Tarzoon World Of Games

[orange road]

بسم الله الرحمن الرحيم

اخيرا تعدل المنتدى وصار يرفق الصور والرسوم
علشان جذي بافتح هالموضوع الحين ^^

في هالموضوع باحط القصص والنكت اللي ارسمها على طرزون لما تلعب الفيديو جايمز...

لان الحالة عندنا شلون؟؟
هي تلعب (أغلب الالعاب) وانا اغلب الوقت اكون متفرجة...
نحل مع بعض الالغاز في الالعاب وبعض الالعاب نلعبها مع بعض لكن الاغبية هي اللي تقعد تلعبهم وانا اقعد حذاها..
اقرا لها الحل الكامل احيانا وارسم عليها قصص ونكت..

وفي هالموضوع بتجوفون كل شي...
القصص والنكت والشخابيط ...

اهم شي ان الموضوع يعجبكم ^^

ونبتدي مع احث قصة على طرزون ومع لعبة devil may cry 2 :"

[orange road]

ترى بس الصفحة الأولى من القصة ملونة...
:6 انا ما لي عزم كبير في التلوين مثل شاهين...

الصفحة الثانية ^^

[orange road]

الصفحة الاخيرة

وترى هاي قصة حقيقية... تقريبا...
يعني ما خذت كم يوم الا وخلصتها... :"

[Madoka]

سلام ^^

شلوووونج عزيزتي خلوود ؟


القصه رووووووووووووووووووووووووووووووووووعه مثل ما عودتينا ;-) .. و الحركت اللي مسويتهم عجيبه ^^


ضحكني وايد صاحب المحل و اهو مو عارف شنو ساير :0) .... الصراحه سالفتج مع طرزون تسير عندنا بالبيت بعد ^^ هههههه


وايد حلوه القصه و الرسم بعد يجنن ^^
ننتظر المزيد

[orange road]

شوكران مادوكا ^^
طرزون دايما تسوي فيني هالحركة.. وخصوصا ريزيدنت ايفل...
الجزء الثالث خلصته في يومه O_o

تملل الواحد
يعني ما تقدرين تشترين لها شريط وتتم تلعب فيه مدة طويلة..
ما في الا فاينال فانتاسي.. وصلت المعركة الاخيرة مع سن وللحين واقفة فيها

الحين هاي القصة الثانية اللي سكنرتها...

اللي لعب الجزء المعدل لرزيدنت ايفل على الجيم كيوب.. بيعرف السالفة..
في هالجزء حطوا حركة يديدة
ان تلقى كبسولة وتروح تعبيها بمادة متفجرة.. ولازم ما تركض فيها والا بتنفجر فيك..

عاد انا وطرزون حبينا نجوف لقطة الانفجار.. شلون بتكون؟
هل بيكون فيها اشلاء والا بس بوم وخلاص...
والتجربة خير برهان..

وهالقصة على هالموقف

[orange road]

ههههههههههههههههههه

[orange road]

^^

[L.B]

هههههههههههههه
تجنن القصة .. وخاصة بتاعت الكبسولة
كل يلي حوالي يسألوني : على شو عم تضحكي ؟؟

[Madoka]

ههههههههههههههههههههههه القصه الثانيه احلى من الاولى :0) ... تضحك النهايه ^^ ..
شكلكم بعد الانفجار عجيب .. و اللقطه اللي قاعدين تقولون حق بعض " نشوفه و اهو ينفجر" حلووووه خصوصا ملامحكم الشريره

;-)

[lord zacx]

هههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههههههههههههه

مشكوره خلود على هذي القصه الحلوه

من زمان ما ضحكة جذي

لا تنسين اتكملين

بانطر التكمله ":"

[orange road]

ال بي.. مادوكا.. زاكس ^^
الحمدلله ان القصص عجبتكم...

