ياطولك طولااااااااه >____<

[flarestar]

السلام عليكم جميعا:0)<===شوفوا الخشه ذي يعني اني مستانسه


كيفكم وش اخباركم وش اخبار الاهل و الجماعه<==الديباجه المعروفه


مدري وش جاني قام عرق الانوثه فيني ينبض بقوه ابي اسولف و ازعجكم:6


خلوني اقولكم وش صار لي يوم السبت من اول ماقمت الين مانمت

الموهيم ماعلينا

اول ماقمت من النوم كنت مستانسه مررررره عشان يوم الجمعه كان حلوووو ياليت كل الايام زي يوم الجمعه:"

المهم قمت وسمعت شيئون غريبون:! نزلت للصاله لقيتها فاضيه و هي عادتن تعج بالازعاج و الصراخ و الخ و الخ

سئلت اوختي

انا:وين الناس؟؟<==بذي الطريقه:6

هي:راحوا للقصيم

انا :وشو كذا يروحون للقصيم بدون مايقولون لنا :واو:

وطلع كلن عارف و انا الوحيده اللي ما اعرف الظاهر ان الناس في وادي و انا في وادي اخر

الموهيم رحت للمطبخ اكل شي لاني كنت ارجف من الجوع:":

وزي العاده فطوري المعتاد ساندوتش<==مو حوباً فيه بس عشاني متعيجزه اسوي شي ثاني:6

فتحت الدولاب عشان اطلع الجبن و مالقيت جبن:"

قلت الشكوى لله اكل ساندوتش بينت بوتر مع جام?: وبما اني ارجف من الجوع رحت سويت لي ثنتين و قعدت اكلهم كذا لحالهم بدون عصير و لا شاهي و لا شيء

لاعت كبدي من كثر الحلى على الصبح و قعدت اتغصب الى ان طفح الكيل عجزت اكمل:": ورميت الباقي و قعدت اشرب مويه و اشرب مويه عشان يروح الطعم من افمي

اكره شي عندي لما اكل شي فيه حلى ويقعد طعمه بافمي وععععع:6

شوفت الساعه كانت 4 العصر يعني باقي نص ساعه على المسلسل اللي اتابعه (لاتسألون وشو عارفه انكم كلكم بتقولون وع:6 )

قلت خل استغل هالنص ساعه و العب ليجايا يمكن اعرف حل اللغز اللي كنت موقفه عنده

وقعدت العب و ادور اروح و اجي على نفس المكان عجزت اعرف الحل:":

يوم بقى خمس دقايق على المسلسل حليته:0) اخييييييرا

وتحمست مع اللعبه جاء وقت المسلسل و قلت معليه يفوتني خمس دقايق مايضر <==المسلسل كله ربع ساعه

وقعدت العب و العب و العب ومادريت الا الساعه خمس ونص فاتني المسلسل:":

قلت بالطقاق يعني اول حلقه تفوتني يله بس خلني العب ليجايا ابرك لي

وقعدت العب و لا اسمع صوت التلفون يدق تحت ماحد راضي يرد عليه

نزلت تحت ورديت عليه مذكر مين بس المهم اني رقيته التلفون وحطيته جنبي مانيب فاضيه كل مادق انزل?:

وقعدت العب ليجايا<==ادمان:6

[flarestar]

ويرن التلفون !! انفقعت اذاني حاطته جنبي والصوت اعلى شيء وجع وجع قعدت اقول كأن المسكين يفهم:6

ورديت عليه عاد حنا تلفوننا اذا رن مايسكت اكرهه عجزت اندمج مع اللعبه كل ماتحمست دق احد علينا خلوني العب حرااااام عليكم:"

واستمرت هكزا حالتي الين صارت الساعه 9 رن التلفون بس هالمره كان غير:#


كانت حوبتي ميمي من زمان ماكلمتها لي اربع ايام تقريبا(هذا من زمان:6 )

ياحوبيلها اخيرا رجعت من الرياض (ايه تذكرت الخاينه ما اخذتني معها للرياض:" )

وقعدنا نسولف و نسولف (لاحظوا ان السوني المسكين لازال مفتوحا متعيجزه اسجل و اطفيه)

وعاد قعدنا انا ميمي نسولف ونسولف وترانا مانحش

لين صارت الساعه 11 ساعتين من السوالف التي لم تنتهي:6

جت لينا عندي

لينا:فلير تبين بوشار <==طبعا ماقالت فلير

انا منسجمه مع ميمي:هاه

لينا:تبين بوشاااار <==لاحظوا بوشار خليط بين بوب كورن و فيشار

انا:ايه ايه ابي

وراحت تسوي و انا مازلت مع ميمي

وجت لينا و معاها البوب كورن ريحته يمي يمي بس انا كنت متحمسه مع ميمي?:

وقعدت لينا تقول لي سكري تعالي كولي بعدين كلميها

قالت لي ميمي اسكر و اكلمها اذا خلصت

رحت سكرته و قعدت معهم لقيتهم الخونه شارين لهم بيبسي ولا جابوا لي معهم:غضب:

