تقارير الأنمي تحليل Analysis
  • 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 1 من 3 123 الأخيرةالأخيرة
    النتائج 1 إلى 15 من 31

    الموضوع: تحليل Analysis



    1. #1
      التسجيل
      30-11-2001
      الدولة
      Qatar
      المشاركات
      2,401
      المواضيع
      21
      شكر / اعجاب مشاركة

      تحليل Analysis

      السلااااااام عليكم
      احم.. كحح كح... عفوا
      هذا اول موضوع لي في منتدى الانيمي.. لي مشاركات ثانيه في قسم الرسم..
      من حوالي اسبوع كنت ناوي افتح هالموضوع لكن الحين فضيت عشانه..
      ومن الاسم.. هالموضوع عباره عن تحليل... تحليل!!! ل شنو بالضبط؟!

      من خلال هالموضوع راح احاول اني احلل بعض قصص مسلسلات او افلام الانيمي التحليل المنطقي والصحيح لها.. واوضح بعض النقاط...

      وقبل ما أبدا بغيت اقول ان يمكن ردودي تخرب على بعض الاعضاء اللي ماشافوا المسلسل او الفيلم المعين اللي راح اتكلم عنه...

      وانشالله راح ابدأ في ردي القادم.. مع مسلسل.... Neon Genesis Evangelion

      باي
      آخر إبداعات الO.C.T قصة رائعة و رسوم أروع تفضل بدخول الموقع

    2. #2
      التسجيل
      11-12-2001
      الدولة
      ..:: Besides my own angel ::..
      المشاركات
      1,419
      المواضيع
      33
      شكر / اعجاب مشاركة
      مرحبا رانما ^^ long time no see ... انشاء الله مرتاح

      هههههههههههههه سبقتني :" كنت بسوي نفس هالموضوع بس عاد مو نفسك !!! انت بتحلل تحليل !!! :! لا مالنا نصيب بهالسوالف مو قدها ترى :6
      و الله موضوعك شيق اخوي ^^ و حمستنا ... و الاكثر روعه انه ايفانج ليون بيكون اول مسلسل للتحليل ...

      شاكرلك مقدما عالموضوع اللي واثق من روعته ^^ و انشاء الله ردي يكون ما سبب اي خلل بالموضوع ...

      موفق


      But.. I might have just being dreaming
      Even so, the warmth u left on my skin..
      still flowing.. through my body..

    3. #3
      التسجيل
      11-12-2001
      الدولة
      fantasy land
      المشاركات
      6,401
      المواضيع
      50
      شكر / اعجاب مشاركة
      بطاقات الألعاب
      Gamertag: ماعندي اكس بوكس
      اخيرا فتحت الموضوع يا رانما ^^

      يللا.. بانتظار التحليل على احر من الجمر

    4. #4
      التسجيل
      15-05-2001
      الدولة
      kuwait
      المشاركات
      1,259
      المواضيع
      26
      شكر / اعجاب مشاركة
      انا انصدمت لما عرفت ان في احد راح يكتب تحليل للانمي
      لان هذا شي رائع
      و انا كنت انتظر موضوع مثل هذا من زمان
      يلا اخوي احنا في انتظار تحليلك

      ;-) ;-)

    5. #5
      الصورة الرمزية Yurilin
      Yurilin غير متصل الفائزة الأولى بمسابقة تصميم أفضل بطاقة لصيفنا أحلى
      التسجيل
      18-10-2002
      الدولة
      .:: Kuwait the pearl of Gulf ::.
      المشاركات
      2,319
      المواضيع
      61
      شكر / اعجاب مشاركة
      امممم....
      مع اني ما اعرفك عدل بس شفت لك مشاركة وحدة":" .....



      و آنه سمعت عن هذا الانمي بس ما اعرفه...

      و ان شاء الله نشوف تحاليلك للانمي;-)

      ......________________±________________......



      ......________________±________________......

