شاركوني....الطموح......

[Lena]

السلام عليكم



كيف الحال كلكم



الموضوع هالمره موب سوالف كما اعتدتم مني....


هو عباره عن شي ببالي وابي اتناقش فيه



لاني فعلا احتاج لنصايح و آراء غيري ....



الموهم


بفتح لكم الموضوع بالهمقدمه ......

ولدت هالبنت وامال كبيره معلقه فيها

امال انها تكون ولد!!!

ابوها اشتاق للاولاد...طبعا هالبنت ذي جت وراء بنتين...النفس مشتاقه للتغيير...


زفرت الافواه ب"اوف"بنت؟يوم ولادتها.....


و هالبنت طلعت شي غير الي كانوا يتوقعونه


بطريقه من الطرق هالبنت ملئت لهم الجو ..كانت تضحك طول الوقت...ضحك لا يخلو من مشاغبه...

ولما دخلت المدرسه.....برهنت على تفوق مميز..

امها علقت عليها امال كبيره..فهي اكثر وحده تعتبرها من اولادها كلهم عندها طموح...


كانت هذي البنت الصغيره الي ياما عشقت ملاعبه الدمى وتمثيل دور الام

قمه وناستها انها تقعد في زاويه ضامه عروستها وتقولها اغنيه النوم.ولا تدخل المطبخ وتلعب عشان تخترع طبخه....ولا تروح تسقي زهرتها اليتيمه الي في الحوش...ولا تهتم بزينتها وملابسها.....

واكيد كانت فيها شويه صبيانيه في بعض الاحيان.....لكن كان ذاك الجانب طاغي اكثر...

كانت تحب حياة البيتوتيه...


موب منتبه لهالشي الي فيها ونظره امها لها ...كانت سارحه في عالمها الصغير...


كبرت البنت وهي لسى موب ملاحظه هالشي الي يعتبرونه مميز فيها...تفوقها...

ظلت تجيب علامات ومراتب بالدراسه وامها تفتخر بالجانب هذا فيها وترسم امال وامال..


جاء وقت الدخول للكليه.....او الجامعه........لانها تخرجت من الثانوي .وخلنا نقول بنسبه عاليه........


"يا ربيه اقول يا زين قعده البيت يمه:6"قالتها بسخريه يوم جت تسجل بالكليه...

امها:" لا يابنتي وش دعوه طول عمري استنى هاللحظه ودي وحده من بناتي تدخل بقسم عالي"



البنت احتارت وش تسوي..هي عارفه انه بداخلها ما فيها ذيك الرغبه والجوع للعلم...بس الامال المنحطه عليها كبيره....ما بغت تكسرها.....


استخارت ربها...واخيرا سجلت بقسم صعب...صعب جدا.......ولكن يقولون لها مستقبل تراه له مستقبل.....وانتي قدها وقدود



القسم هو الحاسب الالي



بس اظنكم الحين عرفتوا هالبنت:6



ايه ايه صح ......انا:#

بس كل هالمقدمه الطويله العريضه عشان احسسكم بالجو الي عايشته انا...


اخر كلمه قالوا لي"له مستقبل ترى له مستقبل"

هالكلمه تخرعني مدري ليه:":


وهذا الي ابي اتكلم عنه هنا...


اعرف نفسي مهنا ذاك الطموح والرغبه بالدراسه.....بس كلما يقولون لي نسبتك.......قسمك.....شطارتك.........يحسسوني بمسؤليه........


كل من اقوله طموحي ...اربي عيالي واقوم الصبح انا افطرهم وانا ارعى ببيتي....وانا الي استقبلهم اذا رجعوا........


قعدوا يضحكون علي ويقولون"اما طموح خارق:6 "


وش اسوي اهك على نفسي.....يقولون اقعدي ببيتك احسن ليه تدرسين حاسب بدام هذا طموحك.......


انا داخلته عشان كلن حسفني على نسبتي.......

صدق اني ما توقعت يوم من الايام تصير دراستي بالاله الي ياما كنت اقول عليها اله غبيه "وع وش كمبيوتر بلا خرابيط"


يقولون الوظيف فلوس.يتكون جنبك تساعدك في عمرك.....

وهم شي يقولون"الرجال اذا جوا يتزوجون يدورون عالمره الي لها وظيفه"

صدق احس فيهم مع ظروف هالزمن الصعب...ولكن هل اخلي شغاله تربي عيالي!!!


كني بعدت عن الموضوع:#



فهنا ابيكم تنصحوني وش رايكم......؟؟

وانتم ايش طموحكم.........ايش تبغون تصيرون..........


ابي رايكم........وانا بعلق على ارائكم ...وكل واحد يعلق عالثاني.........كل واحد يتكلم عن نظرته لنسفه بالمستقبل وش يتمنى يكون..........



