حاله خاصه ..

**العمدا** · 27-02-2003, 10:17 PM

السلام عليكم

هذه قصه او شي مثل كذا قريته من فتره .. ومن شوي صار لي شي وتذكرته .. المهم انه بتصرف ":"

يقولوك يا طويل العمر صديقين اثنين ضاعو في الصحراء

وقعدوا يمشون ويمشون وذبحهم العطش ووصل بهم موصل الله لا يورينا

وشوى بدأوا يتناقشون بهدوء على اقرب طريق لعين مويه ..

فالنقاش اشتد وبدأ رفع الصوت وشوى الا الاول يصك الثاني كف على وجهه ..

الثاني ما سوا شي غير انه كتب على التراب ( في هذا المكان صفعني خويي كف )

المهم كملوا المشي وشوى الا لقوا عين مويه ..

شربوا وعينو من الله خير ..

همن نزلوا يسبحون ..

الى انصك كف ما يعرف يسبح ..

فبغا يغرق فطلب من صديقه انه ينقذه ..

فانقذه صديقه ..

يوم طلعه ..

الا والى انصك كف يطلع سكين صغيره من جيبه ..

...

..

.

المهم عقب ما طلعها نقش على صخره جمبه .. ( في هذا المكان انقذني خويي من الموت )

طبعا الثاني استغرب .. وساله وشوله يوم طقيتك كتبت على الرمل .. وهلحين يوم انقذتك نقشت على الصخر ..

قاله لانه الكف شي عابر مر وراح ..

لكن انقاذي من الموت .. شي مستحيل انساه ..

--

القصه بسيطه ..

ولكن بها معاني كبيره ..

نشوف ارائكم حولها

ملاحظه : العنوان مال امه داعي .. لانى عجزت القي عنوان زين :#

--

على الطاري فيه دعايه .. بس تراها قويه من قلب لا تفوتكم :6

http://www.mybiznas.com/eoon/Advert..wmv

تشاو