    6. #6
      التسجيل
      30-11-2001
      الدولة
      Qatar
      المشاركات
      2,401
      المواضيع
      21
      شكر / اعجاب مشاركة
      السلاااام عليكم
      مشكورين على الردود..
      هعهع اورنج رود ايه اخيرا فتحته.. i'll make u and all the drawing montada proud

      اليوم راح اتكلم عن المسلسل المشهور.. وخل اقول الاسطوري إيفانجليون.. اللي يعتبره الكثير من النقاد والمحللين انه افضل مسلسل انيمي على الاطلاق..
      اللي ماشاف المسلسل انصحه انه مايقرا الكلام لأنه راح يخرب عليه.. راح انشالله اشرح بعض النقاط عشان تكون قصة المسلسل اوضح بالنسبه للاشخاص اللي مافهموه....
      ملاحظه: كلامي غير منسوخ من اي موقع او مصدر آخر.

      نبدأ:

      مسلسل إيفانجليون والفيلمين التابعين له مكملين لبعض..
      يحكي المسلسل قصة "شنجي" ابن الدكتور "إيكاري" وهو مدير شركة "NERV" المنبثقه من "SEELE"..
      the 2nd impact حدث بفعل البشر في الحقيقه.. وحسب ماذكر في المسلسل ان SEELE هم اللي احدثوا الimpact لأنه راح تكون اضراره اقل مقارنة باللي ممكن يكون لو ان الانجيل اللي شافوه في القطب الشمالي تم ايقاضه.. ومهمة NERV ومن فيها انهم يحمون طوكيو 3 ويمنعون حدوث the 3rd impact كما هو مسجل في سجلات SEELE التاريخيه..

      انا متأكد ان الكثير مستغرب كيف ان الدكتور ايكاري يعرف كل هالمعلومات عن الانجيلز واللي ممكن يصير في المستقبل.. طبعا لأنه قائد NERV فهو على علم بما تحتويه سجلات SEELE التاريخيه.. ويعرف بالضبط ماذا حدث في ال 2nd impact.. دكتور إيكاري قام بكلللل اللي قام به عشان يكمل الحلم اللي كانت تبي تحققه زوجته الدكتوه إيكاري.. ودكتور ايكاري كان على علم بكللل شي راح يحدث في المستقبل.. حتى لو لاحظتوا ان مساعده في بعض المشاهد يقول له: this is wasn't in out plan.. ان هذا ماكان ضمن مخططاتنا.. ببساطه اشرح وضع الدكتور ايكاري بالحكمه الغربيه اللي تقول: "الظروف لاتصنع الرجال، الرجال هم اللذين يصنعون الظروف".. فالدكتور ايكاري كان مخطط لكل صغيره وكبيره عشان في الاخير يحقق ماكانت تتمناه زوجته الدكتوره ايكاري.. كل تصرفاته توضح هالشي.. وراح اقول لكم شنو حلم دكتورة ايكاري في نقطة قادمه..

      شنجي.. هذا الولد.. ابن الدكتور ايكاري الوحيد.. طول المسلسل وهو يعتقد ان الكل يكرهه.. او ان الكل مايهتم فيه.. حتى انه ماكان يعرف ليش يقوم بقايدة الايفا.. لكن في الاخير قال انه يقود الايفا عشان يثبت وجوده في الحياه.. لأنه كان يعتقد ان محد ينتبه له الا لما يقود الايفا.. مافي احد يهتم فيه او يمدحه الا لما يقود الايفا.. كل تصرف يحدث حوله يفسره بطريقته الخاصه الا وهي ان الناس مايهتمون فيه.. وانه مهمل.. حتى لما استدعاه ابوه كان بسبب انه محتاجه.. ولكن...... كل هذا خطأ.. في الحلقتين الاخيرتين من إيفانجليون المسلسل يتم التركيز على شخصية شنجي.. والله عورني راسي وانا اركز على الكلام اللي يقولونه.. شنجي كان يتخيل العالم على الشكل اللي هو يبغيه.. نظرته للحياه كانت غلط×غلط... كان مايهتم لو مات او عاش.. لكن كان ممكن تكون حياته مختلفه تماما.. لو غير طريقة نظرته للحياه.. وهذا ماتم شرحه في الحلقة الاخيره من المسلسل..

