من ما قرأت !

[snorlax]

هلووووووووووووو اتس مي اجين ...
حاسب حسابي انه الموضوع ما راح يعدي صفحة
لانه شكله ما في احد منكم يحب يقرأ ...
لكن بعرض عليكم مجموعة من القصص و الروايات اللي أعجبتني ...

بدايتي في القراءة :
كنت في حصة المكتبة الصف الأول متوسط .. استعرت كتاب عجبني غلافه ...
كان اسمه ( رجل المستحيل ) .>>>> يحتك بجيمس بوند ...
كنت أحبه واشتريت له اكثر من قصة ... لكن آخر شي جابلي المرض
الكاتب مزودها شوي .. مخلي كل شي من اجل مصر ... ولكمة كالقنبلة
وركلة كالصاعقة .. ومية واحد يطلقوا عليه وما يموت ولا ينجرح ×_×
فمليت منه مع اني كنت اقرأله قصص توصل 500 صفحة أو شي زي كذا
فوقفت قراءة ... ورجعت أقرا مرة ثانية قبل عدة أشهر .. في منتدى الانمي
كانو يتكلموا عن كتاب مشهورين من بينهم (موريس لوبلان) كاتب روايات أرسين لوبين
وبعدها بديت أقرا قصص كثيرة .. بعرضلكم أحلاها بالسنبة لي :

A Man From Glasgow :
الكاتب :وليام سومرست موم / W.Somerst Maugham
رجل من غلاسكو .. هذي الرواية عجبتني لانها غامضة ومخيفة >>> كنت أقراها في الليل
و مشوقة لابعد حد .. مع انه واحد من اصدقائي يقول انها مملة لابعد حد .. لكن كل واحد
وله ذوقه .. القصة تحكي عن شخص كثير التجوال يلتقي برجل من مدينة غلاسكو .. وما أبغا
أخرب زيادة ^_^ .. للي يحب يقراها



Sherlock Holmes :
الكاتب : آرثر كونان دويل / Arthur Conan Doyle
وهل يخفى القمر .. شارلوك هولمز كان ثاني شي قراته بعد أرسين لوبين .. والصراحة
في رأيي انا شخصيا أرسين لوبين أحلى .. لكن شارلوك هولمز نبيل ووفي .. ويعمل من أجل العدالة
والحقيقة تنتصر دائما >> كونان O_O
ولها 3 أجزاء قريتهم كلهم
1- عصبة الرؤوس الحمراء - The Read-Headed League
2- الوهج الفضي - Sliver Blaze
3- المشكلة الأخيرة - The Final Problem
.. لكن آخر جزء نزل مستواه الادبي لانه قطع فترة بعدين رجع في الكتابة
والتأثير ملحوظ >>> يعني زي ما يقول خوباج طاااااااح مستواه




Jane Eyre:
الكاتبة : تشارلوت برونتي / Charlotte Bronte
تشبه أوليفر تويست >> Oliver Twist لو انكم شفتوا الفليم ^^
فتاة يتيمة وتمر بعدة مشاكل ... وتقع في حب شخص وتعمل مدرسة ويتيمة وتعيش عند خالتها
ما ادري أحس هذي الافكار متكررة في كل القصص .. لكن ما تزال القصة حلوة
وهي تعجب الجنس الناعم أكثر .. لان البطلة بنت أعتقد O_O




يتبع يقولي صور كثير O_O

[snorlax]

The Three Musketeers:
الكاتب :ألكسندر دوماس / Alexander Dumas
الفرسان الثلاثة .. رواية قديمة جدا لكاتب فرنسي .. ممممم كان لها كرتون أتذكر
هذي قريتها اليوم وانا غايب لانه النت ما كان راضي يتصل .. وقريتها في يوم واحد ^_^
عجبتني مرة .. البطل اسمه داتريان ... يقابل الفرسان الثلاثة أتوس و أراميس و بروتوس
ويسير الفارس الرابع و يبدا مغامرته معهم .. وفي مشاكل تسير في الحرب بين فرنسا و انجلترا
انا الصراحة عجبتني .. لكن نهايتها كانت موش ولا بود