من جد ترى نبي نتكلم موب طنازه.وهذا الموضوع لكم كل ابوكم لاحد يقول موضوع لينا ......


خوذوا راحتكم


وانا بسمع لكم .........

يلا...

[AL_7RBY]

انا كان حلمي اني اصير طيار بس مأظن الحين الحلم يبي يتحقق لأن النسبة ماتساعد ابد :6

بس الحين اهم شي عندي اجيب نسبة معقولة تدخلني بوظيفة مريحة فيها فلوس كثيرة $_$ ":"


و الأهم من ذلك كله اني اظل عزابي

[snorlax]

سلام لينا .. تراني خشيت جو مع قصة حياتك

مقدر شعورك .. انا قبل ما استشير كنت ناوي ادخل علم أرض .. عشان اخوش أرامكو زي السلامو عليكو .. لكن أحس ميولي كمبيوتر أكثر ..
تصميم صفحات ويب و فلاش فاخذت نصيحة من صديق اني ادخل
Computer Science ... بعدييييين يوم من الايام .. كلمت أليكس

قلي لا علم الارض ولا علوم الحاسب لهم مستقبل .. ادخل طب وافتحلك صيدلية :": تجيبلك خير .. المهم انا بالثانوي .. وعندي وقت طويل افكر فيه وبدري ...

اما بالنسبة لموضوعك .. طموحك خارق جدا بالنسبة لبنت
اعتقد ... الخيار الاول و الاخير لكي .. بعدين جربي ادخلي حاسب .. مو صعب >> easy 4 me to say

لو مشي حالك كملي لو ما فلحتي .. اطلعي بكل بساطة وارجعي لحياتك الاجتماعية

ثاني شي عيالك بيربيهم خدامات ?: :":
شوفي حل لهالمشكلة

ادري شكلي طولت آسف :6

[Lena]

الرسالة الأصلية كتبت بواسطة AL_7RBY
انا كان حلمي اني اصير طيار بس مأظن الحين الحلم يبي يتحقق لأن النسبة ماتساعد ابد :6

بس الحين اهم شي عندي اجيب نسبة معقولة تدخلني بوظيفة مريحة فيها فلوس كثيرة $_$ ":"


و الأهم من ذلك كله اني اظل عزابي

مثل وطيف الحاسب دايمن مريحه وفلوس كثيره

يعني حلو انت ودك بالهاشي وتحس راضي بطموحك ومرتاح هذا اهم شي



عزابي?: :6

[Lena]

الرسالة الأصلية كتبت بواسطة snorlax
سلام لينا .. تراني خشيت جو مع قصة حياتك

مقدر شعورك .. انا قبل ما استشير كنت ناوي ادخل علم أرض .. عشان اخوش أرامكو زي السلامو عليكو .. لكن أحس ميولي كمبيوتر أكثر ..
تصميم صفحات ويب و فلاش فاخذت نصيحة من صديق اني ادخل
Computer Science ... بعدييييين يوم من الايام .. كلمت أليكس

قلي لا علم الارض ولا علوم الحاسب لهم مستقبل .. ادخل طب وافتحلك صيدلية :": تجيبلك خير .. المهم انا بالثانوي .. وعندي وقت طويل افكر فيه وبدري ...

اما بالنسبة لموضوعك .. طموحك خارق جدا بالنسبة لبنت
اعتقد ... الخيار الاول و الاخير لكي .. بعدين جربي ادخلي حاسب .. مو صعب >> easy 4 me to say

لو مشي حالك كملي لو ما فلحتي .. اطلعي بكل بساطة وارجعي لحياتك الاجتماعية

ثاني شي عيالك بيربيهم خدامات ?: :":
شوفي حل لهالمشكلة

ادري شكلي طولت آسف :6

اكره هذا الوجه معليش بس باخذه بطيب نبيه:6

وقصه حياتي مدخل لتفكيري فهمت


هو موش طموح ولكن اقدر اقول مالي طموحات عاليه جدا اني اشتغل زي باقي البنات الي ودها تشتغل بمكتب ولا ببنك انا ولا همني مدري ليه


الطب حلو بس يتعب مره ومده شغله كثير صدق انه يجبي فلوس بس يصلح لولد اكثر منه لبنت


مفروض دخلت القسم الي يرتاح له قلبك مو الي قال عليه اليكس:6


صدق اهم شي انك تحب الي تشتغل فيه

وبالعكس الحاسب مره تمام اخوي على طول وظفوه ومرتب عالي ولا فيه تعب بالكرسي قاعد


الطب تعب:":


سنور لاكس انا داخله حاسب وخلاص:6 فاهم يعني مو مشكله الاختيار خلصت منها ومشايه بالقسم تمام


بس مشكلتي ما عندي طموح زي العالم:" لبعدين اذا تخرجت

وانا اتكلم عن بعدين اذا اشتغلت وانا متزوجه من يربي عيالي فهمت موش الحين عندي عيال:6 :#


