رسومات الأعضاء

[Arsene Lupin]

باركولي :!



وصلني السكانر :!



كمقدمه لهالموضوع... اطرح لكم سالفة سكانري



طلبته الترم السابق من شركة DELL ... و قعدت اسابيع ما وصل... اخر شي اتصلت عليهم اشوف وش السالفه... قالوا ارسلناه من فترة على هالعنوان... و اعطوني عنواني القديم :"

قلت وين عايشين... ليش؟... قالوا الطلب جاي مع هالعنوان...

قلت مستحيل... الطلب بعنواني الحالي... و شيكوا على حسابي عندكم و تلقون عنواني الجديد... و مغيره قبل طلبي بعد...



المهم انهم في الاخير قالوا خلاص نرسل لك ثاني...



و انتظر...و انتظر .. و انتظر... و احاول اكلمهم منا و منا... و انواع التلفونات المشغوله...

المهم اني رجعت للسعوديه بدون ما ياصل...



رجعت بعد شهر...



دريت انهم جوا للشقه مليون مره بس ما لقوني... قالوا دق على هالرقم عشان تعطينا موعد نجي فيه..


دقيت على الرقم... صار رقم شركة التوصيل... قالوا رجعناه لصاحب السكانر...

المفروض يكونون DELL... قلت عطوني رقم ديل اجل... قالوا ما رجع لديل... رجعناه لاسم شخص


المهم منا و منا.. ما فيه رقم ادق عليه... وش الحل... قالوا ما ندري.. كلم ديل و شف وش الحل..


المهم و طول هالايام و انا احاول اكلم ديل لكن يلطعوني هولد ما ينتهي... و تأتش معي و اسكر السماعه...


الى أن جاء الفرج :"



دقوا علي امس سكن الطلاب... (عنواني القديم).... و قالوا ترا عندنا بريد واصل باسمك تعال خذه...

(هذا الي وصل من الترم الي راح... توهم يدقون )



المهم اني رحت لمهم و اخذته... فالحين صار يمديني بعد اجيب السكانر الثاني هذا الي ما وصلني... و يصير عندي اثنين بسعر واحد


انتقام :6





...




المهم... بعد القصه الممله هذي.... الموضوع هو احياء لذكرى موضوع لينا المغبر :6 ... و الي ينشرون الاعضاء فيه رسوماتهم...




فالي عنده سكانر... يجدع ما جادت به يداه... و الي ما عنده... يا يمدح في رسوماتنا... يا يرص back

:6





و أببدا أنا...

بس الحين الساعه 2 الليل... فما امداني اروق على السكانر زي الناس... فابنشر رسمه وحده من الي عندي... و الجايات اكثر انشالله...

[rushin_911]

أجل بيجيك 2 مبروووك

و المشكلة يجونك ديل بهلإعلانات صاجّينا أربع و عشرين ساعة يقولون Best costumer service خخخ

عموماً الحمدلله إنه جاك

و ما شاء الله تعرف ترسم عاد لو كنت أعرف أرسم كان نشرت بس رسمي كلام فاضي

[the king 2pac]

رسمه شقراويه تدل على مبادئ اهل الوشم...كوخه

[RPG_master]

مبروك


والرسمه جيده ما عليها:6


خلنا نشوف وش عندكم بعد

[Arsene Lupin]

الله يبارك فيكم كل ابوكم


بوي ثينق: والله تحسفت اني شاريه من النت... بس الحمد لله... وصل هذا اهم شي :6




راشن : اما افضل خدمة... انواع الدجة يا رجال... يحجرون عليك من كل النواحي.. تموت عشان تقدر تكلم انسان... كل ما دقيت على اي رقم لهم يصفون لك قائمة اختيارات... اذا تبي كذا رص واحد.. و كذا اثنين...

و في الاخير تحسب يجيك انسان يفهمك وش السالفه...مستحيل...

يجيك رد آلي مدري وش يبي...





ملصي: امسك اقرب مخرج للجحيم




شوشه: ثانكس... وش عندي بعد؟ :6

ابسكنر كل شي في الشقه خخخخخخ خلني احلل هالسكانر الي ما بغى ياصل :"

و مبروك التوقيع الجديد باي ذا وي :0)








يالله ابي اقوم بكرا و فيه ما لا يقل عن ستين رسمه...


سلام

[Undine]

فكره حلوه :6

انشالله بحاول ارسم

ومبروك على السكانر..

[Shin Kyo]

مبروك

و رسمه جدا روعه....

[memy]

مبروووووووووووووك و اخيرا :0)

تراني بس داخله ابارك بس ولا رسم ....

انا ما اعرف الا بس بيبي فيسيز

او بالاصح ما احب ارسم :6

يعني لا تنتظر شي مني <<< واثقه :6

[yugo the wolf]

مابروك عليك السكانر

ورسمتك صوح يا شباب؟

[Lena]

قلوود:# :6


امذح امذح

يوم جاتك السكانر راحت حقتي:"



بس راسمة كم رسمةوخالي جاء يعني انواع الوناسة بستلف حقته واوريك


شكرا عالموضوع

احب الرسم وكل ما يتعلق بالرسم وكل من يحب الرسم

[Angel whisper]

ما شاء الله حلوة رسمتك ..

اكثر شي بارز فيها وعجبني العيون ..

ما شاء الله عليك ..

ويا حسرة ..

ما اعرف ارسم الا خرفان

وبالله ارسلي السكانر الثاني سكانري خربان من سنة وما عدلته

[flarestar]

حلوه الرسمه يا ارسين بس كأنها خفيفه شوي:6


اضغط على القلم وعض لسانك وانت ترسم<===نصيحه

[Arsene Lupin]

الله يبارك فيكم



و يالله الي عنده اي صورة منتجها بيدينه و موجوده عنده على الكمبيوتر... ينشرها :6




الرسمه ادري ميب واضحه... بس مدري ليش... السكانر يستهبل يمكن...

لاني سكنرت رسمه عقبها و طلع كل شي واضح فيها.... حتى سطور صفحة الدفتر


(الي مكتوب فوق مدري وشو... يقال انه تبع احد المواد في الجامعه)

[SNOoOP]

مشكور على الرسومات

بس ليش أغلب الوجه عين وليش عيونهم كبيرة وفمهم صغير وخشم كنه شعره:6 <<<<<<<<تحس أنواع الاحباطات:6



ومشكور مرة ثانية وعقبال الطابعة :6

[Justine]

بس ليش أغلب الوجه عين وليش عيونهم كبيرة وفمهم صغير وخشم كنه شعره

يسموه فن أنمي ^^

------------------------------

بما اني لست من الرسامين ... لكن من المتذوقين للرسم ":"

و بما انه ما عندي رسمة و سكانري مركب لكن كالعادة مخرف ... فراح أدلي بدلوي بس كناقد فني ":"


رسمك حيلو مشالله لكن تحتاج للمزيد من الدقة ...

جرب في البداية تشف صور اي شي مانغا او اي شي ... او كبر صورة صغيرة يدويا ... و هكزا حتى تتحسن موهبتك ;-)


Arigato Lupin