Pride And Prejudice :
الكاتبة :جين أوستين / Jane Austen
كبرياء وهوى
على بالي رومانسي اشتريت هالقصة .. وما كملت منها الا 100 صفحة او شي زي كذا ...
بالنسبة لي ما عجبتني .. ممكن تعجب البنات أكثر ... o_o



Tom Sawyer :
الكاتب : مارك توين / Mark Twain
توم سوير .. مشهور أوي أوي ..فليم كرتون للحين ينعرض ..
هي ممكن تكون للاطفال .. لكنها جذبتني .. لانه اسلوب الكاتب وافكاره رائعة
حياة طفل .. يواجه مشاكل .. واشياء زي كذا لكن ما ابغا أخرب .. اقروها .. ترا تستاهل ^^



أرسين لوبين :
الكاتب : موريس لوبلان
هيييييييي من أحب الروايات والقصص الى قلبي ^_____^
رجل نصااااااب وأحيانا نبيييييل .. له 3 شخصيات .. جيم بارنيت المفتش النبيل
أرسين لوبين النصاب الحرامي .. و في شحصية ثالثة اسمها جان دنريس وسيم جدا .. وكل البنات وراه
كل شخصياته حلوة .. ودايما يحل القضايا الصعبة .. شخصية حلوة .. لو تحب الروايات البوليسية
لازم تقراها .. بالنسبة لي أحسن من شارلوك هولمز ب 100 مرة >>> رأيي الشخصي
و أكرر رأييييييي الشخصيييييي
للأسف الترجمة الموجودة عندنا في السعودية مو مرة .. لكن تمشي الحال ..
واللي قرأتهم 3 :
هم 1- السرقة العجيبة
2- لغز القصر المهجور
3- سر عقد اللؤلؤ
أحلى وحدة عندي هي ثاني وحده


لاااااااااااا :
أكره لمن يسير كذا ... لمن الصفحة تلزق بالصفحة الي بعدها أدري انكم مو فاهمين شوفوا الصورة ..
فهالحالة لازم تجيب مقص .. اذا كنت تحافظ على شكل الكتاب



Food :
لمن أقرأ أحب آكل شي .. لازم آكل .. ما اقدر أقرى بدون ما آكل ...
أحب هالبسكويت



Don`t Drink This !!
لا تجرب أو تفكر تشرب سفن أب نعناع .. طعمه رايح فيها O_O
كيفك اذا تبغا تجرب ...


هذي بعض من الكتب الي عجبتني وحبيت أعرضها عليكم .. لعل وعسى الاقي ناس تحب تقرى وتدلني على كتب حلوة
واذا قريت شي جديد بعرضه هنا
أو أي احد قرأ شي .. ممكن يشارك و يكتب نبذة عن الكتاب ..

ممكن تقولو اني فااااااااااضي لكن
صدقوني القراءة حلوة خاصة لو كنت مسافر
وشكرا لكم

[..daredevil..]

طانكس....فيري متث...

لمن أقرأ أحب آكل شي .. لازم آكل .. ما اقدر أقرى بدون ما آكل ...

يع يع.. جرب شي تاني.. :6

[snorlax]

الرسالة الأصلية كتبت بواسطة Dare_Devil
طانكس....فيري متث...


يع يع.. جرب شي تاني.. :6

:": لذيذ ياخي :":
بعدين الموضوع هذا كلللللللله وما جيت تطالع الا في الاكل ^_^؟
تعبي راح على الفاضي .. قاعد الون و احط كود Img
O_O

[{gaia_girl}]

كتب!! :!

تهيء تهيء من زمان عنها :"

أنا من اكتر الناس اللي تحب الكتب

بس جاني شيء زي البلوك و ما مسكت كتاب من ذو القعدة -____-

تصدق بموضوعك شوية خليت نفسي تنفتح للقراية :!