بالعكس ردك رائع احوب الردود الطويله^_^

[snorlax]

الرسالة الأصلية كتبت بواسطة Lena


اكره هذا الوجه معليش بس باخذه بطيب نبيه:6

وقصه حياتي مدخل لتفكيري فهمت


هو موش طموح ولكن اقدر اقول مالي طموحات عاليه جدا اني اشتغل زي باقي البنات الي ودها تشتغل بمكتب ولا ببنك انا ولا همني مدري ليه


الطب حلو بس يتعب مره ومده شغله كثير صدق انه يجبي فلوس بس يصلح لولد اكثر منه لبنت


مفروض دخلت القسم الي يرتاح له قلبك مو الي قال عليه اليكس:6


صدق اهم شي انك تحب الي تشتغل فيه

وبالعكس الحاسب مره تمام اخوي على طول وظفوه ومرتب عالي ولا فيه تعب بالكرسي قاعد


الطب تعب:":


سنور لاكس انا داخله حاسب وخلاص:6 فاهم يعني مو مشكله الاختيار خلصت منها ومشايه بالقسم تمام


بس مشكلتي ما عندي طموح زي العالم:" لبعدين اذا تخرجت

وانا اتكلم عن بعدين اذا اشتغلت وانا متزوجه من يربي عيالي فهمت موش الحين عندي عيال:6 :#


بالعكس ردك رائع احوب الردود الطويله^_^

كنت احسب انك تجاهلتي ردي
كنت متابع الموضوع بعد رد الحربي لمدة 5 دقايق :":

خارج عن الموضوع .. ايش كان شعورك لمن قال ابوكي أففففف بنت بنت :":

أحس احساس مو حلو >> طيب نية ^_^

[RPG_master]

بالنسبه للطموح اعتقد اهم شي الحين توفر المال علشان يترتب عليها اشياء عدة أخرى

بهالوقت موب نافعك وظيفه..


التجاره ازين شي:6..


يعني ودي ابدأ بمشروع ولو بسيط ومع الوقت يتوسع..

لكن يبيلها مخ تجاري بحت



بس المشكله الواحد يتعب ويتعب ويقعد يحلم ويخطط بأشياء وتجي حرب تمحيها كلها:6 ..

دراستك على أحلامك على تجارتك ووظيفتك الخ..

[Lena]

الرسالة الأصلية كتبت بواسطة snorlax



كنت احسب انك تجاهلتي ردي
كنت متابع الموضوع بعد رد الحربي لمدة 5 دقايق :":

خارج عن الموضوع .. ايش كان شعورك لمن قال ابوكي أففففف بنت بنت :":

أحس احساس مو حلو >> طيب نية ^_^

لا وش دعوه برد على كل واحد لحاله لاني من جد نفسي نتلكم بالموضوع ذا عن الطموح



اما سالفه البنت .......بدون مقدمات بكيت لما امي قالت لي..

والحين احاول اثبت لهم هالبنت وش تقدر تكون:6

[Undine]

تحزن قصتك تذكرني بانديني ومعاناتها:#


انا عن نفسي دخلت الجامعه عشان اهلي ابلشوني بهالجامعه

ومضيعه للوقت فقط!!ّ

يعني انا لا ابي اشتغل مستقبلا ولا شي .. عاد ما يندرى

اذا بشتغل بصير مدرسة فنيه... ارسم جرّه وبحر وسفينه للبزارين

المنهج اللي عيا يتغير :6

وانا اصلا تخصص انجلش يعني مااستفدت شي


بالنسبه للطموح :6 الحريم بالسعوديه يا مدرسه

والا بالبيت تربي عيالها

وانا أؤيد الثانيه


يوه :": انا خبري الحاسب صعب مدري كيف متحمله
الله يوفقس بس:#

اخر كلمه قالوا لي"له مستقبل ترى له مستقبل"
هالكلمه تخرعني مدري ليه
وهذا الي ابي اتكلم عنه هنا...
اعرف نفسي مهنا ذاك الطموح والرغبه بالدراسه.....بس كلما يقولون لي نسبتك.......قسمك.....شطارتك.........يحسسوني بمسؤليه........

مي توو مااحب كلمة المستقبل ولا الدراسه



مافيه احلى من التطتنيييش



لا تشيلين هم وبتهون انشالله <<خبره بالحياه

[Lena]

الرسالة الأصلية كتبت بواسطة RPG_master
بالنسبه للطموح اعتقد اهم شي الحين توفر المال علشان يترتب عليها اشياء عدة أخرى

بهالوقت موب نافعك وظيفه..


التجاره ازين شي:6..


يعني ودي ابدأ بمشروع ولو بسيط ومع الوقت يتوسع..

