اينجل في الـ HCT .. !!

[Angel whisper]

مساكم الله بالخير ..
اشحااالكم؟؟
وشخبااااركم ؟؟

الزبدة :6

اليوم سرت الكلية .. عشان امتحن تحديد المستوى في العنقلش ..

المهم ..

تجمعنا عند البوابة عشان يدخلونا الامتحان ..

وحاطيلنا واحد بريطاني ..

دب وفيه كرشة وشعره احمر وفي النص قرعة جميلة لامعة ..
لكنه رجل لطيف ..

وعقب يانا استاذ .. البنات تخبلن يوم شافنه ..

عيونه مثل عيون Darren Hayse .. لا والله احلى بعد ..

عقب سرت عشان آخذ اوراقي ..

وكان باقي عن الامتحان حوالي النص ساعة ..

فنصحوني ان اتمشى قبل ما ادخل ..

فمشيت ومشيت ومشيت ..وبعدين مشيت ومشيت ومشيت ..

وعقب لقيتلي مدرستين استراليات .. ويلست اسولف وياهن

ولما شفت انه مب باقي شي عن يبدا الامتحان ..

دخلت القاعة ..

كان مكاني الطاولة رقم ثمنطعش ...

وكل اللي في القاعة نفس اسمي

فاتفقنا على انه ننادي بعضنا على حسب الرقم ..

يعني انا * * * * * 18 :6

كان مراقبنا واحد زول رهيب ...

ووحدة بريطانية كتكوته ^^

اول ما دخلنا كان لازم يشوفون اذا احنا حاطين سماعات موبايل ولا لا ...

فكانت البريطانية تقول .. come on ladies .. show me your beautiful ears ^^

ولحظتها اكتشفت ان اللي وياي ميح في الانقلش -_- ..

لانهم وبكل ذكاء خارق ..

كانوا يظنون انها تتطنز عليهم يوم تقوللهم جيه -_-

فقامت وحدة وقالتلها بالعربي هييه انتي تتحرينا اغبيا تيلسين تتطنزين علينا ؟؟

فردت عليها وقالت ..

نو هبيبي .. هادا موبايل ايدن هراام :واو: !!

طبعا قصدها انه ممنوع :6

وعقب كلمونا عن الامتحان ..

وانه اسئلته كثيرة ولازم نخلص بسرعة ويعني من هالكلام ..

لكنه كان في قمة التفاهة -_-

خلصته في ساعة الا ربع تقريبا ..

وانا عموما اول وحدة خلصت ..

فقلت للاستاذ اني بسلم ورقتي ..

وخذاها عني وشيك على البيانات ومادري كيف ..

وقالي خذي كل شي وياج ..

قلتله .. حتى البطاقة ؟! (((هاذي بطاقة عليها الـ ID number حق الامتحان)))

فرد وقال ..

ليش اخذها .. تبغيني احتفظ فيها لنفسي يعني -_- .. ؟؟

انا : :": .. تيب وورقة الcepa ??

هو : ما نحتاجها ..

انا : تيب .. وطلعت ..

ويلست عقب ادور في الممرات الين ما طردني واحد من الاساتذة

وكملت لف ودوران برا ..

وفجأة .. يلست ربيعتي تناديني ..

انا :ها اشفيج ؟؟

هي :انجيلوه يالهبلة ليش خذيتي الورقة وياج ؟؟

انا :يؤ !! الاستاذ قالي آخذها !!

هي : قومي عطيهم اياها الحين ولا بيعتبرونج ما امتحنتي !!

انا لحظتها .. كنت في ابعد مكان عن القاعة ..

فما كان في الا حل واحد ..

رفعت العباة .. والتنورة .. وهاتك ركض الين القاعة :6

ويوم وصلت وقفني نفس الاستاذ اللي طردني قبل ..

هو : hey you .. I told you that you can't walk in here !!

انا : me .. paper .. give .. inside ..
((كنت مب قادرة اتكلم من التعب -_-))

فاشفق علي الاخ ودخلني ..

ويوم دخلت قاعة الامتحان .. طردتني المراقبة

بس عطيتها الورقة ومشيت بكرامتي ..

وروحت بيتنا ..

بعض المشاهدات :

وكالعادة لازم اشوف اشكال غريبة عجيبة -_-

مثلا بنات لابسات عبايا بلا شيل ..

وبنت لابسة تنورة مفتوحة الي ما فوق الركبة ..

وبنت فكت عمرها من عوار الراس ولبست ميني سكيرت وهكزا ..

مع العلم بانه المتقدمات لهالامتحان اماراتيات فقط ..

والبنات ماتو عالاستاذ اللي عيونه مثل عيون دارين

وعورتهم السنتهم من كثر ما حشوا في الاستاذ بو كرشة ..

معظم المدرسات هناك طولهن 180 سم عالاقل -_-

تنورتي لفت 180 درجة وانا اركض :6

واخيرا ..

اكتشفت انه في بنات ما يعرفون شو معنى مساحة بالعنقلش -_- ..

وسلامتكم :6

وصح .. حلو توقيعي :": ؟!