Go Snor!:!

من الكتب اللي انت حاطها قريتهم كلهم الا 2.. :6

و انا لو حطيت الكتب اللي احبها ما يكفي موضوع :#

بس أجل شيء طيب أولاد المدارس صاروا يقروا :6 ما شاء الله عليك.. يا ليت أخويا يسمع -___-

Note: ما هازا البسكوت؟

[..daredevil..]

لذيذ ياخي
بعدين الموضوع هذا كلللللللله وما جيت تطالع الا في الاكل ^_^؟
تعبي راح على الفاضي .. قاعد الون و احط كود Img
O_O

ياخي تعبت نفسك على الفاضي.. كان عملتها بلون واحد وبدون صور.. :6

[RPG_master]

موضوع مونتاز كالعاده يا سنور,,


بالنسبه للقراءه..ما كنت اقرأ الا لأجاثا كريستي يوم كنت اروح الطايف بالإجازات:6

من الزهق ما لقيت الا هي..


قريت اربع يمكن او ثلاث ناسي اساميهم..

على العموم منب من النوع الي يحب القراءه


وسفن أب نعنع ذا جايتني تحذيرات من كل مكان علشان لا أجربه:6

[Musou]

موضوعك رهيييييب يا سنور
(اول مرة ادري انه فيه ناس مهتمين بالروايات زيي )


عندي مجموعة كبيييييرة من الروايات...
بس مؤخرا قريت كتاب... روووووعة بكل المقاييس...

واسمه...

SHOCK
للكاتب و الطبيب: Dr. Robin Cook

نبذة عن الكتاب:

اقل ما يمكن ان يقال عن هذه الرواية هو انها سيدة قصص الرعب الطبية.

القصة تدور حول فتاتين, Joanna و Deborah, قررتا التبرع ببويضاتهما مقابل المال لدى عيادة Wingate للعقم... المهم, بعد سنتين و بدافع الفضول قررتا الإطمئنان على البويضات و مصيرها... فقامتا بالعمل لدى العيادة تحت اسماء مستعارة و حصلوا على ما ارادوا ولكنهم ايضا اكتشفوا حقائق مرعبة عن كيفية الحصول على البويضات في الحقيقة (استئصال المبيض بأكمله دون علم المتبرعة) و ايضا الغرض الحقيقي لها (عاد دوروا للكتاب وتكتشفون وش اللي حصل.... مرعب!)...

طبعا ما قدرت اكتب لكم كل شي في القصة... باقي حاجات كثير

لكن نصيحة.... حتى لو منت فاهم شي في الطب.. لا تفوت هذا الكتاب

[snorlax]

يؤؤؤؤؤؤؤ العنوان خطأ كتبته وانا متسرع كنت ناوي اكتب ( من ما قرأت !)
نسيت الهمزة وعلامة التعجب

زين 8 ردود احسن من لاشي .. في منتدى تعمه السواليف و المجون والزندقة :": >>> لا تسالوني معناها

{gaia_girl}
يا موثاقافا
زين اني فتحت نفسك
Go Girl يلا روحي جرير ولا العبيكان ^_^

لوسي
ملكة التفحيط والقيادة المتهورة
زين والله .. في ناس تقرى .. ولا انتي شكلك اجباري
بحاول ادور على القصص الي حطيتيها ^_^

Dare_Devil
مرة ثانية انشالله :":

RPG_master
نصيحة من صديق لا تشربه
وعلى فكرة اجاثا كريستي تجيبلي المرض O_O

Dark 13
لقيتك
قصة الكتاب مشوقة
انشالله بقرأه واذا عندك روايات وقصص ثانية لا تبخل علينا حططط

وشكرا لتفاعلكم

[FARES360]

هلاو سنوريلاكس ..

في الحقيقه رجعتني ^^ 340 درجه الى الوراء :6

قولي انك تمزح .. انا أقرأ ولا كتب قديمه كمان .. يا عيني أستريح بس ياخوي ..