لكن يبيلها مخ تجاري بحت



بس المشكله الواحد يتعب ويتعب ويقعد يحلم ويخطط بأشياء وتجي حرب تمحيها كلها:6 ..

دراستك على أحلامك على تجارتك ووظيفتك الخ..

:" اخيرا رد شوشه علي رد زي الناس ما تتطنز ولا شي


من ناحيه وطيفه انت صادق شوشه صاير العيال من يالله يلقون الا التخصصات الصعبه والي موب كلن قادر عليها



التجاره ممكن تكسبك ذهب


بس يبيلها شطاره


يعني يا تصيب يا تخيب

وهذا الي خوفني منها

اخاف من المغامره ممكن

بش فعلا اذا انت حاب هالشي وناسه والله


والله يوفقك........


طيب هل انت من النوع الي زوجتي لازم تشتغل
:6


موخ تجاري بحت":"

[RPG_master]

أخيراً اجل؟

تتطنزين:6 ؟

أوريك..

من ناحيه وطيفه انت صادق شوشه

وطيفه اجل:6 هههههههه؟!


بالنسبه لسؤالك هل زوجتي لازم تشتغل..


ما أرضى بهالشي الا بالضروره القصوى,,

اعتقد قعدتها بالبيت وتربية بزارينها أحسن لها وللبزارين:6

[Lena]

الرسالة الأصلية كتبت بواسطة Undine
تحزن قصتك تذكرني بانديني ومعاناتها:#


انا عن نفسي دخلت الجامعه عشان اهلي ابلشوني بهالجامعه

ومضيعه للوقت فقط!!ّ

يعني انا لا ابي اشتغل مستقبلا ولا شي .. عاد ما يندرى

اذا بشتغل بصير مدرسة فنيه... ارسم جرّه وبحر وسفينه للبزارين

المنهج اللي عيا يتغير :6

وانا اصلا تخصص انجلش يعني مااستفدت شي


بالنسبه للطموح :6 الحريم بالسعوديه يا مدرسه

والا بالبيت تربي عيالها

وانا أؤيد الثانيه


يوه :": انا خبري الحاسب صعب مدري كيف متحمله
الله يوفقس بس:#




مي توو مااحب كلمة المستقبل ولا الدراسه



مافيه احلى من التطتنيييش



لا تشيلين هم وبتهون انشالله <<خبره بالحياه

يا حوبيلك مثلي انتي تعجبيني اخيرا لقيت وحده طموحها مثلي:#


يا حلو العيش براحه بال والله


بس...مدري.........تخيلي الي معاك يحتاج مساعدتك وش بتسوين

اكره التدريس يع:! اسوي اي شي ولا ادرس


غثى وتعب وكل شي:":


انا دخلت الحاسب عشان كلن زن فوق راسي نسبتك لا تضيعينها........


الله يوفقس انتي بعد تهيء
انا عارفه ان قسمي موت بس الله يعين

[Lena]

الرسالة الأصلية كتبت بواسطة RPG_master
أخيراً اجل؟

تتطنزين:6 ؟

أوريك..




وطيفه اجل:6 هههههههه؟!


بالنسبه لسؤالك هل زوجتي لازم تشتغل..


ما أرضى بهالشي الا بالضروره القصوى,,

اعتقد قعدتها بالبيت وتربية بزارينها أحسن لها وللبزارين:6

انت الي يمدحك زي الي يعضك:": :6

استناست انك ما تطنزت وش فيها حق من حقوقي الاضطهاديه":"


لا نطلع عن الموضوع بليز:":

ومن ناحيه جوابك انت كوذا(تخيل بوه يد رافعه اصبعها)


اعجبني قرارك....

بس ليه؟؟(6)

[snorlax]

الرسالة الأصلية كتبت بواسطة Lena


لا وش دعوه برد على كل واحد لحاله لاني من جد نفسي نتلكم بالموضوع ذا عن الطموح



اما سالفه البنت .......بدون مقدمات بكيت لما امي قالت لي..

والحين احاول اثبت لهم هالبنت وش تقدر تكون:6

Go Get them Gurl !

احس مسلسل مكسيكي :":
يحزن .. :"
لاحظت شي ... كل بنات المنتدى تواقيعهم حلوة

... (اول مرة ارد 3 مرات بموضوع واحد O_O )

[RPG_master]

بس ليه؟؟(6)

ما أعتقد فيه أحد وده يكلم ولده الكبير او بنته بكل حنان وترد عليه قائلةً :انا حوب انتا بابا..


والزوجة أريح لها على العموم القعده بالبيت وراحة البال..

يكفي مزاج خربان واحد بالبيت:6 ..

بعد الشغل اقصد..

يعني يرجعون كلهم مزاجهم زفت بتحصل مصيبه..


لازم واحد مزاجه زفت والثاني تمام علشان يهوّن على الثاني ويواسيه الخ..