سنه جاء على بالها..هل بتفكر فيه على انه زوجها الي عمره حول عمرها..
او على انه رجل في مقتبل العمر(الرجال شيب وانت تقول مقتبل العمر:6 )كان في يوم من الأيام حول عمرها..
ادري السؤال غريب شوي بس يتردد في ذهني غالباً ,,
يمكن كان يجي على بالي اذا تذكرت واحد من خوالي توفى وهو صغير اعتقد..فقلت كيف بيكون موقف أخوانه(خوالي) الي اصغر منه,,هل يعتبرونه طفل صغير او اخوهم الكبير..
يمكن سالفه خوالي ما تنفع لأنه توفى وهو صغير ولا عاش معهم كثير..
يعني في فرق بين 18 سنه مثلا وخمس سنوات او أقل..
وأخيراً ابي رأيكم..
لو كنت مكان هالشخص كيف بتتخيل الوضع؟ّ !ّ
على فكره..الي ما فهم شي من هالكلام..يرجع للسطر الرابع ويكتفي بالأجابه على السؤال...انما وضعنا للتسهيل عليكم
ملاحظة: (وضعت الشدة على الأستفهام والتعجب لأهمية الموضوع وجديته فلذلك لا يجيني رد استهبال لا ارجعه على جبهة صاحبه,,وقد فزر من حزر
!