      البنت راي.. هذي البنت نقدر نقول انها اساس المسلسل.. هذي البنت ليست طبيعيه.. وانما تم تهجينها او ممممم نقدر نقول صناعتها.. ولكنها بشريه.. راي تم داخلها زراعة الdummy system التابع للإيفا.. وذكر في المسلسل ان داخل كل إيفا في مثل راي داخله.. داخل الكور ماله.. حتى لما الدكتورة "رتسوكو" دمرت المكان اللي فيه نسخ راي.. هذا يعني ان NERV ماتقدر تتحكم في الايفا او تحويله الى الdummy system.. عشان جذيه كان راي هي اهم وحده بالنسبه لدكتور إيكاري.. وفي المسلسل كان هناك 3 راي.. كل ما ماتت وحده طلعت وحده ثانيه.. وحده ماتت لما خنقتها ام الدكتورة رتسوكو.. والثانيه ماتت لما فجرت الايفا وهي داخله عشان تدمر الانجيل.. والثالثه طلعت بعد موت الثانيه.. وكل مره تطلع وحده تكون مدركه لما حولها اكثر وتكون قادره على التخلص من تحكم الدكتور ايكاري فيها اكثر.. حتى لما طلب الدكتور ايكاري من راي 3 انها تنفذ اللي يبيه في الحلقه الاخيره في الفيلم end of evangelion رفضت.. وسوت اللي هي تبيه.. اهمية راي تبان في الفيلمين التابعين للمسلسل..

      خل نتكلم الحين عن سبب كلللللل هالقصه.. السبب وراء وجود كل هالشخصيات انهم مايبون للجنس البشري انه ينتهي.. شلون؟ لو حدث اتحاد بين Adam وهو الانجيل الاول وبين اي انجيل ثاني.. هالشي راح يؤدي لهلاك البشرية.. عشان جذيه تم احداث the 2nd impact لأنه كان ممكن ان انجيل يتحد مع Adam.. وعلى الاقل الانفجار ما أدى الى هلاك البشريه.. والحين يحاولون ان يمنعون حدوث 3rd impact..
      المخلوق اللي كان موجود في شركة NERV اللي مصلوب كانوا يعتقدون انه آدم.. حتى لما تم ارسال الولد الخامس اللي في الحقيقه كان انجيل وتم ارساله من SEELE كانت مهمته انه ياخذ Adam الى SEELE لكنه اكتشف ان هالمخلوق مو Adam.. هو Lilith (والله ايكاري لاعب عليهم) هو مقتبس من آدم.. عشان جذيه طلب الولد الخامس من شنجي انه يذبحه وينهيه.. ليش SEELE طرشت هالانجل.. لأنها ماكانت واثقه من مبتغى الدكتور إيكاري.. كانت تبي تحصل على Adam الانجيل الاول عشان تمنع بنفسها ال3rd impact..
      دكتور ايكاري كان واثق كل الثقه هو ومساعده الدكتور Fuyutski ان الامباكت الثالث واقع لا محاله.. تم انتاج الايفا لأنه الوحيد اللي يقدر يتصدى للانجيلز... وسبب ثاني مهم جدا... انه الوحيد اللي يقدر يتحمل ال3rd impact:واو:... عشان جذيه كان هو و الدكتور فويوتسكي طول الوقت هادئين..
      لما تم في النهاية.. في فيلم end of evangelion.. القضاء على مؤسسة NERV.. وامساك إيافا 01 ومعاها شنجي.. وظهر Lilith اللي اتحدت معاه راي واتخذ شكلها.. حدث ال3rd impact.. حتى الدكتور ايكاري قال لراي.. "هذا ماكنا ننتظره".. لكن راي راحت عشان تساعد شنجي.. وطبعا في النهايه حدث ال3rd impact وكان ممكن تكون نهاية العالم.. كان القرار في يد شنجي.. لأنه هو اللي اتحد مع Lilith او نقدر نعتبره 1st angel... طبعا حدث ال3rd impact لأن الايفا في الاصل انجيل (كما ذكر وتم شرحه في المسلسل.. ماراح اتطرق له الحين).. وتم اتحاد ايفا01 التابع لشنجي مع ال1st angel اللي اتخذ شكل راي.. الحين القرار كان في يد.. هل ينهي البشرية.. العالم اللي يكرهه.. اللي مايهتم فيه.. مو مهم القرار اللي اتخذه.. المهم الكلام اللي انذكر خلال هذه اللحظات... وهو ماقالته الدكتورة ايكاري..
      "انا قمت بصناعة الايفا لكي اثبت وجود البشريه.. لأنه عند حدوث 3rd impact لن يعيش اي بشري على الارض.. إلا الايفا.. لكي اثبت ان البشريه في يوم من الايام كانت موجوده.. وستبقى الى الابد"..
      الحين عرفتوا ليش تم صناعة الايفا ..
      شي اخير.. لماذا الانجيلز كانوا ينزلون للأرض ويبون يدمرون البشر؟!!
      العلم يتطور بسرعه.. والبشر مهما كان دايما يبون يوصلون لتكنولوجيا وعلم متطور اكثر.. لدرجة ان العلم يتطور لدرجة كبيره ان بعض العلماء المختلين يحاولون يستخدمون قدرة العلم الهااائلة في فعل اشياء لايستطيع حسب اعتقادهم إلى "الإله" انه يفعلها.. والعلماء دايما يحاولون انهم يصنعون اشياء تفوق قدرة "الإله".. او كما يقولون "تتحدى قدرة وارادة الإله".. لذلك ايضا تم صنع الايفا لكي يثبت ان الانسان كان موجود ومهما حصل لن يختفي اثره.. وهذا ماكان يريدة "الإله" ان يمحي وجود البشريه لكي لاتصل لمستوى علمي يفوق التوقعات.. لهالسبب كان يتم الهجوم من قبل الانجيلز.. ليدمروا البشرية.. ويمسحون وجودها.. وعشان جذيه NERV او نقول العبقرية الدكتورة ايكاري قررت انها تصنع الإيفا لكي تتحدى "ارادة اللإله" وتثبت وجود البشريه..