-----------

وين شاي الحليب .. << وجبه خاصه تكمل .. عليه العشاء
-----------
وش حصلي يبغالي نظارات ...

شكرا .. Snorlax

[rushin_911]

ما شاء الله :!

كل ذي الكتب :!


عموماً إذا تبي كتاب حلو أنصحك فيه و أنصح كذلك كل الناس فهو
Gone with the wind "ذهب مع الريح"

قريته يوم كان عمري 13 على ما أظن

و إذا تبي حل لمشكلة الأوراق المتلاصقة فهذا حل يفيدك:
سخن موية عن طريق ابريق أو غيره و حط الصفحتين فوق بخار الماء(خلي البخار يجي عليهم)

طبعاً هذا الحل للصفحتين إذا تلصّقوا مع بعض و لكن ما أظنه بينفع لو إن الصفحتين أصلاً صفحة وحدة ------> أعرف غن كلامي يلخبط لكن أظن إنك بتفهمه دامك تحب الكتب

[Lena]

صراحه موضوع ولا اروع

ومفدي بعد^_^

اول مره اقرا المواضيع الطويله بس من جد مشوق.....



هل قريت لاجاثا كريستس اتوقع من النوع الي يعجبك^_^



وعلى سالفه قصص ارسين لوبين لي سنه افر المحلات ابي اقرا قصه له بس ماعرف انا بالاشياء ذي:#


يعنيي ممكن تعلمني كيف القا قصص له؟؟

والحين الي تقول له ثلاث شخصيات قصدك ارسين لوبين ينتحل ثلاث شخصيات....؟


مدري هل قد قريت قصه ارسين الي حاطها تحت اسمه...؟

اذا كانت قصصه مثل هالنعيهه صراحه رهيبه ودي اروح اشتري





والي تقول انها قصه بنات صدق انها ممله بس حلوة مره لو تشوفها بالخصوص على شكل فلم.........:6


شوركن عالموضوع الحلووو


وعلى فكره اختي تقول فعلا سفن اب وع الحمدلله عالنعمه تقول طعمه زي حلاو بولو:6

[ورد]

الرسالة الأصلية كتبت بواسطة snorlax


Man From Glasgow


مادري غلاف هالقصة كاني شايفته ..
بس ما اظن اني قريتها...


Sherlock Holmes :
الكاتب : آرثر كونان دويل / Arthur Conan Doyle



عندي الجزء الاول..
قريت كم صفحة ..وما جذبني فتركته..
بس يمكن ارجع له في يوم..


Jane Eyre:
الكاتبة : تشارلوت برونتي / Charlotte Bronte


أول قصة اقرها وتعجبني حييييل....
تأثرت بها كثير....

]The Three Musketeers:
الكاتب :ألكسندر دوماس / Alexander Dumas


ما قراتها لاني اكتفيت باني اشوف مسلسلها كرتونيا...

Pride And Prejudice :
الكاتبة :جين أوستين / Jane Austen



قرات القصة باختصار ..وكانت بايخة

Tom Sawyer :
الكاتب : مارك توين / Mark Twain



ما احتاج اقراه ...

O_O

وقرات بعد..

ربيكا

ذهب مع الريح <== بس ماذكر اذا كملتها او لا

اوليفر توسيت

مونفليت

كنوز الملك سليمان

روميو وجوليت

تاجر البندقية

السهم الاسود

ايفنهو

مئة عام من العزلة

وفي غير بس هذول اللي اتذكرهم...

[Angel whisper]

جين اير و pride and prejudice عندي ونفس النسخ اللي عندك :6

احوب دارسي:#

والثري موسكيترز وذهب مع الريح وتوم سوير حلوووين ..

سنور ما شاء الله عليك تعرف تختار

وهالبسكوت لذيذ

استخدمه دوووم في الحلويات :6

[hitler is back]

موضوع ممتاز, لكن ماحب اقرا

حتى كتـــاب كـــفـــــــاحي لهتلر ماكملته, احيانا على التصنيفات ممكن اقرا!!!