وانشاءالله اكمل سكاننج لباقي الرسوم والقصص واحطها..
(عاد لازم احطهم بسرعة قبل لا يرجع المنتدى ويعتفس مرة ثانية ?: )

[هـداف]

هلا خلود:6

القصتين روووووووووووووووووعه........كلهم حلوين ويضحكون

والرسم بعد مضبوط............^_^
ذكرتيني بدفل ماي كراي....انا الجزء الأول للحين ماخلصته....انشاءالله بعد كم يوم بركب نظام الدي في دي هذا الي ملوع جبدي(من مشاريع العيد:0) )

ننتظر القصص الباقيه..

[mai_arumashi]

ههههههههههههههههههههههههههههههههههههههه عجيبه طرزون

حبيت قصة ديفل ماى كراي ... عجيبه ( ما شافنتى انا و بطئي خذت سنتين و شوي عشان اخلص فاينل فانتسي * احب استمتع بالعبة*)


لا ولا الكبسوله ههههههههههههههههههههههههه صراحة ذكي ههههههههههههههه

كملى ابي اشوف الباقى

[Rewayah]

هلااااو خلود ومشكورة على هالموضوع الحلو اليديد اللي عن رسوماتك عن طرزون البدا النكتية الرهيبة!

هههههههههههههههههههه

وايد وايد ضحك الصراحة!

القصتين كلهم حلوات وإكتشفت أشياء نحن مشتركين فيها معاكم. ":"

أنا بعد راعي المحل يتصل فيني عشان يخبرني بالجديد اللي نازل بالسوق! @@
الملعون يعرف أنا شو أحب وما يتصل إلا وهو عارف إني بشتري على طول.
أغلب العابي شريتها بهالطريقة. ":"

وثاني شيء ضحكت واااااايد على تعليقج على طرزون يوم كتبتي "قرونها منها وفيها"! ههههههههههههه
هاذي ربطة شعر طرزون المعهودة في رسمج... على شكل قرون شرّانية. كخخخخخخخخخخخ

الرسالة الأصلية كتبت بواسطة orange road
يعني ما تقدرين تشترين لها شريط وتتم تلعب فيه مدة طويلة..
ما في الا فاينال فانتاسي.. وصلت المعركة الاخيرة مع سن وللحين واقفة فيها

نفس الحال مع ملسونة! @@
وصلت آخر شيء عند سن ووقفت! @@
ويوم قلنالها ليش؟
قالت: بس شبعت!!!
قلنالها: شو شبعتي؟؟ @@
قالت إنه مافي داعي تشوف "التـgـّييمة", لأنه اللعبة بكبرها "تـgـّييمة"!! كخخخخخخخخخخ
أونه كلها موفيات! ":"
هههههههههه بس هي الصراحة ما رامت تغلب الوحش الأخير, فعلقت وما كملت.

وهي حالياً قاعدة تلعب ريزيدنت إيفل المعدلة على الجيم كيوب!

وعلى طاري هاذي!

فقعت من الضحك على الكوميك وااايد!
وخصوصاً لما رمى كريس عليكم الكبسولة وإنفجرت وصرتوا هونقا بونقا! :"

:" كاااع كاع كاع كاع كاع كاع كع كع كع كع

آاااي يا بطني! :"

ههههههههههههه

وشو بعد عندكم؟ @@

[orange road]

شاعر ^^
مشكور اخوي على التعليق...
يللا روح حط النظام وريح روحك... ترى احنا من حطناه ارتحنا
كنا قبل ندور على البال دواره الحين ارتحنا... نشتري امريكي
(ترى طرزون ما تاخذ الا اصلي...)

ماي ^^
اي.. جفتي شلون طلع حويط كريس
قط الكبسولة علينا :"

رواية
يعني وايد اشياء مشتركة
والله اول ما وصل الشريط للمحل على طول اتصل فيني وقال في شريط بيهمكم
وعلى طول رحنا...

واكاهي كم رسمة زيادة توني مسكنرتهم ^^

هاي ليزا في ريزيدنت ايفل المعدل...
وايد خرعتنا لما طلعت اول مرة... تمينا نذكرها فترة طويلة...