      اتمنى اني قدرت اشرح بعض النقاط الغير مفهومه... ادري ان هناك نقاط ثانيه غيرها للحين مو مفهومه.. وانشالله باذن الله في القريب العاجل راح احاول اشرحها واحللها تحليل مثل المكتوب في الاعلى..

      اتمنى ان يتم فتح نقاش في النقاط المذكوره عشان نفهم المسلسل اذكر..

      واتمنى ان مايدخل عضو ويقول: "انا اكره ايفانجليون" - "هالمسلسل فاشل".. هالنوع من الاعضاء اتمنى انه مايخرب علينا الموضوع..

      وارحب بأي تحليل لمسلسل افانجليون هنا.. وانشالله اشوف ردودكم ونتناقش كلنا عن هالمسلسل الاسطوري..

      واعذروني عالاطاله..
      باي
      آخر إبداعات الO.C.T قصة رائعة و رسوم أروع تفضل بدخول الموقع

    7. #7
      التسجيل
      11-12-2001
      الدولة
      fantasy land
      المشاركات
      6,401
      المواضيع
      50
      شكر / اعجاب مشاركة
      بطاقات الألعاب
      Gamertag: ماعندي اكس بوكس
      ما كنت عارفة هالاشياء اللي ذكرتها رانما...

      هالمسلسل بالذات لازم الواحد يجوفه اكثر من مرة علشان يجمع القصة عدل...
      والمشكلة اني ما جفت الأفلام.. علشان جذي النهايات مب عارفتها...

      حبيت اضيف شي.. يمكن يكون بسيط وتافه في هالتحليل حق المسلسل..

      كانوا دايما يقولون ال second impact واللي وصلهم فيه آدم..
      طيب شنو هو ال fisrt impact؟؟ هو اللي قضى على الديناصورات قبل لا البشر يوجدون على الارض
      (أدري تفاهة.. بس لأني لما كنت اجوف المسلسل كنت ابي اعرف شنهو الفيرست ايمباكت)

      الحين انت تقول ان الحلقة الاخيرة في المسلسل كانت تراوينا ان لو كان شينجي بشخصية مختلفة وطريقة تفكير غير كانت حياته بتتغير...
      بس هل هاي هي النهاية خلاص.. والفيلمين كانوا يوضحون نهاية كل واحد منهم؟؟؟
      ممكن تتكلم اكثر عن النهاية يا رانما... (مشكلة اذا الواحد ما جاف الفيلمين الباقين)

      كمل التحليل... شكلك لميت بجوانب القصة ^^ واذا كانت عندي اسألة ثانية باسأل...

