طريقة تنزيل الملفات من MIRC
السلام عليكم
في اول ( و يمكن اخر!) موضوع اكتبه في هالمنتدى المميز , ودي ابارك لكم بأنفسكم.. لأن هالمنتدى فعلا اكبر تجمع لفريكس الانيميشن العرب.. و أشكركم على احيائه..:-):-)
ليش هذا يمكن يكون اخر موضوع لي؟ عشان ماشالله ماتركتوا شي.. كل شي كاتبين عنه!! و كاتبينه ناس ابخص مني الف مره (فرحت مثلا اني شفت سبيريتد اواي) Spirited away ) وهو توه طالعوقلت خلني اكتب عنه
لكن لقيت شي جانبي اغلبكم يعرفه لكن ما كتب عنه بالتفصيل, فقلت خل أكتب عنه .. كيفية تنزيل الملفات من الام اي ار سي (MIRC ) باستخدام ال ( F Servers )..
علاقة الشي هذا بالانمي انه في اشياء نادره ما هي موجوده مجاناً في الانترنت الا فيه.. مانجا برزرك مثلا , قلبت الانترنت فوق تحت ادوره , ما لقيت احد يقدمه كامل, في افضل الحالات يحطون جزء كل شهر.. حل ما ينفع الفريكس!?:?:
لكن لقيته كاااااااااامل و مترجم و سريع و بلاش في الام اي ار سي...
بالضافة الى هذا فعندهم مكتبه هائلة من الانيميشينات و المانجات و صورها و أغانيها:0) :0)
المقادير :
1 فريك , او حسب الرغبة
1 كمبيوتر
1 ام اي ار سي نزله من هنا
1 موكا كرش لزوم الرواقه
الوصفة:
شغل البرنامج, و لا تشبك في الدال نت.. رح لاسفل الشاشه و أكتب :
/server -m irc.wondernet.nu
بيشبك لك في القناة.. و ينفتح لك صندوق فيه أسماء غرف.. اكتب فيه اسم الغرفه و هي: #hawks
من هنا تقدر تنزل بعض الملفات لكن الاهم عندي هو الارشيف وهو اللي فيه الاشياء المهمة..
لتنزيل الملفات من غرفة الهاوكس ( #hawks ) :
هذي الطريقه معقده شوي و محتوياتها ماهيب ثابتة, لكن اشرحها هنا للفايده..
اكتب !list
بيطلع لك لسته من السرفرات و معلومات عنها مثل هذا:
-Lafiel_- [Fserve Active] - Triggers:[/ctcp Lafiel_ new stuff & /ctcp Lafiel_ old stuff] - Users:[0/5] - Sends:[1/1] - Queues:[2/5] - Record CPS:[45.1kB/s by seravi3] - Files Sent:[442] - SysReset 2.51
الشي هذا مكون من :
1- اسم السيرفر: Lafiel
2- نوعه او حالته : Fserve Active
3- الزناد ( Trigger ) او الامر اللي تكتبه عشان تتصفح محتوياته : /ctcp Lafiel_ new stuff و في هذي الحاله فيه قسم ثاني من السيرفر و هو : /ctcp Lafiel_ old stuff
4- عدد المتصفحين ] العدد المتاح /العدد الموجود[ : Users:[0/5]
5- عدد الملفات الجاري ارسالها ] العدد المتاح / العدد الجاري [ : Sends:[1/1]
6- الملفات التي في الانتظار ] المتاح / الذي بالانتظار ليرسل[ : Queues:[2/5]
7- اقصى سرعه وصلها السيرفر: Record CPS:[45.1kB/s by seravi3]
فما عليك الا ان تختار السيرفر اللي تبيه و تكتب الزناد حقه كامل..
بعد ما تكتب الزناد و ترص Accept بتكون دخلت السيرفر, و من هنا كأنك في الدوس, الاوامر اللي تحتاجها كلها هي:
DIR : عشان يصف لك محتويات المجلد اللي انت فيه.. بتلا حظ ان الملفات نوعين:
1- مجلدات:
مثل: Berserk
وهذي عشان تدخلها تحط قبلها امر صغينون : cd
يعني تقول cd berserk و من هناك تشوف محتوياته الين تلقى الملف اللي تبغاه..
(اكتب cd.. عشان تطلع من المجلد)
2- ملفات:
وهذي تلقى في اخرها نقطه و نوع الملف و بعدين حجمه, مثل:
[a-d]captain_tsubasa_2002_01_redo_06093a0a.avi 59 MB
neon genesis evangelion - death and rebirth.avi 73 MB
berserk - 09 - assassination.avi 73.5 MB
اذا بغيت احد منها اكتب get و بعدين انسخ اسم الملف قدامه ( بدون الحجم, تقدر تظلله و تضغط Ctrl + C و بعدين تفكه و تضغط Ctrl + V اريح[
مثل :
get berserk - 09 - assassination.avi
اذا كان عنده مساحة بيبدا يرسله لك, او بيخليك في الانتظار ( queue ) ..
بقية الاوامر:
Sends : يوريك االملفات اللي ترسل الان و كم يبغالها وقت
Queues : عشان يعلمك كم ملف بالانتظار
Clr-queues : يمسح طلبات الانتظار اللي ارسلتها
Exit : يطلعك من ال F server
لتنزيل الملفات من ارشيف الهاوكس ( #hawks-xdcc )
:
وهذا هو لب الموضوع عشان التنزيل من هنا سهل مرررررررررررررره:
1-اكتب : /join #hawks-xdcc ( ولا تطلع من غرفة الهوكس)
2- انتظر اللين تطلع لك اللسته ( 3 دقايق بالكثير( جغمة موكا
.
.
.
<BoH-DCC01> #3 197x [176M] Baki 1
<BoH-DCC01> #4 162x [188M] Baki 2
<BoH-DCC01> #5 153x [178M] Baki 3
3- اختر الملف اللي تبيه و شف رقمه
4-اكتب الامر التالي:
/ctcp BoH-DCC01 xdcc send #x رقم الملف
مثلا ابي باكي 2, اقول :
/ctcp BoH-DCC01 xdcc send #4
بيقوللك ابشر, قل اكسبت ( جغمة موكا
(لازم تكون موجود في غرفة الهاوكس الاولى طول الوقت)
معاني الكلمات:
الكلمه __:__معناها
فريك __:__ مجنون
جغمه __:__ جرعة
برزرك __:__ احسن شي ياباني في العالم
ملاحظة: قد تبدوا الطريقة صعبة , و هي حوسه اول مره تسويها.. لكن سوها مره وحده و بتلقا اشياء كثيره و نادره في متناول يديك..:-)
تحذير صحي : تعاطي البرزرك يؤدي الى الادمان الذي قد يقود الى تحطيم المستقبل, تدمير الحياة الاجتماعية, تزليب الدراسه و الارق.. هناك حالات مسجلة لهذه العوارض ليس ارسين لوبين اولها:6 و لست انا اخرها:":".
والسلام..
اسئلة؟
رد مع اقتباس
