مقدمة لافتتاح منتدى التصوير الضوئي -1-

[Neo Cid]

السلام عليكم و رحمة الله و بركاته ..

قبل فترة دخلت بمنتدى الاقتراحات قبل تجديد المنتدى .. و اقترحت فتح منتدى خاص بالتصوير الضوئي .. على حسب ما قالت لي الاخت يارا أني احاول أجرب بكم موضوع .. و إذا شافوا فيه تفاعل راح يفتتحون المنتدى المسمى بمنتدى التصوير الضوئي ..

انا بعرض لكم كم صورة مصورة من قبل أقرباء لي ... أو أنا مصورهم من نفسي ..و أتمنى من الجميع المشاركة في الموضوع عشان نشجع الادارة على فتح منتدى التصوير الضوئي .. حاولوا كثر ما تقدرون .. لو عندكم صور جميلة و حلوة مصورها أحد .. سوو لها سكان scan و عرضوها بالموضوع ..

الصورتين الاوليتين .. صورهم خالي من أمريكا .. من ولاية ماساتشوسيتس .. مدينة Boston .. الصورة ملتقة قبل فترة قريبة .. شوفوها و التعليق لكم يا أخوان ..

[Neo Cid]

و سيارته الغورولا ..

[RPG_master]

اذا تبغى موؤيدين للفكره فأنا مؤيد:6


حلوه الفكره وانشالله يفتحونه..

[Musou]

هااااااي Neo


اظن اعطيتك رأيي من قبل في another place بس علشانك:

أنا أؤيد!!!

[mohammed111]

فكرة حلوة
خاصة اذا كانت الصور مصورها العضو نفسه
وانا من هواة التصوير وعن قريب بشتري كاميرا ديجتال
اريح من العادية وانشرها
وشكرا

[memy]

الفكره حلوه ...... بس يمكن محد بيشارك لانه مو كل الناس عندهم كاميرا

ديجيتال ...او يمكن عندهم كاميرا عاديه بس ما عندهم سكانر

او متعيجزين يجيبون السكانر من فوق :#

[Chad]

فكره حلوه

بس برأيي فاشله:6

لو فتحوا المنتدى فرح أجيب صور

[snow river]

والله فكره جديده فتح منتدى للتصوير ":" انشالله يفتحونه

[MoaeD]

الرسالة الأصلية كتبت بواسطة RPG_master
اذا تبغى موؤيدين للفكره فأنا مؤيد:6


حلوه الفكره وانشالله يفتحونه..

نصاب انا مؤيد :!



-----



والله الصراحه انا مو من هواة التصوير الفوتوغرافي

[Mesharey]

موافق اكيد وفكرة رائعة ...

بس بفضل يكون مكانه داخل منتديات موقع الألعاب العربي ..عشان تكون المشاركات اكثر نفس منتدى الانمي داخل المنتديات ...

خصوصا راح تكون الصور فيها فكر مبتكرة ^_^

[alamal13]

الرسالة الأصلية كتبت بواسطة Neo Cid
السلام عليكم و رحمة الله و بركاته ..

قبل فترة دخلت بمنتدى الاقتراحات قبل تجديد المنتدى .. و اقترحت فتح منتدى خاص بالتصوير الضوئي .. على حسب ما قالت لي الاخت يارا أني احاول أجرب بكم موضوع .. و إذا شافوا فيه تفاعل راح يفتتحون المنتدى المسمى بمنتدى التصوير الضوئي ..

انت وينك من زمان....انا كنت بقترح نفس الاقتراح بس انشغلت. الله يعطيك مليون عافيه...يا مشرفين افتحوا المنتدى وانا بجيبلكم مصورين كبار يشاركون ....منهم من اعرفهم شخصيا ومنهم من قمت بمراسلته من خلال النت من اجل مشروع التخرج....كما ان عندي بعض الصور الرائعه التي التقطها بنفسي او التقطها الوالد الله يطول في عمره

[Neo Cid]

واااااااااااااااااااااااااااااااااااااو

الموضوع كان ميت لمدة ثلاثة أرباع يوم بدون ردود .. ليمن أنقذة شوشان ..

RPG_master :

شكرا لتأييدك و تنوريك للموضوع ..