    8. #8
      التسجيل
      30-11-2001
      الدولة
      Qatar
      المشاركات
      2,401
      المواضيع
      21
      شكر / اعجاب مشاركة
      اجابة على كلامج اورنج رود..


      اول شي مادري عن الfirst impact.. يمكن له دخل بالديناصورات او شي.. لكن صج ماتذكر ان ذكروا اي شي عن الامباكت الاول..
      انشالله انا ناوي اكمل المسلسل مره ثانيه على نهاية الويك اند عشان افهم اكثر بعد..

      وعن النهايه:
      المسلسل 26 حلقه.. الحلقه الاخيره من المسلسل تذكر عن شنجي.. بالضبط انه في حلم يراويه شلون ممكن تكون حياته.. another possibility of his life مثل ماقالوا.. حتى بعدين لما توقظه Asuka من النوم وانهم يروحون المدرسه.. بعد هذي يظهر احتمال ثاني كان ممكن تكون حياته جذيه..
      بعدين تنتهي الحلقه:! انا استغربت.. مايصير.. هذي هي النهايه.. لااااااااع:"

      لــــــــــــــــكــــــــــــــن... الفيلم الاول Death and Rebearth وبعد الفيلم الثاني End of Evangelion كل واحد مقسم جزئين..
      القسم الاول من الفيلم الاول يحكي مختصر لأحداث المسلسل من الحلقه الاولى لين الحلقات الاخيره (حسب ماتذكر).. والقسم الثاني هو الحلقه 27 اللي بعدين تكمل احداث المسلسل لما SEELE اهجموا على NERV.. مابي اقول لج شنو صار بالضبط.. شوفي الفيلم احسن..
      ويمكن اذكر الاحداث لكن في ردود قادمه عشان اوضح بعض النقاط

      القسم الاول من الفيلم الثاني يحكي بالترتيب اختصار لقصة كل واحد من شخصيات المسلسل.. والقسم الثاني هو الحلقة 28 وفيها نهاااااية سلسلة إيفانجليون.. وتكمل قصة الهجوم على SEELE وغيره من الاحداث

      لازم اللي شاف المسلسل لاااازم يشوف الفيلمين لأن فيهم نهاية القصه..

      انشالله في القريب العاجل بحاول اشرح بعض الاشياء الثانيه بعد
      بااااي
      آخر إبداعات الO.C.T قصة رائعة و رسوم أروع تفضل بدخول الموقع

    9. #9
      التسجيل
      03-12-2002
      الدولة
      West Coast
      المشاركات
      429
      المواضيع
      2
      شكر / اعجاب مشاركة
      أهلا أخوي رانما تحليلك وايد ممتاز و معليش دوبي أنتبه للموضوع جدا تحليل روعة... ..^_^

      ^_^Thanks Gaia

    10. #10
      التسجيل
      09-12-2000
      الدولة
      امريكا / كانساس /لورانس
      المشاركات
      2,961
      المواضيع
      93
      شكر / اعجاب مشاركة
      مشكور اخوي... فعلا فيه اشياء اول مره ادري عنها... مثل وجود 3 راي في المسلسل...

      شكلي ابشوفه ثانيه و احاول افهم اكثر...



      بس عندي سؤال... من قتل كاجي... و ليش؟
      سبحان الله و بحمده... سبحان الله العظيم



    11. #11
      التسجيل
      11-11-2002
      المشاركات
      226
      المواضيع
      0
      شكر / اعجاب مشاركة
      مشكور على الموضوع

      love never die


    12. #12
      التسجيل
      14-02-2003
      المشاركات
      17
      المواضيع
      2
      شكر / اعجاب مشاركة
      مشكور رانما على التحليل القوي ..

      الحين اخذ حبة بندول وحدة مو ثنتين بعد كل حلقة ?: ?: ....