خليتهم يجيبون لي كاس و يصبون لي من حقهم وش اسوي لازم العدل:6

و بعدين عقب ما اكلت بوب كورن المفروض اروح اكلم ميمي رحت و قعدت اكمل ليجايا:# <===اثفه ميمي

قعدت فتره العب ليجايا و بعدين دق التلفون وعرفت انها ميمي ياويلي:":

بس حوبه مازعلت مني وقعدنا نسولف الى الساعه ثنتين<==ياكثر سواليفنا:6

وبعدين عطيت لينا الفرصه انها تكلم ميمي حرام وشوله الاستغلال اربع ساعات باليوم تكفي:":

ورحت قعدت اكمل ليجايا (لاحظوا ان السوني ماتسكر الى الحين)

يوم صارت الساعه ثلاث جاء اخوي من برى وشافني قاعده يحسبني مطوله و انا كنت خلاص بسجل و انام

اخوي:متى بتنامين

عاد انا اعرف اذا سأني ذا السؤال يعني يبيني اقومه للصلاه

قلت:خلاص رح نام عادي اقعد عشان اقومك للصلاه

وراح ينام قلت خل اكمل ليجايا مالي غيرها<--شكلي بخلصه قريب

عقب فتره جت لينا توها مخلصه مكلمه ميمي و تسألني متى بنام قلت لها اني مانيب نايمه لما اقوم فلان

قالت طيب و راحت انسدحت على الكنب<==عندها نية نوم بالصاله

يوم جت تتعدل على الكنب ههههههههههههههه انا هنا فقعت من الضحك هههههههههه

عشان ارضيتنا سيراميك بعدوا الكنبتين عن بعض و طاحت لينا بالنص هههههههه

انا فقعت عليها من الضحك هههههههههههههههه

بعدين نامت لينا و صرت وحيده

[flarestar]

وقعدت العب و العب و يوم اذن صارت خشتي زي كذا:0) اخير بنام رحت قومت اخوي على طول مانتظرت لما يقرب وقت الاقامه ولا شيء اول ماقال الله اكبر رحت اقومه

طبعا ماقام على طول قلت خل العب و ارجع له بعد شوي(لاحظو ان السوني الى الان يكرف)

و العب و كل شوي (يافلان قم الصلاه)و انا بمكاني حتى ماكلفت على روحي اقوم

و قام اخير او راح للصلاه بس مانمت لا تسألوني ليه:"


كنت عند زعيم بليجايا و قلت حرام بعد كل هالتقويه اطفيه بدون ما اسجل بقتل ذا الزعيم بسرعه و اسجل و انام

و قعدت احاربه و احربه راحوا اخواني للصلاه و رجعوا و انا ماقتلته :واو: وش ذا الله ياخذه قووووووي:"

جاء اخوي الصغير و قعد يتابع هذي المعركه الحاسمه معي الله ياخذ ذا الوحش خلص كل الريفايفل اليكسر (هذا اللي هامني:6 )

و اخيرا قتلته الساعه 6 الصبح ابي اروح انام و مشيت القصه لما جاء تسجيل و قلت خلني امشي شوي و اشوف وش يصير بس بعدين اسكره<==ماضيعك الا هاللقافه

لعبت لما صارت الساعه سبع و نص قلت يابنت خلاص اعقلي روحي نامي

طفيت السوني المسكين ورقيت لم غرفتي و اول مادخلت شفت ذاك الجميل اللي يخطف الانظار حبيب قلبي:#


ماقدرت اقاوم مدت يدي له و قعد المسه بلطف ............اقول عاد لاتنسجمون تراني اقصد البي سي:6

شفت ذيك الشاشه مفتوحه وماقدرت اقاوم قعدت عليه و قعدت اسوي توقيع (و القهر لما وريته لينا تقول حلو بس ان خلفيته حقت عيال:") و اشتغلت عليه لما صارت الساعه 8 ونص و رحت وتذكرت ان اخوي جايب لنا حلقات جديده من اينوياشا و كينشن (حره ياميمي )

قلت خلني اشوف<===طار النوم يوم شفت الانيمي

وقعدت اشوف حلقه حلقه و كل ما افتح حلقه اقول خلاص هذي اخر شيء و لما تخلص اتحمس للي بعدها و قعدت لما شفت كل حلقات اينوياشا و حلقه من كينشن

و لا فجأه اسمع صوت اذان:واو: ياويلي اذا الظهر و انا مانمت قلت خلاص خلاص

سكرت البي سي و صليت و ذهبت الى سريري العزيز و حظنتو دميتي المفضله:# و خلدت الى النوم الساعه 12 الظهر

قلت يله انام لم الساعه 7 العشا يكفيني و بينما انا في عز نومي ولا اسمع اغنيه سيلين ديون i'm ur angel

الله ياخذك يا لينا وش قومك من النوم

لا قمت من النوم مستحيل ارجع انام :"

غطيت راسي بالبطانيه احاول ارجع انام بس سمعت اغنيه flying without wings لويست لايف لا احبها ذي الاغنيه خلاص مابي اسمعها اذا سمعتها طار النوم من جد

انا:لينا قصري الصوت فيه ناس نايمين هنا:غضب:

لينا:يعني ماعمرك سويتيها لي

وقصرت الصوت بس مازلت اقدر اسمع بالعكس بعد يوم قصرت الصوت صرت اقط اذني ابي اسمع وش الاغنيه لا و اردد بعد

خلاص ذهب النوم الى يومون اخر لا مزيد من النوم اليوم :"تو الناس الساعه اربع بس اربع ساعات نوم شوي:"

وبث انتهى يوم السبت (مو كأنك دخلتي بيوم الاحد :6)

[HArb200]

يؤ .. كل ذا يوم . . ياساتر .

هذي يومين بيوم واحد


الشي اللي متأكد منه 100% .. يوم تكلمين ميمي .. لو تقعدين 10 ساعات .. متواصله .. شي متوقع .. وبسيط ?:

[Lucky guy]

مسكين السوني

[flarestar]

هارب:6

مافهمت:":





لكي قاي اي و الله كسر خاطري اكثر من 10 ساعات مفتوح

[Chad]

يوم السبت كنت طالع مع أصحابي من الصبح وما رجعت إلا الساعه 11 في الليل لقيت أمي مسويه حرب عشان طولت:6

المهم

ماعندي شي أقوله غير إنو يا كثر سوالفكم يالحريم

والمشكله إنو حتى أنا أحب الكلام:"

يعني لو مسكت التلفون أقل شي ربع ساعه هذا لو كنت مستعجل:#

أما لو كلمت صاحبي اللي زيي يحب الكلام فأقعد حتى ساعه أو أكثر:6

فاينلي

وطز ليجايا أند ريفايفل الكسر ؟؟؟

[Arsene Lupin]

شاربه جالون قهوة



لا و ادمان غير طبيعي للاربيجي... انا ما سبق و طير اربيجي نوم من عيني الا يوم إد يفقع وجه بارت في زينوقيرز :6



اما السفطه بين الكنبتين هههههههههههههههههه

منظر طبيعي







لا بس ماشالله تبارك الله... تحملتي كل هالفتره... و في الاخير يطير النوم ?:



لا و ازعاج غير طبيعي من لينا... :غضب:

فيه بعض الناس لو تصير لهم هالحركات دخل فيهم شيطان و سووا اشياء لا تخطر على البال :":

[flarestar]

لوسي الله يعينك على الدراسه


اي جي اجل سوالف حريم

ليجايا اسم لعبه ار بي جي و ريفابفل اليكسر اسم شيء داخل اللعبه

[flarestar]

الرسالة الأصلية كتبت بواسطة Arsene Lupin
شاربه جالون قهوة



لا و ادمان غير طبيعي للاربيجي... انا ما سبق و طير اربيجي نوم من عيني الا يوم إد يفقع وجه بارت في زينوقيرز :6



اما السفطه بين الكنبتين هههههههههههههههههه

منظر طبيعي







لا بس ماشالله تبارك الله... تحملتي كل هالفتره... و في الاخير يطير النوم ?:



لا و ازعاج غير طبيعي من لينا... :غضب:

فيه بعض الناس لو تصير لهم هالحركات دخل فيهم شيطان و سووا اشياء لا تخطر على البال :":

لا و الله و لا حتى كاس شاهي ماشربت:6

و الا ربي جي عشقي الاول و الاخير:#

ايه طار النوم من كينشن و اينوياشا :6


وشو لينوه مزعجه:غضب: على كيفه اختي و تزعجني حلاله:6


مين بعض الناس:6

[Yamato]

اقول ترا عادي 10 ساعات

انا مرة شغلته فوق 14 ساعة ولما طفيته جيت وشغلته مرة ثانية بعد ثلاث ساعات

[mib2]

مشاء الله عندك نشاء زاايد مرررره يعني ظهرك ماعورك راسك شي والا انتي متعوده اخاف انك شربتي باور هاورس او ريد بول .
وبسراحه لو انا زيك كان اي واحد يشغل اغاني فوق راسي ارميه بااي شي بجنبي قاروره عطر والا مناديل والا مفك صواميل (فين انا شغال في ورشه )
نفسي اعرف ماطفشتي انتي

[RPG_master]

ليت ذا السهر كله على لعبه تستاهل


ليجايا..وععععععع:"


سخيفه سخيفه أوس10:!


كله كوم واصواتهم كوم..خاصتا dolpin مدري وش اسمه:"


ولا اشكال الشخصيات..

ولا شعر البطل:"


واااع يا سخفها:"

[Sparta Ghost]

.......كل القصة تدو حول ليجايا ....هههههه القصة كلها حبكات هههههه...

وقعدنا نسولف و نسولف (لاحظوا ان السوني المسكين لازال مفتوحا متعيجزه اسجل و اطفيه)

مسكين والله السوني كيف تحمل .....!!


ضحكني الموقف اللي صار مع لينا ...هههههه .....

هذا مو يوم أسبوع كامل ...ده :واو:

[cubelover]

لينا:يعني ماعمرك سويتيها لي

دم الأنتقام حار



أربع ساعات يا فلاري الله يعين بابا