مايخصك
جات بعد عامين تنشد كيف حالك
قلت طيب .. بعدها غمضت عيني
خفت لا تلمح بعيني شخص هالك
أهلكه طول الغياب ومات فيني
قلت بسأل ..قالت : أسال ويش سؤالك؟
قلت : يوم أنك رجعتي لي تبيني؟
ويوم رحتي ليه خليتي خيالك
كل ما سجيت عنك يبتليني
الله لا يوفق عدوك وش طرالك ؟
تتركيني جالس أفرك في يديني
رحتي وكان المسا مظلم وحالك
كنت أدور فيه عنك صدقيني
ليه صدقتي الكذوب اللي حكا لك
وليه أصلا ما رضيتي تعلميني؟
قلتلك : وش قال..قلتي : وانت مالك؟
روح حد الله بينك وبيني
جاوبيني شفتي ويش سوا هبالك ؟
والا تدرين اسكتي لا تجاوبيني
صدقيني يالجواب اللي في بالك
ما يعوض ما فقدته من سنيني
كل هذا وتساليني كيف حالك !
ما يخصك زين .. يالله فارقيني
للشاعر محمد عويضه
..