      لكن ليش ايكاري ذبح زوجته زي ماأذكر؟؟ (والله قليل خاتمة):غضب:

      ومرة ثانية مشكور

    13. #13
      التسجيل
      30-11-2001
      الدولة
      Qatar
      المشاركات
      2,401
      المواضيع
      21
      شكر / اعجاب مشاركة
      مشكووورين اخواني على الردود...

      Shin Kyo:
      مشكور على الرد شجعتيني ان اكتب اكثر

      Arsene Lupin:
      اللي قتل كاجي هي ميساتو Misato لكن ليش؟ هالشي اللي ابي اعرفه.. انا ماشفت المسلسل الا مره وحده وناوي اشوفه مره ثانيه عشان افهم بعض النقاط اللي مافهمتها.. بس لما ميساتو ذبحت كاجي.. كأن كاجي كان متوقع هالشي.. هالنقطه بالذات عقدتني لأن كاجي وميساتو يحبون بعض.. كاجي كان يعرف معلومات واايد عن NERV وعن SEELE واتذكر على اخر كم حلقه تم فصله من عمله لأن تم اكتشاف انه جاسوس.. ماتذكر شلون السالفه بالضبط الحين.. لكن لازم اتكلم عنها قريبا..
      وشخصية ميساتو واايد احبها.. تقريبا الشخصية المفضله عندي.. وانشالله بعد ناوي اكتب عنها بتفصيل لأن بعد لها قصه بروحها..

      alk:
      مشكور

      Black00Knight:
      العفو... انشالله بعدين ماتحتاج حتى تاكل ولا حبة بندول
      و بخصوص استفسارك..
      ايكاري ماذبح زوجته.. زوجته ماتت خلال اول تجربه للإيفا.. حتى فشلت التجربه وماتت.. كان هو حاضر التجربه وحتى شنجي كان حاضر معاهم..
      و ايكاري طلع انه يحب زوجته وايد (او عالاقل حسب ماعتقد) بدليل انه سوا كل اللي سواه عشان في النهاية يحقق حلمها ويجتمع معاها..


      الحين المشكله فترة امتحانات.. من اول ماخلص امتحانات (بعد بكره).. بتفرغ للموضوع.. الحين راسي مشغوووول ?:

      واذا عندكم اي استفسار ثاني عن ايفانجليون انا حاضر
      باي
      التعديل الأخير تم بواسطة Ranma Saotome ; 30-03-2003 الساعة 09:30 PM
      آخر إبداعات الO.C.T قصة رائعة و رسوم أروع تفضل بدخول الموقع

    14. #14
      التسجيل
      11-12-2001
      الدولة
      fantasy land
      المشاركات
      6,401
      المواضيع
      50
      شكر / اعجاب مشاركة
      بطاقات الألعاب
      Gamertag: ماعندي اكس بوكس
      كاجي ؟؟؟

      هاي من؟ اللي يحب ميساتو؟؟؟

      اعتقد انك غلطان رانما.. مب ميساتو اللي قتلته...
      حتى اهي ما كانت تحاول انها تتصل فيه وما تلقاه يرد عليها...

      على ما اذكر اني بعد ما خلصت المسلسل دخلت مواقع على الانترنت ادور على شرح وتفسير للقصة..
      اذكر انهم كانوا ذاكرين من اللي قتل كاجي.. بس ما كانت ميساتو

      بعد ميساتو تحبه.. شلون تقتله؟

      ممكن تتأكد من هالنقطة رانما

    15. #15
      التسجيل
      06-01-2003
      الدولة
      الرياض
      المشاركات
      393
      المواضيع
      21
      شكر / اعجاب مشاركة
      بطاقات الألعاب
      Steam ID: 1 Wii Code: 1
      مشكووور على الموضوع
      مشالله تحليلك ممتاز جدا
      مشاريع صغيرة ناجحة مربحة في السعودية + دراسة جدوى مجاناً جاهزة للتحميل أو المعاينة بها تقدير التكلفة لكل مشروع والربح المتوقع والمصروفات..إلخ تجدونها عبر رابط حسابي في تويتر http://bit.ly/T711w اهلا وسهلا بكم

    صفحة 1 من 3 123 الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •