Final Fantasy 64

[Neo Cid]

بسم الله الرحمن الرحيم

قبل فترة طويلة .. و بالضبط بعد اصدار فف7 على البلاي ستيشن 1 سنة 97-1998 .. سمعت عن أن سكوير مخططه أنها تصدر جزء من فاينل فانتسي على الننتيندو 64 .. و لو تشوفون شكلي وقتها .. صدقت الكلام بدون تردد و شريت ننتيندو 64 سنة 1999 ..

لكن بعد ما شريت الننتيندو خاب ظني وما نزل شي له علاقة بالار بي جي ..

لكني قبل حوالي شهرين و بينما كنت بمنتدى جيم فاكس Game Faqs .. لاحظت أحد الأعضاء يتكلم عن لعبة اسمها فاينل فانتسي 64 .. و أحد الأعضاء الثانيين أرفق موقع مع الخبر .. لكني ما صدقت ليمن شفت الرسوم ..

اكتشفت أن اللعبة كانت فاينل فانتسي 6 محسنة على الننيتيندو 64 .. و أنا عرفت أنه فف6 من الشخصيات .. شوفو الصورة :



مو هذيل شخصيات فف6 ؟ .. البطلة .. و رفيجها الجنقلي .. و الننينجا ..

و بعد محادثتي مع كذى محترف فف أجنبي .. قالولي أن هذي اللعبة كانت تصمم من قبل سكوير مع فف7 .. و ناس قالولي قبل فف7 .. و كان مجهز على أنه يصمم على الننتيندو 64 .. لكن لسوء الحظ .. و المشكلة الكبرى كانت اللقطات .. هو أن جهاز الننتيندو 64 أشرطته عبارة عن كاردج علما أعتقد .. يعني أشرطة مو سيديات .. و الأشرطة هذي ما تشيل لقطات سينمائية .. و هذا اللي بسببه ألغي المشروع ..

تفضلوا بعض الصور .. و أتمنى أنكم تستانسون معاها ..















و للمزيد من الصور .. اضغط هنا !

المصدر .. www.neomidgar.com

أتمنى أن التقرير البسيط يعجبكم ..

سلام ..

[snak no.2]

و لله اللعبة شكلها تجنن:!

أنا لعبتها علي البلاي ستيشن1 و أنيهتها و اللعبة وايد حلوة

بس أخوي مبا تنزل علي البلاي ستيشن1 و هي محسن:6

و مشكور علي الخبر

[Anime-Girl]

اوه,حقيقه شئ عجيب..اول مره اسمع بالخبر..لكن لماذا ماكملوا الامر..اقصد يعني مو شرط انه تكوت عروض سنمائيه..الجرافيك مو سئ..على الاقل احسن من ب س 1..يعني لازم عروض ..يخلونها على نفس الجرافيك الله واكبر ,همم..بس ابي اعرف الان..هالجزء 6 كملوه والا لا..يعني هذا جزء منه فقط!!!,صراحه خساره لو ماكملوه ..
ومشكور نيو سيد على هذه اللفته ^^

[Neo Cid]

snak no.2 :

فف6 رووعة مثل ما تقول ..

و مشكور على الرد أخوي ..

anime-girl :

يا هلا فيج أختي انمي جيرل ... نورتي الموضوع ..

بالنسبة لي .. أعتقد أن السبب هو اللقطات .. يعني تخيلي .. لعبة بهالدقة آخر شي ما فيها لقطات .. و تدرين أن اللقطات باستخدام مضلعات اللعبة العادية صعب جدا .. خاصة اللقطات المهمة .. تلقين أن الأجهزة هذي ما تتحمل .. كل هالكلام برأيي أنا فقط .. و رأي الأجانب اللي عرفت منهم بعض هالأخبار .. ممكن يكون السبب شي ثاني .. و هو أن سكوير عرفت أن جهاز السوني 1 له طاقة مستقبلية أيضا .. ممكن ..

و بالنسبة للتكملة .. بحسب اللي شفته من الصور .. أنهم وقفوا مع بداية العمل باللعبة ... لأن الصور تدل على القتال فقط .. وما فيه شي يدل على خلفيات للمواقع ..

أنا بعد أقول خسارة .. أنا منتظر لو يفكرون سكوير باصدار فف6 و 5 على السوني 2 أو 1 على الأقل .. القصة رووعة .. لكن الجرافيكس بسيط جدا ..

و شكرا على الردود .. و يعطيكم العافية ..

[RPGgirl]

وااااااااااااااااااااااااو جدا رائعه صور رهيبه لفاينل فانتسي 6

ثانكس على الموضوع ^_^ ما كنت اعرف هذي المعلومة

sayoonara

[Guilty Gear X]

اللعبة كانت قبل فف7 وقبل اصدار نينتندو 64
كنت قاري الخبر بمجلة بمجلة مشهورة لالعاب السوبر منزمان
حتى كانوا يسموم الجهاز الترا 64
على ما اعتقد ان هذة عبارة عن تجربة لمقدرة الترا64 وليست اعادة صنع للعبة
انا من اوائل الناس الي اشتروا النينتندو64 (اليابانية) على اساس اني اخذة اللعبة لكن لخلافات سكوير ونينتندو لم تصدر

[Mr.Xbox]

مشكوووووووووووووووووووووووووورين على الموضوع

والصور وايد حلوة

وما قصرت اخوي NEO CID

واللعبة شكلها واااااااااااايد حلو

[Soul Calibur2]

فاينال فانتسي 7 كانت رايحه على النينتندو 64

بس اول ما اعلنت نينتندو ان نينتندو 64 بيشغل الكارتردج فقط

ألغت سكوير سوفت اللعبة على نينتندو 64 ونقلتها على البلايستيشن1

لسبب هام وهو أن أن تكلفة الكارتردج غالية جدا مقارنة بالسيدي

وكان هذا احد اسباب سقوط نينتندو وجهازها وشهرة البلايستيشن

وأظن ان هذه اللقطات مجرد لقطات للعبة فاينال فانتسي 6

للنينتندو64

لكن مشروعها ألغي?: ?:

[Golden_Sun]

مشكور على الصور ^_^
الرسوم حلوه حرام يلغون هاللعبة

لو نزلت جان صرت انا اول واحد يشتري N64

[master seymour]

للأسف اللعبة كانت رائعة وأكيد كانت بتربح كثير بس غباااااااااااااااااااء
مشكووور نيو سيد على الخبر الجديد بالنسبالي

[Pentium]

و الله أول مرة أسمع عنها مشكور........



و شكلها رسومها كانت حلوة في ذلك اليوم

[Yamato]

اهم شي انها ما نزلت عالنينتندو 64

والا كنت بضطر اشتريه بعد ?:

خلهم عالبي اس 1 و 2 احسن لهم ولنا

":"

[Neo Cid]

شكرا جميعا على ردودكم .. : RPGgirl - Guilty Gear X - al_7elo93 - Soul Calibur2 - Golden_Sun - Pentium - RPG fan .. و الحمد لله أن التقرير المتواضع البسيط عجبكم .

Guilty Gear X :

اللي صار فيك مثل اللي صار فيني .. شرينا الجهاز لهذي اللعبة ..

Soul Calibur2 :

هذا اللي قاعد أقوله لكم .. أن اللعبة كانت فف6 مصممة للننتيندو 64 و ألغت سكوير صنع اللعبة .. :":


و شكرا جميعا ..

[Neo Cid]

للإفادة أكثر .

[Guilty Gear X]

سيد ممنوع الرفع":"