نصيحه لكل شاب او بنت في الثانوية

[wolfwood]

معليش اعذروني على الموضوع مو هينى محله لكن............انا والله لعبت كثير في الثانويه جبت نسبه 87% لكني ما قبلت في تخصص محترم وما عندي واسطه المهم اضطريت اطلع للامارات و اتغربت البلد ممتازه لكن............الغربه تسوي بلاوي. نصيحه شدو حيلكم و خلو اللعب بعد النسبه





اعتذر من المراقبين و الاخوه والاخوات الاعضاء لكن..........الغربه شينه لاحد يحسب ان الدراسة في الخارج شي جيد بالعكس والله دمار



i feal pathetic after this and i apolgize for any disconvineace

[سكوال الصنديد]

هذا منتدى الأنمي أيها الصديق وعلى العموم موفق

بأذن الله تعالى:0) :0) :0) :0)

[Arsene Lupin]

يا رجال وسع صدرك... هي كلها كم يوم ثم انشالله تتعود...



انا الحين ابكمل انشالله ثاني سنه في امريكا... كلامي مثل كلامك اول ما جيت :6



لا و احمد ربك... انت في الامارات... نفس اللغه اهون.. لا و قريب من اهلك... ما بينك و بينهم قاره و محيط :6



و بالتوفيق للجميع

[wolfwood]

مهمى كان الدراسه في الخارج تضيع الواحد

[alamal13]

الرسالة الأصلية كتبت بواسطة wolfwood
معليش اعذروني على الموضوع مو هينى محله لكن............انا والله لعبت كثير في الثانويه جبت نسبه 87% لكني ما قبلت في تخصص محترم

i feal pathetic after this and i apolgize for any disconvineace

ما شاء الله هذي النسبه وما نقبلت؟؟؟؟

على العموم احنا بالامارات كلنا اهلك واذا احتجت اي شيء عندك انا ودارك لورد وبطل الامارات وروايه وجراندايزر وسوبر سايان ورعبوب وكثيرييييين غيرنا من الامارات.

انت بس اشر بصبعك واحنا تحت امرك نساعدك باللي تريده والله يوفقك اخوي.
:-)

[Tallica]

والله انك تحوم حول الصواب يا رجال.. لكن ريح نفسك و ريح بالك و استفد من هالخبرة و هالفرصة اللي ما تحصل لكل احد.. هالحين تتخرج و ترجع انشالله و تشوف انك احسن من اغلب اخوياك اللي قعدوا و درسوا في مدنهم و بين اهلهم .. أحسن منهم من ناحية انك اكثر مسؤولية و تفكير في عواقب الاشياء عشانك احتكيت بالحياة اكثر منهم, اللي يقعد تحت اجنحة اهلة في اشياء كثيرة ما يتعلمها .. فوسع صدرك...


و بعدين ياخي مهما كان , الامارات ماهيب غربة.. اي ديرة تسمع فيها الاذان ( و فيها محلات شاورما ) هي ديرتك, وان كانوا اهلك ماهوب ساكنين فيها..

على العموم احنا بالامارات كلنا اهلك واذا احتجت اي شيء عندك انا ودارك لورد وبطل الامارات وروايه وجراندايزر وسوبر سايان ورعبوب وكثيرييييين غيرنا من الامارات.

و شف, وش تبي اكثر من كذا دلع!

وسع صدرك يا رجال واحمد ربك و تفرج على ارسين واضحك .. هذاهو مسيكين متجمدة ديرته في عز الربيع ما يقدر يعتب باب عمارته.. و ماعنده محلات شاورما..

[wolfwood]

اشكركم كلكم ولاحد يستغرب لانه قي السعوديه التخصصات الجيدة يبيلهل نسبه 90% والي يجيب اقل يتوهق على العموم مشكور والحمد لله على كل حال. والحمد لله البلد ما فيها شي بالعكس ممتازة (والانمي متوفر)لكن الشوق والحنين للوطن ذبحني

[DarkLordDragon]

سلام أخوي... كيف حالك ان شاء الله مرتاح! المهم أول شيء أشكرك على هذا التنبيه والنصيحة بس كان بيكون أفضل اذا كان في المنتدى العام لكي يعم الفائدة والجميع ينتبه لهذا الموضوع, لأن الأنيمي ليست هي التي تضيع الوقت ولكن الأنترنت وبشكل عام... المهم 87 نسبة ممتازة بالنسبة للشباب الذي في الأمارات, حياك الله في بلادنا أخوي الحبيب... بس أريد أعرف أنت تقول أنيمي متوفر, اتصدق أنا أذبح عمري بس ما لقيت شيء الا في البريمي وان شاء الله بتتعود علينا وان شاء الله بتعود الى بلادك موفقا... سلام!

[Yurilin]

إن شاء الله راح أحاول إن شاء الله أشد حيلي على الدراسة..
وهذه نصيحة من ذهب شكرا0
مع تحياتي:yuri7h20

[~Kitty~]

السلام عليكم

الصراحة انا اكره الدراسة بس غصبن علي ادرس علشان اييب معدل يدخلني الجامعة انشاء الله بتخصص حلو :-)

وهالايام ما ادري اشفيني خابة روحي على الانمي خبة و اجابلة بالساعات يعني معظم وقتي تقريبا انمي بالاضافة الى السوني و ربعة دراسة حتى صديقاتي ملاحظين و يقولون لي شفيك كاشتة بالدراسة .

لان الصراحة الانمي اول ما دشيت بمجاله ما قدرت اهدة ( شني مدمنة انمي) لان الانمي مشوق و رائع :-)

و الحمد لله معدلي زين بس قبل الامتحانات اتوهق:6

واشكر العضو الشاطرwolfwood على النصيحة الحلوة
;-)

bye :-)

[arucard]

بالتوفيق ان شاء الله اخوي

واظغط على نفسك هالكم سنه وان شاء الله ترجع لديرتك

وتراك انت الحين بين اهلك بعد

وحاول انك ماتفش غلك بالنت وماتنتبه لنفسك لانك جبت العيد بمجموعك النهائي

وبما ان ابوك درسك بفلوس لازم تحلل هذه القيمه وتجي بشهادة ترفع الراس وتعوض امك وابوك عن الي اصرفوه لك<وانا ما اقصد انهم يبون افلسهم>اقصد ان ترفع راسهم

وحاول انك تبعد عن الشلل والطلعات الي ما منها نفع انت جاي بمهم وهي دراسه

وانت في سبيل الله حتى ترجع;-)

[SHADOW HEARTS]

أما أنا من الشلل اللي تطلع وتنكت لاكني وقت المذاكرة ولا بلدوزر تباعدني عن الكتاب إلا في حالة واحدة و هي : وجود عصير رمان ^_^.

ولا تخاف عليهم ^_^ كل واحد فيهم يكسر روحه في المذاكة ولا تيأسوا


تحياتي SHADOW ^_^