تكفون اخوكم متوهق يبي يشتري سيارة بس مو عارف ايش يأخذ (الدخول ضروري يهمنا رأيكم)

**mr.jack** · 29-03-2003, 05:02 AM

السلام وعليكم ورحمة الله وبركاته

كما قرأتم عنوان الموضوع فأني ارغب في شراء سيارة ومحتار بين 3 سيارات وهي (اكورد2003او كامري2003او ماجنا2003)

وأربغ انا اعرف عن
الاسعار
خدمة ما بعد البيع
أسعارقطع الغيار والصيانة
عمر السيارة

علمنا بأني اريد اخذ السيارة القير اتوماتيك

تكفون رأيكم يهمني

وشكرا لكم

**Chad** · 29-03-2003, 09:44 AM

أتوقع الهوندا أكرود أفضل

**David Beckham 7** · 29-03-2003, 10:27 AM

طبعا الاكورد هي الافضل":" ":"

**MAX 2002** · 29-03-2003, 11:54 AM

انا اشوف انه على حسب نوع الماكينة 4 او 6 سلندر ...
واشوف انه الكامري افضل بكثير ... 4 سلندر فتحه بالسقف وتركبلها جنوط 17 تطلع جنااااااااااااااااان ...
لكن انت قلت انك تبغى قير اوتو فعشان كذا لا تاخذ الا اكورد لأنها مشهو بقوة القير الاوتو افضل من تويوتا .... وانا اقلك انه الاكورد حلوة لكن انت قلت انها تهمك قطع الغيار والصيانه ....

لكن توكل علىالله وخذلك اكورد فتحة بالسقف وجنوط و4 سلندر او 6 ...
تراها حلوه .....

**mr.jack** · 29-03-2003, 01:34 PM

ماقصرتوا جازكم الله خير

بس أنا ابغى أعرف الاسعار اذا ممكن

**AFMER2001** · 30-03-2003, 03:54 PM

أكورد VTi السعر 87450
أكورد VTi-E السعر 70650
أكورد VTi-L يدوي السعر 54900
أكورد VTi-L آلي السعر 57900

**mr.jack** · 31-03-2003, 10:14 AM

مشكور AFMER2001و كل من شارك

ونقول اكورد واتوكلنا عالله

**فيجا الكبير** · 31-03-2003, 10:12 PM

انا الصراحه يا أخ mr.jack مادري شاقولك بس

.....

شوف تبي راي انا ، ترى السيارات هذي حلوه وعمليه وماعليها كلام بس قبل كم يوم واحد من ربعي خذا سوبارو لجاسي 2003 وخذيتها انا من عنده علشان اجربها

صج سياره متعوب عليها

الصراحه انا أول مره اركب سياره بهنوع من الثبات تبي الصج انا كان عندي كامري جراندي وجربت الاكورد عند واحد من الشباب بس مثل الجاسي مااااااافيه خصوصا نظام الدفع الرباعي صج عجيــــــــــــــــــــــب

واذا تربى من ناحيه الصيانه ترى انا عمري كله ماشفت سياره يابانيه واقفه على جنب الشارع متعطله

إلا إذا كان عمرها اكثر من عشر سنين المهم وإذا على السعر على ما اعتقد 65000 ريال سعودي بمحرك 2.5 ودفع رباع وتماتيك المهم انا عطيتك خيار جديد وفكر فيها على ترى انا جربت الكامري والاكورد بس مثل ثبات وقوة اللجاسي مافيه وعلى فكره إذا على السرعه ترى لايغرك انها اربعه سلندر تراااااااااااااااااااااااهااااااااااااااااا مشايه من قلب

وعلى العموم هذى رايي .....

**D0WN~T0WN** · 03-04-2003, 07:26 PM

شف ياخوي

الكامري افضل من ناحية خدمة مابعد البيع وبجدارة اما الباقي فهي للاكورد اما الماجنا فوكيلها كيف الحال قطع غياره نااار

**abu dahm** · 08-04-2003, 04:14 PM

اخوي الماجنا اغسل يدك منها على قولت الاخ داون تاون ترا وكيلها يبي يمص دمك غلا قطع الغيار وبالنسبه لمشيتها انت شباب والدفع الرباعي مايصلح الا للشياب وانواع الهجات اللي تبي تجيك واختم كلامي مافي احسن من الاكورد اتماتيك

**فيجا الكبير** · 09-04-2003, 05:20 PM

على الله ...

.. مالك غير الاكورد إذا ماتبي سياره اثبت منها على الخط واللفات مثل اللجاسي ...":"

**mr.jack** · 12-04-2003, 09:07 PM

نقول اكورد و اتوكلنا على الله

ومشكورين ماقصرتوا

**D0WN~T0WN** · 12-04-2003, 11:58 PM

اقول انصحك تاخذها بجنوط لان جنوط 2003 شكلها موب صاحي وزينون والله يوفقك

**DE NILSON** · 13-04-2003, 01:42 AM

بالراحة الاكورد

**راعي الأكورد** · 13-04-2003, 11:30 AM

السلام عليكم ورحمة الله وبركاته:

ياأخي ليش تحتار الكامري شكلها غلط وغبي ومالها داعي ومواصفاتها عاديه جدا وسعرها مرتفع بالنسبه للسيارات اللي في فئتها .

أما الاكورد الجديد فهو جنان قوه ومواصفات وسعر .

اما بالنسبه لقطع الغيار فهي ارحم من النيسان وانشاء الله ماتحتاجها .

وعلى فكره الكامري استرالي والاكورد ياباني .

والله يعطيك خيرها ويكفيك شرها ومبروك مقدما .

الموضوع: تكفون اخوكم متوهق يبي يشتري سيارة بس مو عارف ايش يأخذ (الدخول ضروري يهمنا رأيكم)

أدوات الموضوع

تكفون اخوكم متوهق يبي يشتري سيارة بس مو عارف ايش يأخذ (الدخول ضروري يهمنا رأيكم)

ضوابط المشاركة