Dark 13 :

هلا أخوي دارك ..

اي .. علما اظن كان بمنتدى الاقتراحات .. و مشكور ..

mohammed111 :

أخيرا أخوي محمد ..

ان شاء الله تشتري الكاميرا و تشاركنا بفتح المنتدى و المشاركة فيه ان شاء الله ..

و مشكور ..

memy :

اممممممممممممممممم

بالنسبة للمشاركة بالصور .. مو مشكلة .. يقدرون الأعضاء انهم يشاركون بردود فقط ..

و حتى مو لازم كاميرا ديجيتال .. أنا بعد شوي برفق صور أنا صورتها بالكاميرا العادية .. نو بربلم ..

بالنسبة للسكانر ... فخلي التعيجز لأصحابة ..

A.J :

لا تحبط الادارة ببدايتها ..



snow river :

شكرا ..

ODIN :

وااااااااااااااااو .. خشب الطاولة رائع .. الظاهر من البرازيل ..

هلا أخوي بدر .. مشكور على مشاركتك الحربية .. و أنا كنت متأكد من أنك بتشارك

و مشكور على المشاركة ..

MoaeD :

تمام .. تمام ..

دام جذي .. ما عليك أمر عطنا شوي من لمساتك التصويرية السحرية .. ":"

و مشكور ..

Mesharey :

مشكور أخوي مشاري ..

لكن بالنسبة لموقعة .. فما اعتقد أن منتدى الألعاب بيناسب التصوير .. لأنك كل واحد مختلف بشكل كبير عن الثاني..

فيه منتدى اسمه منتديات الرسوم و التصميم و تحرير الصور .. و هذي وصلته .. هنا ! و أنا أعتقد ان هذا المكان أفضل بالنسبة لمنتدى التصوير الضوئي ..

و مشكور على اقتراحك ..

alamal13 :

أنا موجود .. لكن undercover :6

دام ان الصور عندج اختي .. يعني ما عليج أمر .. شاركينا ..


و شكرا للجميع .. سلام ..

[Neo Cid]

هذي الصورة القادمة راح تكون ملتقطة بالصيف الماضي ..

و موقع التصوير هو : ماليزيا Malaysia ..

طبعا الكاميرا هي عادية فوتوغرافية وليست ديجيتال ( للحين ما وصلت لنا التكنلوجيا )

+++++++++

أول صورة التقطها اخوي من بلكونة الفندق .. تدل الصورة على منظر الغروب عندنا بالمريخ ..

[Mesharey]

الرسالة الأصلية كتبت بواسطة Neo Cid
لكن بالنسبة لموقعة .. فما اعتقد أن منتدى الألعاب بيناسب التصوير .. لأنك كل واحد مختلف بشكل كبير عن الثاني..

فيه منتدى اسمه منتديات الرسوم و التصميم و تحرير الصور .. و هذي وصلته .. هنا ! و أنا أعتقد ان هذا المكان أفضل بالنسبة لمنتدى التصوير الضوئي ..

نسيت منتدى الرسوم وتحرير الصور :": ..

نفس ما قلت انت منتدى الرسوم وتحرير الصور الأفضل اكيد ..

----------------
أول صورة التقطها اخوي من بلكونة الفندق .. تدل الصورة على منظر الغروب عندنا بالمريخ ..
---------------
رهيييييب :واو: هذي على الأرض !
اللي اقدر اقوله ان المنتدى الجديد مهم بصراحة ..وأول خيره بالموضوع فوق ^^

[RPG_master]

ما أنصح انه يكون داخل منتديات الرسوم لأنها تقدر تقول مخفيه..


موب مخفيه لكن من راح يتوقع ان منتدى مثل هذا راح يكون موجود داخلها..



انا أقول بما انها فكره جديده وحلوه واتوقع لها النجاح


يصير لها منتدى خاص بالواجهه الرئيسيه..


لأنها بهالطريقه ممكن يصير من المشاركين مصورين محترفين..


اما لو صار داخل منتدى الألعاب او الرسم ما اعتقد انه راح ينتشر ويشارك فيه اعضاء من الخارج..


ارجو انك تكون فهمت الي ابي اوصله..وشكرا