[Angel whisper]

الرسالة الأصلية كتبت بواسطة ODIN
الله يعين ..انا بعد .. اختبار القدرات باقي عليه شهر من الحين... ادعولي ×_×

مرة واحد خلاني اشوف نموذج للاختبار .. وايد تافه بصراحة .. يعني خلصت اغلبه في اقل من نص ساعة ?:

فلا تشيل هم ... والله يوفقك

[{gaia_girl}]

دارين هايز ، أجل؟ x__x

نو هبيبي .. هادا موبايل ايدن هراام

ههههههههههههههههههههه رهيبة دي الست :6


أقول أنجولة ايم قلاد انو الأمتحان جاء حلو ^_^

بس مو هو الـTOEFL؟؟

أنا امتحنته لما كنت تانية ثانوي كان حلو الأمتحان ^_^

تنورتي لفت 180 درجة وانا اركض

عادي.. عااادي.. تحصللي كل أحد و ثلاثاء اثناء الركض لمحاضرة الساعة 8

قرقورة عالموضوع حوبة ^___^

[Mesharey]

بصراحة هذا اليوم عندج إينجل حلو ..

مو نفس حالاتي..:6 قاعد اليوم على صوت انفجار صاروخ *_*


ODIN
بالتوفيق إنشاءلله ..والله يوفقك ...

ومشكورة على اليوميات الحلوة ^^..حركتي فيها المنتدى النايم شوي ^_^


اي صح بالنسبة للتوقيع :6 ..كالعادة ..




رائع ..خصوصا الخط ^_^
مو نفس توقيعي >_<

ثانكس اقين إينجل ...

[عماد 18]

اكيد ابدعتي لانك جلستي في طاولة رقم 18 ":" ..

[Mesharey]

الرسالة الأصلية كتبت بواسطة عماد 18
اكيد ابدعتي لانك جلستي في طاولة رقم 18 ":" ..

...

[{gaia_girl}]

الرسالة الأصلية كتبت بواسطة عماد 18
اكيد ابدعتي لانك جلستي في طاولة رقم 18 ":" ..

و الله كنت حاسة انه حيقولها

[Angel whisper]

جايوتا :
احلىمنه بعد (L)
خلاص الحين ما احب استاذ ارسين ..
وهالامتحان .. تقدرين تقولين انه توفيل اماراتي :6
وشكلي بشتريلي مليون بنطلون من عقب سالفة التنورة هاذي -_-

لوسي :
ههههههههههه
عاد حشى .. كل امتحان بيطالعون اذني :6
عاد ليش شباك
الاساتذة والمدرسات هناك نايس ..
هههه
بس تصدقين انهم اخروا الامتحان بدون ما يقولون لنا الين الساعة 10 -_- ؟

مشاري :
هو يا اخوي حلو ومب حلو :6
لاني انتظرت انه يبدا الامتحان ساعتين تقريبا
والعفو حبووب ^^
وشكرا على رايك

عماد 18 :
تصدق من يلست عند الرقم 18 حسيت اني برقد ..
ويتني حالة حول خلتني اكرر اجابة وحدة 3 مرات -_-
<<< تبغي تكرهه في رقم 18 :6

[Angel whisper]

الرسالة الأصلية كتبت بواسطة ODIN



الي شفتيه هذا عينه من الاختبار

الاختبار الحقيقي .. 60 سؤال في نص ساعه لكل قسم...الظاهر الي شفتيه ابو 20 سؤال والا ؟

والله ما ادري كم سؤال ..

بس الاسئلة كانت سهلة ..

حتى اسئلة الرياضيات .. بالنظر قدرت احلها ..

انا خذت فيها اقل من نص ساعة وانا اسولف ويا 5 عالماسنجر

يعني صدقني سهل ..

مادري .. حاستنك مب راضي تقتنع انه سهل :":

[snorlax]

لوووووووووووووووووول @ haram
وانشالله تكوني توفقتي

رفعت العباة .. والتنورة .. وهاتك ركض الين القاعة

[Jin Kazama]

ذكرتيني بالكليه


الاسئله كانت سهله وانا حليت بدون تركيز وانا مغمض


والنتائج كانت مذهله ونجحت بامتياز


شدو حيلكم والله يوفقكم


اول سنه سهله السنوات الثانيه مدري عنها لاني ما جربت :6

[Auron]

خخخخخخخخ

ولحظتها اكتشفت ان اللي وياي ميح في الانقلش -_- ..

والله ما شفتي شي:6
عندنا لازم يخلون الاستاذ يقرا الاسئله ويشرحها?:
طحوش ولا يعرفون مبادئ الانجليزي كيف وصلوا ثاني ثانوي

والبنات ماتو عالاستاذ اللي عيونه مثل عيون دارين

لو تشوفون عيوني اجل":"

[RPG_master]

ودي ارد بس قاعد آكل


سندوتش بيد وكيبورد بيد..لذلك:6


مبروك على الأختبار وان شاء الله تنجحين بـ"تفنوق"



هم هم

[alex]

مبرووووووووك



ما فيه مثل اختبار قبول الطب ... 140 سؤال ... وييييين

[العمدا]

هع لا تكدرون علينا الى وقت السنه الجايه ":"

وبالتوفيق انجل